Sacha
republika Ruskeje federacije / From Wikipedia, the free encyclopedia
Sacha (tež Jakutska; jakutsce Саха Сирэ; rusce Якутия) je awtonomna republika w aziskim dźělu Ruskeje, najwjetši federaciski subjekt wšeho kraja a zdobom najwjetša njestatna zarjadniska jednotka cyłeho swěta. Jara rědko wobsydleny teritorij republiki namaka so w Sibirskej a je dźewjeć króć wjetši hač Němska.
Республика Саха (Якутия) Саха Өрөспүүбүлүкэтэ | |
---|---|
wopon | chorhoj |
Zakładne daty | |
federaciski wokrjes | Daloki wuchod |
stolica | Jakutsk |
přestrjeń | 3.083.523 km² |
wobydlerstwo | 958.528 (14. okt 2010)[1] |
hustosć wobydlerstwa | 0 wob. na km² |
hamtske rěče | jakutšćina, rušćina |
časowe pasmo | UTC+9–11 |
awtowa značka | 14 |
webstrona | sakha.gov.ru |
Politika | |
hłowa republiki | Jegor Borisow |
Wobsteji na juhu zwjetša z horatych lěsnych krajinow (tajga) a na sewjeru z tundry. Přirodnu hranicu twori Sewjerny polarny ocean. Jeje stolica a jeničke wulkoměsto je Jakutsk při Lenje, kotraž je najwažniša rěka w Jakutskej. K republice słušeja tež Nowosibirske kupy. Swětodaloko znaty je tak mjenowany zymnotny čop Ojmjakon na wuchodźe Jakutskeje, hdźež je so w lěće 1933 z –67,8° C dotal najniša temperatura we wobsydlenych kónčinach swěta měriła. W lěću docpěja pak temperatury wot wjace hač +30° C.
W lěće 2010 měješe Sacha 958.528 wobydlerjow, z nich běchu 49 % turkowskorěčni Jakutojo a 37 % Rusojo. Nimo toho je w Jakutskej wjele mjeńšich sibirskich ludow žiwych, kaž na přikład Ewenkojo (2,2 %) a Ewenojo (1,6 %).
Jakutska je bohata na zemskich pokładach kaž na přikład na diamantach, złoće, wuhlu, nafće a zemskim płunje.