Karlsruhe

Karlsruhe je wulkoměsto w juhozapadnej Němskej a z nimale 310.000 wobydlerjemi po Stuttgarće a Mannheimje třeće najwjetše město Badensko-Württembergskeje. Leži na sewjerozapadźe zwjazkoweho kraja při prawym brjoze Ryna napřećo Porynsko-Pfalcy a njedaloko wot francoskeje hranicy.

Karlsruhe

Karlsruhe na karće Badensko-Württembergskeje DEC
Wopon
Wopon
Zakładne daty
stat	Němska
zwjazkowy kraj	Badensko-Württembergska Badensko-Württembergska
wokrjes	měšćanski wokrjes
wysokosć	115 metrow n.m.hł.
přestrjeń	173,46 km²
wobydlerstwo	309.964 (31. dec 2023)[1]
hustosć zasydlenja	1787 wob. na km²
póstowe čisła	76131–76229
předwólba	(+49) 0721
awtowa značka	KA
Politika a zarjadnistwo
wyši měšćanosta	Frank Mentrup (SPD)
webstrona	karlsruhe.de
wikidata: Karlsruhe (Q1040)

49.0148.4043

Hród z pomnikom wjercha Korle Bjedricha

Město je so w lěće 1715 jako barokne planowe město załožiło a měješe Badenskej jako stolica a rezidencne město słužić. Charakteristiske su 32 dróhow a alejow, wjedźo wot hroda we formje wjechle do Wysokorynoweje nižiny. Wot lěta 1901 měješe město wjace hač 100.000 wobydlerjow.

Wot lěta 1951 je Karlsruhe sydło němskeho Zwjazkoweho wustawoweho sudnistwa. Nimo dźewjeć wysokich šulow je město wažne industrijne stejišćo z dwěmaj přistawomaj při Rynje a druhej najwjetšej rafineriju Němskeje.

Wuznamne wosobiny z Karlsruha su pioněraj wobchadnistwa Carl Benz (* 1844) a Karl Drais (* 1785) kaž tež koparjo Oliver Bierhoff, Oliver Kahn, Mehmet Scholl a pjasćowarka Regina Halmich.