Ահաբեկչական հարձակումներ Լոնդոնում (2017)
From Wikipedia, the free encyclopedia
Ահաբեկչական հարձակում Լոնդոնում (անգլ.՝ London terror attack), զինված հարձակում Լոնդոնում, որը տեղի է ունեցել 2017 թվականի հունիսի 3-ին տեղի ժամանակով 21:58-ին: Այդ պահին Կենտրոնական Լոնդոնի հարավային հատվածում տեղի են ունեցել մի քանի հարձակումներ։ Հարձակումները տեղի ունեցան ահաբեկչության վտանգի վերին աստիճանի սահմանումից հետո, որը հայտարարվել էր Մանչեստերի պայթյուններից հետո[3][4]։ Բրիտանական ոստիկանությունը հայտնում է 10 զոհերի մասին, այդ թվում նաև երեք ահաբեկիչների, որոնք սպանվել են ոստիկանների հետ փոխհրաձգության արդյունքում։ Տարբեր տվյալներով վիրավորվել է 48 մարդ։ Մեծ Բրիտանիայի նախարարների խորհուրդը արտակարգ նիստ է գումարել հունիսի 4-ի առավոտյան՝ իրադարձությունները որակելով որպես «ահաբեկչություն»[5][6]։ Ահաբեկիչները վանկարկել են «Այս ամենը Ալլահի համար է» նախադասությունը։
Ահաբեկչական գործողություն Լոնդոնում անգլ.՝ London terror attack | |
---|---|
Տեսակ | ահաբեկչական գործողություն |
Երկիր | Մեծ Բրիտանիա |
Գրոհի վայր | Լոնդոնի կամուրջ, Բորո շուկա |
Տեղադրանք | Լոնդոնի կամուրջ և Բորո շուկա |
Գրոհի նպատակ | Խաղաղ բնակչություն |
Տարեթիվ | 2017 թվականի հունիսի 3 |
Գրոհի միջոց | ավտոբուս |
Զենք | ինքնաձիգներ, դանակներ |
Զոհվածներ | 10 (ներառյալ 3 ահաբեկիչները) |
Վիրավորներ | 48 |
Ահաբեկիչների քանակ | 3[1][2] |
Ահաբեկիչներ | 3 |
Կազմակերպիչներ | հավանաբար ԻԼԻՊ |
June 2017 London attack Վիքիպահեստում |
Հարձակումներ
Լոնդոնի կամուրջ
Լոնդոնի կամրջի վրա սպիտակ միկրոավտոբուսը հարվածել է մի քանի անցորդների[7][8]։ Ոստիկանությունը սկսել է շրջանի տարհանումը[9][10]։
Լոնդոնի կամրջի վրա երթևեկությունը դադարեցվել է։ Փակվել է մուտքը դեպի «Սթեմֆորդ Բրիջ» մարզադաշտ։ Լոնդոնի մետրոպոլիտենի «Լոնդոնի կամուրջ» կայարանը փակվել է՝ ոստիկանության պահանջով։
Բորո շուկա
Չորս մարդ վիրավորվել է Բորո շուկայի արագ սննդի կետերից մեկում, որը գտնվում է Լոնդոնի կամրջից դեպի հարավ։ Հարձակումը տեղի է ունեցել կամրջի հարձակումից անմիջապես հետո[11][12]։
Լոնդոնի ժամանակով 23:43-ին Սքոթլանդ Յարդը հաստատել է, որ ոստիկանության աշխատակիցները արձագանքել են հարձակումներին։ Նրանք հաստատել են նաև շուկայում տեղի ունեցած փոխհրաձգությունը[13]։
Վոքսհոլլ
Լոնդոնի ժամանակով ժամը 23:44-ին Լոնդոնի ոստիկանությունը հայտնել է Վոքսհոլ բորոյում տեղի ունեցած ևս մեկ պատահարի մասին[14]։
Արձագանք
Լոնդոնի ոստիկանությունը՝ Սքոթլանդ Յարդը կոչով դիմել է հանրությանը՝ պահպանելու հանգստություն և ողջամտություն[15]։
Մեծ Բրիտանիայի վարչապետ Թերեզա Մեյը հայտարարել է, որ ոստիկանության և հատուկ ծառայությունների հաղորդմամբ, Լոնդոնի կենտրոնում տեղի ունեցած իրադարձությունները դիտարկվում են որպես ահաբեկչական գործողություն[16]։
Լեյբորիստական կայսրության առաջնորդ Ջերեմի Քորբինը ցավակցություն է հայտնել զոհերի ընտանիքներին և հարազատներին[17]։
Զոհերի ընտանիքներին ցավակցություն են հայտնել ԱՄՆ նախագահ Դոնալդ Թրամփը, Ֆրանսիայի նախագահ Էմանուել Մակրոնը, Գերմանիայի կանցլեր Անգելա Մերկելը[18]։
Հայաստանի նախագահ Սերժ Սարգսյանը ցավակցական հեռագիր է հղել վարչապետ Թերեզա Մեյին՝ տեղի ունեցած ահաբեկչական հարձակման կապակցությամբ[19]։
Տես նաև
- Իսլամիստական ահաբեկչական հարձակումների ցանկ
- Լոնդոնի ահաբեկչական գործողություն
- Լոնդոնի մետրոյի պայթյուններ (հուլիսի 7, 2005)
- Պայթյուն Մանչեստրում 2017
Ծանոթագրություններ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.