Paraguay

Paraguay (guaranisce Tetã Paraguái, španisce República del Paraguay) je nutřkokrajny stat wosrjedź Južneje Ameriki. Mjeno woznamjeni „woda, kotraž k wodźe dźe“ a bu wotwodźene z rěče prawobydlerjow, guaranišćiny: pará („ocean“), gua („k/wot“) a y („woda“). Wuraz so guaranisce zwjetša jenož na stolicu Asunción poćahuje, ale španisce na cyły kraj.

-23-58

Republika Paraguay

hesło Paz y justicia („Měr a sprawnosć“)
zakładne daty:
swójske mjeno	Tetã Paraguái República del Paraguay
stolica	Asunción
přestrjeń	406.752 km²
wobydlerstwo	6.783.272 (2015)[1]
hustosć	16,7 wob./km²
forma knježerstwa	prezidialna republika
hłowa stata a šef knježerstwa	prezident Santiago Peña (wot 2023)
měna	guarani
hamtska rěč	guaranišćina a španišćina
hymna	Paraguayos, República o Muerte
časowe pasmo	UTC-4 (lětni čas: UTC-3)
njewotwisnosć	1811 wot Španiskeje
Top Level Domain	.py
telefon	+595
awtowa značka	PY
Połoženje Paraguayja na zemi
Karta
p • d • w

Geografija

Krajina w sawanje Gran Chaco

Paraguay leži při rěce Río Paraguay a mjezuje z Boliwiskej na sewjeru, Brazilskej na wuchodźe a z Argentinskej na juhu. Najwjetši dźěl kraja słuša k sawanje Gran Chaco. Najwyši dypk Paraguayja je hora Cerro San Rafael (850 m nad normalnej nulu).