Mohan

Mohan^[1] (němsce Main) je rěka w němskich krajach Bayerskej, Badensko-Württembergskej a Hessenskej a z dołhosću 527 kilometrow najdlěši přitok Ryna wot praweje strony. Nastawa blisko Kulmbacha w Frankskej z Běłeho a Čerwjeneho Mohana. Prěni je 41 km dołhi a wužórli so na wuchodnym boku hory Ochsenkopfa w Šmrěčinach na wysokosći 887 m, druhi je 73 km dołhi a přińdźe z Frankskeje alby južnje Bayreutha.

Mohan

Main
Rěka Mohan we Frankobrodźe
ćeče přez	Bayersku, Hessensku, Badensko-Württembergsku
žórło	w Šmrěčinach (Běły M.) / na Frankskej albje (Čerwjeny M.); zjednoćenje w Kulmbachu (50° 5′ 13″ S, 11° 23′ 52″ W50.08694444444411.397777777778 )
wuliw	blisko Mohuča do Ryna (49° 59′ 40″ S, 8° 17′ 36″ W49.9944444444448.2933333333333 )
rěčina	Regnitz, Tauber, Frankska Solawa
dołhosć	527 km
přestrjeń rěčiny	27.292 km²

Wažne města nad Mohanom su stary Babin (Bamberg), Swinobrod (Schweinfurt), Würzburg, Aschaffenburg a Frankobrod. Blisko Mohuča wuliwa so Mohan do Ryna.

Mohan je wot lěta 1992 přez kanal zwjazany z Dunajom. Wažne přitoki su Regnitz, Tauber a Frankska Solawa.