zwjazkowy stat Zjednoćenych statow Ameriki From Wikipedia, the free encyclopedia
Nevada je US-ameriski zwjazkowy stat, kotryž leži na zapadźe kraja, we Wulkej žłobinje wuchodnje horin Sierra Nevada. Ma něhdźe 2,9 milionow wobydlerjow na 286.000 km² a je tuž jara rědko wobsydleny (10 wob./km²). Stolica je Carson City z 55.000 wobydlerjemi, najwjetše město pak Las Vegas z wjace hač 550.000 wobydlerjemi. Někak tři štwórćiny wobydlerstwa bydla we wokolinje tutoho města. Mjeno „Nevada“ pochadźa wot španiskeho pomjenowanja horin Sierra Nevada („zasněžene horiny“).
hesło: All For Our Country („Wšitko za naš kraj“) | |
Zakładne daty | |
---|---|
stolica | Carson City |
přestrjeń | 286.351 km² |
wobydlerstwo | 2.890.845 (1. jul 2015)[1] |
hustosć | 10 wob. na km² |
časowe pasmo | UTC–8 (PST) |
Politika | |
guwerner | Brian Sandoval (Rep.) |
přistup do unije | 31. oktobra 1864 |
Přehladna karta zwjazkoweho stata | |
Stat mjezuje z Oregonom a Idahom na sewjeru, Utah na wuchodźe, Arizonu na juhowuchodźe a Kaliforniskej na zapadźe. Teritorij wobsteji hłownje z pusćiny kaž tež z wysokich hórskich rjećazow. Najwyša hora Nevady je Boundary Peak (4005 m) w horinach White Mountains („Běłe horiny“). Při hranicy z Arizonu běži Colorado River, najwjetša rěka Nevady.
Nevada přiwza so dnja 31. oktobra 1864 jako 36. stat do unije a ma přimjeno The Silver State („slěborny stat“). Do toho słušeše k Utah Territory. Něhdźe 160 kilometrow sewjernje města Las Vegas nadeńdźe so Nevada Test Site, jedna z najwjetšich testowanskich přestrjenjow za atomowe bomby na swěće.
Něhdźe 21 % wobydlerstwa je mexiskeho pochada, 13 % němskeho a 10 % maja irskich prjedownikow.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.