Atlantiski ocean

Atlantiski ocean abo Atlantik (we wobchadnej rěči tež wulki hat) je wodowa přestrjeń mjez Afriku, Europu a Ameriku. Je to druhi najwjetši z pjeć swětowych oceanow.

Atlantiski ocean

Jeho cyłkowna přestrjeń wučinja něhdźe šěsćinu zemskeho powjercha, štož je 85 133 000 km². Dołhosć jeho pobrjoha je 111 866 km. Šěrokosć je wot 2 848 km mjez Brazilskej a Liberiju do 4 830 km mjez Zjednoćenymi statami Ameriki a sewjernej Afriku. Najhłubše městno w Atlantiskim oceanje je hłubina Milwaukee w Portorikoskej hrjebinje we hłubokosći 8 376 metrow pod hładźinu oceana. Přerězna hłubokosć je 3 646 m. Ekwator dźěli jón do sewjerneho a južneho dźěla. Najwjetša kupa je Grönlandska.^[1]

• 
  Karta hłubokosće oceana
• 
  Mórske prudźenja w sewjernym Atlantiku