Helgoland

Helgoland (sewjerofrizisce Deät Lun = „tón kraj“) je kupa w Sewjernym morju a jenička šěrokomórska kupa Němskeje. Słuša administratiwnje do wokrjesa Pinneberg w Schleswigsko-Holsteinskej. Prěnjotnje wjetša kupa rozłama w lěće 1721, tak zo wobsteji gmejna dźensa z hłowneje kupy Helgoland a pódlanskeje kupy Düne. Nimo němčiny rěči so na Helgolandźe tež frizisce. Helgolandska narěč sewjerofrizišćiny płaći jako druha hamtska rěč.

Helgoland

sewjerofrizisce	Deät Lun
Helgoland na karće Schleswigsko-Holsteinskeje DEC
Wopon
Wopon
Zakładne daty
stat	Němska
zwjazkowy kraj	Schleswigsko-Holsteinska Schleswigsko-Holsteinska
wokrjes	Wokrjes Pinneberg
wysokosć	40 metrow n.m.hł.
přestrjeń	4,2 km²
wobydlerstwo	1.253 (31. dec 2023)[1]
hustosć zasydlenja	298 wob. na km²
póstowe čisło	27498
předwólba	(+49) 04725
awtowa značka	PI
Politika a zarjadnistwo
wyši měšćanosta	Jörg Singer (bjezstronski)
adresa	Lung Wai 28 27498 Helgoland
webstrona	helgoland.de
wikidata: Helgoland (Q3038)

54.1833333333337.8833333333333

Helgoland je něhdźe 49 kilometrow zdalene wot najblišeje twjerdźe, přibrjoha Schleswigsko-Holsteinskeje pola Sankt Peter-Ording. Kupa słuša hakle z lěta 1890 k němskemu statej a ma hač do dźensnišeho wosebity status. Tak je wona drje z dźělom němskeho hospodarstwa, nic pak cłowneho teritorija Europskeje unije.

Nimo jězdźidłow policije, wohnjoweje wobory, cła a ambulancy njejsu awta na kupje dowolene.

• 
  Powětrowy wobraz wobeju kupow
• 
  Skała Nathurn Stak, mjenowana „Lange Anna“
• 
  Wobraz z lěta 1826
• 
  Swětłownja na Helgolandźe