Լիլոնգվե

Լիլոնգվեն (անգլերեն՝ Lilongwe), Մալավիի մայրաքաղաքը։ Բնակչությունը՝ ▲989 318 մարդ (սեպտեմբերի 3, 2018)^[1]։ Քաղաքը գտնվում է Մալավիի կենտրոնական մասում՝ Մոզամբիկի և Զամբիայի սահմանի մոտ։ Մալավիի համար կարևոր տնտեսական և տրանսպորտային կենտրոն է^[2]։ Անվանվել է Լիլոնգվե գետի անվամբ։

Քաղաք
Լիլոնգվե
Lilongwe
Երկիր	Մալավի
Ենթարկում	Մայրաքաղաք
Համայնք	Lilongwe District?
Հիմնադրված է	1902 թ.
Մակերես	727,79 կմ²
ԲԾՄ	1 110 մ
Բնակչություն	▲989 318 մարդ (սեպտեմբերի 3, 2018)[1]
Ժամային գոտի	UTC+2
Պաշտոնական կայք	llcitycouncil.org
Լիլոնգվե (Մալավի)
Լիլոնգվե Վիքիպահեստում

Պատմություն

Լիլոնգվեն դարեր շարունակ դարեր շարունակ եղել է փոքր ձկնորսական գյուղ՝ Լիլոնգվե գետի ափին։ Բրիտական գաղութային տիրապետության ժամանակ բնակավայրը դարձավ վարչական կենտրոն՝ իր ռազմավարական դիրքի շնորհիվ։ Պաշտոնապես հիմնադրվել է 1906 թվականին^[3]՝ որպես առևտրային փոստ։ Լիլոնգվեն քաղաք է ճանաչվել 1947 թվականին^[4]։ Անկախացումից հետո այն դարձավ Մալավիի կենտրոնական շրջանի կարևոր առևտրային կենտրոն։ Քաղաքի աճին խթանեց այն, որ երկրի նախկին ղեկավար Հասթինգս Կամուզու Բանդան այն դարձրեց Մալավիի նոր մայրաքաղաք՝ 1975 թվականին^[5]։ Կառավարության վերջին գրասենյակները տեղափոխվել են Լիլոնգվե 2005 թվականին^[6]։ Քաղաքի բնակչությունը տարեկան աճում է 4.3%-ով^[2]։

Ժողովրդագրություն

Տարի	Բնակչություն[2]
1966	19,425
1977	98,718
1987	223,318
1998	440,471
2008	674,448
2015	1,077,116
2020	1,324,314

Կրթություն

Լիլոնգվեում գործող 38 մասնավոր և 66 հանրային դպրոցներում սովորում են ընդհանուր առմամբ 103,602 աշակերտ։ Ինչպես նաև 30,795 աշակերտ 29 միջնակարգ դպրոցում^[2]։

Սպորտ

Չինաստանի Ժողովրդական Հանրապետության կողմից տրված $70 միլիոն վարկի օգնությամբ այժմ քաղաքում կառուցվում է 40,000 տեղանոց ազգային ստադիոն^[7]։

Քույր քաղաքներ

• Թայբեյ, Թայվան (1984 թվականից)^[8]
• Լուսակա, Զամբիա (2004 թվականից)^[9]

Ծանոթագրություններ

1. https://www.citypopulation.de/en/malawi/cities/
2. http://www.zaragoza.es/contenidos/medioambiente/onu//issue06/1136-eng.pdf
3. «Lilongwe Malawi - Travel Guide - Tourist Information». wawamalawi.com. Արխիվացված է օրիգինալից 2016 թ․ մարտի 4-ին. Վերցված է 2015 թ․ նոյեմբերի 6-ին.
4. «Lilongwe». expertafrica.com.
5. «Lilongwe - Malawi Tourism - Malawi Safari - Malawi Attractions». malawitourism.com. Արխիվացված է օրիգինալից 2016 թ․ ապրիլի 26-ին. Վերցված է 2015 թ․ նոյեմբերի 6-ին.
6. «Malawi Reports: Urban Profiles of Blantyre, Lilongwe, Mzuzu and Zomba». UrbanAfrica.Net. Արխիվացված է օրիգինալից 2019 թ․ դեկտեմբերի 21-ին. Վերցված է 2015 թ․ նոյեմբերի 6-ին.
7. «Malawi, China sign loan agreement to construct new stadium». Malawi Nyasa Times - Malawi breaking news in Malawi. Արխիվացված է օրիգինալից 2015 թ․ ապրիլի 2-ին. Վերցված է 2015 թ․ նոյեմբերի 6-ին.
8. «Taipei City Council». tcc.gov.tw.
9. http://allafrica.com/stories/200408200493.html

Վիքիպահեստն ունի նյութեր, որոնք վերաբերում են «Լիլոնգվե» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 614)։