![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/82/Anosmia.jpg/640px-Anosmia.jpg&w=640&q=50)
Անօսմիա
հոտառության կորուստ / From Wikipedia, the free encyclopedia
Անօսիմիա, նաև հայտնի որպես հոտառական կուրություն, մեկ կամ մի քանի հոտերի զգայության կորուստ[1][2]։ Անօսմիան կարող է լինել ժամանակավոր կամ մշտական[3]։ Անօսմիան անհրաժեշտ է տարբերակել հիպօսմիայից, որի դեպքում հոտառության զգայությունը պակասած է[2]։
Անօսմիա | |
---|---|
![]() | |
Տեսակ | ախտանիշ կամ նշան |
Բժշկական մասնագիտություն | նյարդաբանություն և ականջաքթակոկորդաբանություն |
ՀՄԴ-9 | 781.1 |
ՀՄԴ-10 | R43.0 |
![]() |
Անօսմիան կարող է արտահայտվել մի շարք գործոնների ազդեցության հետևանքով, որոնցից են քթի լորձաթաղանթի բորբոքումը, քթանցքերի փակվածությունը, քունքային բլթի հյուսվածքի դեստրուկցիան[4]։ Հարքթային ծոցերի բորբոքումից բխող անօսմիան պայմանավորված է այդ ծոցերը ծածկող լորձաթաղանթի և միջին ու վերին խեցիների քրոնիկ վնասումով[5][6]։
Եթե անօսմիան բորբոքման հետևանք է, այն բուժվում է բորբոքման վերացմամբ[7][8]։ Այն կարող է առաջանալ քրոնիկ մենինգիտի և նեյրոսիֆիլիսի արդյունքում, որոնց ժամանակ բարձրանում է ներգանգային ճնշումը։ Անօսիմա դիտվում է առաջնային թարթչային դիսֆունկցիայի, ցիլիոպաթիայի հետևանքով[9][10][11]։
Որոշ մարդկանց մոտ անօսմիան կարող է լինել մեկ հոտի նկատմամբ, որ անվանում են սպեցիֆիկ անօսմիա։ Ծնված օրվանից դիտվող անօսմիան անվանում են կոնգենիտալ անօսմիա[12]։
Անօսմիան COVID-19-ի դեպքում ամենահաճախ դիտվող ախտանիշն է[13]։