Ekwator

Ekwator je teoretiska linija na zemi, kotraž ma samsnu zdalenosć z wobeju polow a rozdźěluje zemju do sewjerneje a južneje połkule. Ma geografisku šěrinu wot 0° a teoretisku dołhotu wot 40.075,016686 km.

Ekwator a wobrotnikaj na swětowej karće

Ekwatorowy pomnik blisko ekwadorskeje stolicy Quito

Zemski ekwator přeprěkuje Afriku, Indiski ocean, juhowuchodnu Aziju, Ćichi ocean, Južnu Ameriku a Atlantiski ocean. Mjez ekwatorom a wobrotnikomaj so tropy namakaja. Tam steji słónco dwójce w lěće w ceniće, štož wobwliwuje tež tropiske počasy.

Ekwator direktnje přeprěkuje 11 statow:

• Ekwador (kotryž ma swoje mjeno wot ekwatora)
• Kolumbisku
• Brazilsku
• São Tomé a Príncipe
• Gabun
• republiku Kongo
• Demokratisku republiku Kongo
• Ugandu
• Keniju
• Somaliju
• Indonesku

Nimo toho přeprěkuje wjacore skupiny kupow mjez jednotliwymi kupami, na přikład Malediwy. Slědowace stolicy namakaja so blisko ekwatora:

• Quito (20 km južnje ekwatora) - Ekwador
• Kampala (35 km sewjernje ekwatora) - Uganda
• São Tomé (35 km sewjernje ekwatora) - São Tomé a Príncipe
• Libreville (40 km sewjernje ekwatora) - Gabun

Wotkaz

 Commons: Ekwator – Zběrka wobrazow, widejow a awdiodatajow