Sewjerowuchodny wobkruh
měšćanski dźěl Budyšina From Wikipedia, the free encyclopedia
Remove ads
Sewjerowuchodny wobkruh (němsce Nordostring) je po wobydlerstwje najwjetši měšćanski dźěl Budyšina. Z 10.000 wobydlerjemi bydli tu wjace hač štwórćina wobydlerstwa sprjewineho města. Teritorij wobjimuje w formje pódkowa nutřkowne město a saha wot železniskeje čary a dwórnišća na juhu hač k Sprjewi blisko Strowotneje studnje.
.png)
Hač do lěta 2006 rěkaše měšćanski dźěl Srjedź města (Stadtmitte), potom buchu jemu někotre štwórće na sewjeru přirjadowane, kotrež běchu do toho k Strowotnej studni słušeli.
W Sewjerowuchodnym wobkruhu nadeńdu so nimo Centralneho busoweho dwórnišća na Augusta Bebelowym naměsće a dwórnišća samoho tež cyrkej Marije a Marty, sydło Krajnoradneho zarjada na Dwórnišćowej, šulske stejnišćo při Schillerowych zelenišćach, Serbski institut, Krajne sudnistwo, Tuchorski kěrchow, chorownja, Serbski gymnazij a jastwo Budyšin I kaž tež Wopomnišćo Budyšin II.
Po swojim nastaću kónc 19. a započatk 20. lětstotka bě tuta kónčina města woblubowane bydlišćo za bohatšich měšćanow. Tež dźensa słušeja wosebje štwórće z wilemi mjez Walskej a Stieberowej k najlěpšim městnosćam bydlenja.
Remove ads
Galerija
Philippa Melanchtonowy gymnazij
Sydło Krajnoradneho zarjada
Krajne sudnistwo
Serbski gymnazij
Tuchorska cyrkej
Žórła
Wotkaz
Wikiwand - on
Seamless Wikipedia browsing. On steroids.
Remove ads