Israel

Israel (oficielnje Stat Israel, hebrejsce מדינת ישראל, Medinat Jisra'el, arabsce دولة إسرائيل, Dawlat Isrá'íl) je njewotwisny stat na Bliskim wuchodźe w zapadnej Aziji. Oficielna stolica a sydło knježerstwa kaž tež parlamenta je Jeruzalem.

Skalne swjatnišćo na Templowej horje w Jeruzalemje

31.634.8

Stat Israel

zakładne daty:
swójske mjeno	מדינת ישראל (Medinat Jisra'el) (hebr.) دولة إسرائيل (Dawlat Isrā'īl) (ar.)
stolica	Jeruzalem (wjetšina statow připóznawa jako hłowne město Tel Aviv)
přestrjeń	22.380 km²
wobydlerstwo	8.049.314 (2015)[1]
hustosć	359,7 wob./km²
forma knježerstwa	republika
hłowa stata	prezident Jitzchak Herzog (יצחק הרצוג) (wot 2021)
šef knježerstwa	ministerski prezident Benjamin Netanjahu (בִּנְיָמִין נְתַנְיָהוּ) (wot 2022)
měna	Nowy israelski šekel
hamtska rěč	hebrejšćina, arabšćina
hymna	haTikwa‬
časowe pasmo	UTC+3
nastaće	14. meje 1948
Top Level Domain	.il
telefon	+972
Połoženje Israela na zemi
Karta
p • d • w

Israel bu po Druhej swětowej wójnje w lěće 1948 jako nowa domizna Židow na teritoriju britiskeho protektorata Palestina załoženy. Hač do dźensnišeho wobsteji krawny konflikt mjez israelskim statom a arabskimi Palestinjanami.

Geografija

Kraj mjezuje z Libanonom na sewjeru, ze Syriskej w Golanskich wyšinach na sewjerowuchodźe, z Jordaniskej na wuchodźe a z Egyptowskej na juhozapadźe. Na zapadźe twori pobrjóh Srjedźneho morja přirodnu hranicu; na juhu ma Israel pola města Eilat podźěl na Čerwjenym morju.

Pobrjóh Mortweho morja při jordaniskej hranicy na wuchodźe je najhłubšo pod mórskej hładźinu połožene městno na zemi.