Արկադի
From Wikipedia, the free encyclopedia
From Wikipedia, the free encyclopedia
Արկադի (հուն․՝ Ιερά Μονή Αρκαδίου), վանք Կրետե կղզում՝ Ռեթիմնոյից 25 կմ հարավ-արևելք՝ Իդա լեռան հյուսիսարևմտյան բլրին, 500 մ[1] բարձրության վրա։ Վանքի պատերը ուղղանկյան ձև ունեն և զբաղեցնում են 5200 մ² մակերես։
Արկադի | |
---|---|
Հիմնական տվյալներ | |
Տեսակ | վանք |
Երկիր | Հունաստան |
Տեղագրություն | Ռեթիմնո և Commune of Amnatos? |
Տարածաշրջան | Կրետե |
Դավանանք | ուղղափառություն |
Ժառանգության կարգավիճակ | գրանցված հնագիտական տարածք Հունաստանում |
Ճարտարապետական ոճ | բարոկկո ճարտարապետություն |
Arkadi Monastery Վիքիպահեստում | |
arkadimonastery.gr |
Հիմնադրման տարեթիվը հստակ հայտնի չէ։ Վարկածներից մեկի համաձայն՝ նրա պատմությունն սկսվում է Արկադիոսի ժամանակներից (V դարի սկիզբ)։ Մեկ այլ վարկածի համաձայն՝ Արկադին հիմնադրել է Հերակլիոս I-ը։ ֆրանսիացի բուսաբան և զբոսաշրջիկ Ժոզեֆ Պիթոն դը Տուրնեֆորը հաստատում էր, որ վանքը գտնվում է Արկադի[2] անտիկ քաղաքի տեղում։ Վանքային եկեղեցին թվագրվում է XVI դարին։
Ռեթիմնոյի զավթումից հետո՝ 1648 թվականին, թուրքերը թալանել են վանքը։ Սակայն ավելի ուշ վանականներին թույլատրվեց վերադառնալ։ թուրքական տիրապետության ժամանակներում վանքում ապրել է 100 տեղացի։ 1822 թվականին թուրք զինվորների խումբը նորից թալանեց Արկադին։ Հունաստանի անկախության հռչակումից հետո Կրետեն մնաց Օսմանյան կայսրության տիրապետության ներքո, թեպետ քրիստոնյաներն ստացան որոշ զիջումներ։ Վանքի մուտքի կամարը փլուզվել է 1886 թվականին[3], բայց 1870 թվականին վերակառուցվել է։
1866 թվականի իրադարձությունները, երբ 15 հազար թուրք զինվորներ գրոհեցին Արկադին, և վանքի պաշտպանների անձնազոհությունը, վանքը դարձրին Հունաստանի՝ անկախության համար պայքարի խորհրդանիշը, որն ստացավ «Արկադիի հոլոքոստ»[4][5][6] անվանումը։
Այսօր վանքի հարևանությամբ թանգարան կա, որն ունի բացառիկ մասունքներ[7]։
Մինչ 26 տարեկանը վանքում է ապրել Սուրբ Աթանիսոս՝ ողջ Ռուսիայի հրաշագործը[8][9]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.