Venezuela

Venezuela je njewotwisny stat na sewjeru Južneje Ameriki. Leži mjez pobrjohom Karibiskeho morja a Amaconasowej nižinu. Hłowne a najwjetše město je Caracas.

8-65

Bolivariska republika Venezuela

zakładne daty:
swójske mjeno	República Bolivariana de Venezuela
stolica	Caracas
přestrjeń	912.050 km²
wobydlerstwo	29.275.460 (2015)[1]
hustosć	32,1 wob./km²
forma knježerstwa	prezidialna zwjazkowa republika
hłowa stata a šef knježerstwa	prezident Nicolás Maduro
měna	Bolívar
hamtska rěč	španišćina a wjacore mjeńšinowe rěče
hymna	Gloria al bravo pueblo
časowe pasmo	UTC–4
njewotwisnosć	1811 wot Španiskeje
Top Level Domain	.ve
telefon	+58
awtowa značka	YV
Połoženje Venezuele na zemi
Karta
p • d • w

Hač do lěta 1811 bě Venezuela ze španiskej koloniju. Wotkrywar Amerigo Vespucci pomjenowa kraj po Bjenatkach (Venezia) jako Venezuela („małe Bjenatki“).

Geografija

Salto Ángel, najwyši wodopad na swěće

Venezuela mjezuje z Guyanu na wuchodźe, z Brazilskej na juhu a z Kolumbiskej na zapadźe. Na sewjeru twori 2800 kilometrow dołhi pobrjóh Karibiskeho morja přirodnu hranicu. Před wuliwom najwjetšeje rěki Orinoco leži kupowy stat Trinidad a Tobago.

Najwyše hory Venezuele leža we wuběžkach Andow na sewjerozapadźe (Pico Bolívar, 4981 m). W kónčinje taflowcow na juhu nadeńdźe so najwyši wodopad na swěće, Salto Ángel.