Կարեն Սարուխանյան

Կարեն Հակոբի Սարուխանյան (օգոստոսի 20, 1986(1986-08-20), Լենինական, Հայկական ԽՍՀ, ԽՍՀՄ^[1]), հայ քաղաքական պետական գործիչ, Հայաստանի Ազգային ժողովի 7-րդ գումարման պատգամավոր^[2] («Իմ քայլը խմբակցություն)։ Հայաստանի արտակարգ իրավիճակների փոխնախարար (2021 սեպտեմբեր-դեկտեմբեր)։ Հայաստանի Ազգային ժողովի 8-րդ գումարման պատգամավոր («Քաղաքացիական պայմանագիր» խմբակցություն)։

Վիքիպեդիայում կան հոդվածներ Սարուխանյան ազգանունով այլ մարդկանց մասին։

Կարեն Սարուխանյան
Դրոշ Հայաստանի Ազգային ժողովի 7-րդ գումարման պատգամավոր
2019 հունվարի 10-ից - 2021 օգոստոսի 2
Շիրակի մարզպետ
2018 հունիսի 1 - 2019 հունվարի 10
Հայաստանի արտակարգ իրավիճակների նախարարի տեղակալ
2021 սեպտեմբեր - դեկտեմբեր
Հայաստանի Ազգային ժողովի 8-րդ գումարման պատգամավոր
2022, հուլիսի 6
Կրթություն՝	Երևանի պետական համալսարան (2008)
Մասնագիտություն՝	քաղաքական գործիչ
Ծննդյան օր	օգոստոսի 20, 1986(1986-08-20) (37 տարեկան)
Ծննդավայր	Լենինական, Հայկական ԽՍՀ, ԽՍՀՄ
Քաղաքացիություն	Հայաստան

Կենսագրություն

Կարեն Սարուխանյանը ծնվել է 1986 թվականի օգոստոսի 20-ին Լենինականում։

1993-1998 թվականներին սովորել է Գյումրու թիվ 15 միջնակարգ դպրոցում։

1998-2002 թվականներին սովորել է «Բալատոն» վարժարանում։

2003 թվականին ավարտել է Բյուրակնի դպրոցը։

2004-2008 թվականներին սովորել է Երևանի պետական համալսարանի կենսաբանության ֆակուլտետի կենսաֆիզիկա^[3] բաժնում։

2011-2013 թվականներին սովորել է ԵՊՀ կենսաբանության ֆակուլտետի կենդանաբանություն բաժնի մագիստրատուրայում^[4]։

Տիրապետում է անգլերեն և ռուսերեն լեզուներին։

Աշխատանքային գործունեություն

2008-2012 թվականներին աշխատել է Գյումրու պետական բժշկական քոլեջում՝ որպես բժշկական գենետիկայի ու կենսաբանության դասախոս։

2009–2018 թվականներին աշխատել է Բյուրակնի միջնակարգ դպրոցում՝ որպես կենսաբանության և ինֆորմատիկայի ուսուցիչ։

2018 թվականի հունիսի 1-ին Հայաստանի կառավարության որոշմամբ՝ նշանակվել է Հայաստանի Շիրակի մարզպետ^[5][6]։

Հասարակական-քաղաքական գործունեություն

2008 թվականին մասնակցել է Գյումրու ՏԻՄ ընտրություններին՝ որպես ավագանու թեկնածու։

2015 թվականի մայիսի 30-ին կայացած առաջին համաժողովի ժամանակ դարձել է «Քաղաքացիական պայմանագիր» կուսակցության անդամ։

2016 թվականին Գյումրու ՏԻՄ ընտրություններում «Քաղաքացիական պայմանագիր» կուսակցության կողմից առաջադրվել է ավագանու անդամ, ինչպես նաև եղել է «Քաղաքացիական պայմանագիր» կուսակցության՝ Գյումրու նախընտրական շտաբի պետը։

Ազգային ժողովի՝ 2017 թվականի ընտրություններում «ԵԼՔ» դաշինքի՝ Շիրակի մարզի նախընտրական շտաբի պետն է եղել։

2018 թվականին եղել է «Իմ քայլը» շարժումը նախաձեռնող խմբի անդամ։

2018 թվականի դեկտեմբերի 9-ին կայացած արտահերթ խորհրդարանական ընտրություններում Շիրակի մարզն ընդգրկող թիվ 11 ընտրատարածքում լինելով «Իմ քայլը» դաշինքի ռեյտինգային թեկնածուներից մեկը՝ ստացել է 6 271 քվե^{[7][8][9][10]}։

2019 թվականի հունվարի 10-ին ստացել է պատգամավորական մանդատը^[11][12]։

Ծանոթագրություններ

1. https://blognews.am/arm/news/544923/6-nor-marzpetneri-kensagrutyunnery-ovqer-en-nranq-ortex-en-sovorel-ev-ashkhatel.html
2. http://www.armtimes.com/hy/article/151764
3. «Արխիվացված պատճենը». Արխիվացված է օրիգինալից 2018 թ․ դեկտեմբերի 31-ին. Վերցված է 2019 թ․ հունվարի 10-ին.
4. http://shirak.mtad.am/structure/bio/792/
5. http://tsayg.am/qaxaqakanutyun/24658--l-s-lu-s.htm(չաշխատող+հղում)
6. https://168.am/2018/06/01/960877.html
7. https://www.shantnews.am/news/view/232190.html
8. https://www.lragir.am/2018/12/10/402599/(չաշխատող+հղում)
9. https://www.azatutyun.am/a/29695968.html
10. https://www.azatutyun.am/a/29695896.html
11. https://hetq.am/hy/article/99834
12. https://www.aravot.am/2019/01/10/1008101/

Արտաքին հղումներ

• Ո՞վ է Շիրակի մարզպետի իրական թեկնածուն - Հրապարակ
• «Եկել եմ ծառայելու Շիրակի քաղաքացուն»
• Կարեն Սարուխանյանը՝ Շիրակի մարզպետ
• Շիրակի մարզպետ Կարեն Սարուխանյանը գործունեությունը շարունակելու է Ազգային ժողովում