Bukowc
wjeska w Hornjej Łužicy; gmejna Porchow From Wikipedia, the free encyclopedia
Remove ads
Bukowc (němsce Bocka) je mała hornjołužiska wjeska z dźesać wobydlerjemi w Budyskim wokrjesu, kotraž słuša k Porchowskej gmejnje.
Remove ads
Geografija
Sydlišćo nadeńdźe so južnje Wotrowa wyše Klóšterskeje wody na jeje zapadnym boku. Při rěčce samej nadeńdźe so Kamjentny młyn. Susodne wsy su Nowe Městačko a Wotrow na sewjeru, Jědlica na wuchodźe, Horni Wujězd na juhowuchodźe, Hłupońca na juhozapadźe a Kašecy na zapadźe.
Přez Bukowc wjedźe kolesowarska a pućowanska šćežka přez Nowe Městačko ke klóštrej Marijina hwězda.
Stawizny
Wjeska naspomni so prěni raz w lěće 1357 jako Buckow.[2] W lěće 1670 a znowa 1858 mjenuje so Bukowčanske ryćerkubło jako mějićel ležownostneho knjejstwa.
Hač do lěta 1932 běše wjeska samostatna gmejna, doniž njebu zagmejnowana do Hłupońcy. Wot 1957 słušeše ke gmejnje Kašecy-Hłupońca, kotraž bě wot lěta 1974 dźěl Wotrowskeje gmejny. Jako so tuta w lěće 1994 do Pančic-Kukowa zagmejnowa, bu Bukowc do Porchowskeje gmejny přerjadowany.
Wobydlerstwo
We 1880tych lětach měješe Bukowc po Statistice Łužiskich Serbow wot Arnošta Muki cyłkownje 43 wobydlerjow, z nich 32 Serbow (74 %) a jědnaće Němcow.[3] W lěće 1925 běchu wot tehdy 33 wobydlerjow 26 ewangelskich a sedmjo katolskich. Ewangelscy wobydlerjo přisłušeja Wujězdźanskej wosadźe a katolscy Wotrowskej.[2]
Remove ads
Žórła
Wotkazaj
Wikiwand - on
Seamless Wikipedia browsing. On steroids.
Remove ads