Hradec Králové
město w Čěskej From Wikipedia, the free encyclopedia
Hradec Králové (serbsce tež Kraloweje Hradc; němsce Königgrätz) je čěske město při hornim běhu Łobja. Nadeńdźe so we wuchodnej połojcy Sewjeročěskeje žłobiny w předkraju Kyrkonošow, něhdźe sto kilometrow wuchodnje Prahi. Zarjadniske sydło Královéhradeckeho kraja je z wjace hač 90.000 wobydlerjemi dźewjate najwjetše město Čěskeje, uniwersitne město kaž tež sydło biskopstwa a Wuchodočěskeho muzeja.
| ||
| Wopon | ||
|---|---|---|
| ||
| Zakładne daty | ||
| stat |  Čěska | |
| kraj |  Hradec Králové | |
| wysokosć | 235 metrow n.m.hł. | |
| přestrjeń | 105,61 km² | |
| wobydlerstwo | 92.917 (1. jan 2018)[1] | |
| hustosć zasydlenja | 880 wob. na km² | |
| póstowe čisło | 500 00 | |
| adresa | Československé armády 408 502 00 Hradec Králové | |
| webstrona | hradeckralove.org | |
 | ||
| Hłowne torhošćo | ||
50.21027777777815.828333333333
W bliskosći města wotmě so w lěće 1866 bitwa mjez Pruskej a Rakuskej.
Město bě hižo 1062 wobtwjerdźene, pomjenowa so w lěće 1225 za kralowske město a bě wot 1307 sydło Hilžbjety Riksy z Pólskeje, wudowy kralow Wjacława II. a Rudolfa I. Wot toho časa nosy mjeno Grecz Reginae resp. Hradec Králové město dotalneho Grecz/Grätz. W němčinje přesadźi so hakle wot 1800 mjeno Königgrätz město stawiznisce praweho Königingrätz.
W 15. lětstotku bě Hradec jedne z prěnich městow, kotrež stejachu na boku Husitow. 1424 bu Jan Žižka tule pochowany. Hač do Třicećilětneje wójny wosta Hradec přewažnje protestantski. We wójnje bu 1639 wot šwedskeho wójska wobsadźeny a wurubowany. 1664 sta so ze sydłom nowozałoženeho Hradeckeho biskopstwa romsko-katolskeje cyrkwje.
1866 přemóži pruske wójsko w bitwje pola Königgrätza zwjazkarskej wójsce Sakskeje a Rakuskeje a rozsudźi takle Němsku wójnu za so.
Po rozpadźe Habsburgskeje monarchije słušeše město wot 1918 k Čěskosłowakskej. W měrcu 1939 bu wot Němskeje wobsadźene a přińdźe 1945 znowa k čěskosłowakskemu statej.
Powětrowy wobraz stareho města
Biskopski palast
Měšćanske domy při torhošću
Synagoga z lěta 1905
Twjerdźizna Hradec wokoło 1890
Awtodróha D 11 zwjazuje Hradec Králové z Prahu. Do susodnych Pardubic wjedźe spěšnodróha 37. Nimo toho ma město dwórnišćo, z kotrehož wjedu železniske čary do Prahi, Pardubic, Turnova a Trutnova.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
