Georgišćina
južnokawkaska rěč, hamtska rěč w Georgiskej / From Wikipedia, the free encyclopedia
Georgišćina (zestarjene gruzišćina; georgisce ქართული ენა / kartuli ena) je najwjetša z južnokawkaskich rěčow a hamtska rěč w Georgiskej. Wona rěči so wot někak štyrjoch milionow ludźi[1], nimo Georgiskeje tež w susodnych krajach kaž Armenskej, Azerbajdźanje a Ruskej. Wona je přiwuzna jeničce z třomi druhimi južnokawkaskimi rěčemi a njesłuša do žaneje wot wulkich rěčnych skupinow.
kraje | Georgiska, Armenska, Azerbajdźan, Ruska | |||
rěčnicy | 4 miliony | |||
znamjenja a klasifikacija | ||||
---|---|---|---|---|
klasifikacija | južnokawkaske rěče
| |||
družina pisma | georgiski alfabet | |||
oficielny status | ||||
hamtska rěč | Georgiska | |||
rěčne kody | ||||
ISO 639-1: |
ka | |||
ISO 639-2: | (B) geo | (T) kat | ||
ISO 639-3 (SIL): | ||||
wikipedija | ||||
| ||||
W georgiskej rěči njeje žadyn gramatiski genus a substantiwy nimaja ani postajeneho ani njepostajeneho artikla. Wona ma jenož pjeć wokaliskich, ale 28 konsonantiskich fonemow. Georgišćina ma sydom padow: nominatiw, datiw, genitiw, instrumental, adwerbial, wokatiw a ergatiw.
Georgišćina pisa so ze swójskim, georgiskim alfabetom.
Georgiske swójbne mjena skónča zwjetša na -šwili (starogeorgisce „dźěćo“, wuchodogeorgiske mjena) a -dze (starogeorgisce „syn“, zapadogeorgiske mjena).