El Salvador

El Salvador (španisce, „wumóžnik“) je poměrnje mały njewotwisny stat při Ćichim oceanje w Srjedźnej Americe. Jeho stolica je San Salvador.

14-89

Republika El Salvadora

hesło Dios, Unión, Libertad („Bóh, jednota, swoboda“)
zakładne daty:
swójske mjeno	República de El Salvador
stolica	San Salvador
přestrjeń	21.041 km²
wobydlerstwo	6.141.350 (2015)[1]
hustosć	291,9 wob./km²
forma knježerstwa	republika
hłowa stata a šef knježerstwa	prezident Nayib Bukele (wot 2019)
měna	US-ameriski dolar
hamtska rěč	španišćina
hymna	Himno Nacional de El Salvador
časowe pasmo	UTC-6
njewotwisnosć	13. apryla 1838 wot Srjedźoameriskeje konfederacije
Top Level Domain	.sv
telefon	+503
awtowa značka	ES
Połoženje El Salvadora w regionje
Karta
p • d • w

Geografija

Pomnik wumóžnikej („Salvador“) w stolicy San Salvador

El Salvador mjezuje z Hondurasom na sewjeru a wuchodźe a z Guatemalu na zapadźe. Južnu hranicu twori Ćichi ocean. Jako jenički srjedźoameriski kraj nima swójski přistup ke Karibiskemu morju. Najwyši dypk kraja je wjeršk hory El Pital (2730 m n.m.hł.).

Stawizny

Hač do lěta 1821 bě El Salvador z koloniju Španiskeje a potom hač do lěta 1838 dźěl Srjedźoameriskeje konfederacije. W lěće 1969 wumrě w krótkej wójnje z Hondurasom něhdźe 3.000 ludźi. W krawnej byrgarskej wójnje mjez wójskom a opoziciju zasadźi wot 1980 do 1991 něhdźe 70.000 wobydlerjow swoje žiwjenje.