Հարրի Քոնիք Կրտսեր

Հարրի Քոնիք կրտսեր (անգլ.՝ Harry Connick Jr., սեպտեմբերի 11, 1967(1967-09-11)^{[1][2][3][…]}, Օռլեան շրջան, Լուիզիանա, ԱՄՆ), ամերիկացի դերասան, երգիչ (կուռք), ջազի դաշնակահար, բիգ-բենդի երգերի և կոմպոզիցիաների հեղինակ։ 1989-1998 թվականներին ակտիվորեն ելույթ է ունեցել որպես մենակատար և ջազ նվագախմբի ղեկավար, սվինգ ոճով ձայնագրել է մի քանի ալբոմ և ֆիլմերի սաունդթրեքներ, որի աշխատանքներին մասնակցել է գործիքավորող Մարկ Շայմոնը։ 90-ական թվականների վերջում կենտրոնացել է ֆիլմի աշխատանքների վրա։

Հարրի Քոնիք Կրտսեր անգլ.՝ Harry Connick Jr.
Ծնվել է	սեպտեմբերի 11, 1967(1967-09-11)[1][2][3][…] (57 տարեկան)
Ծննդավայր	Օռլեան շրջան, Լուիզիանա, ԱՄՆ
Կրթություն	Հանթեր քոլեջ, Jesuit High School?, Մանհեթենի երաժշտական դպրոց, New Orleans Center for Creative Arts?, Boston University Tanglewood Institute? և Grace King High School?
Քաղաքացիություն	ԱՄՆ
Մասնագիտություն	դերասան, հեղինակ-կատարող, բենդ-լիդեր, կոմպոզիտոր, դիրիժոր, դաշնակահար, երգիչ, հնչյունավորող, ջազ երաժիշտ, թատրոնի դերասան, հեռուստատեսային դերասան, կինոդերասան, կինոպրոդյուսեր և ստուդիական երաժիշտ
Ժանրեր	ջազ
Ծնողներ	հայր՝ Harry Connick, Sr.?
Ամուսին(ներ)	Jill Goodacre?
Պարգևներ և մրցանակներ	Փրայմթայմ Էմմի մրցանակ Թատերական համաշխարհային մրցանակ [4] և Հոլիվուդյան փառքի ծառուղու աստղ
harryconnickjr.com

Ստեղծագործություն

8 տարեկանից Նոր Օռլեանի ակումբներում սկսել է ջազ նվագել։

Նույն տարիքում մասնակցել է Նոր Օռլեանի ջազի փառատոնին։ 20 տարեկանը լրանալուց հետո տեղափոխվել է Նյու Յորք, որտեղ արագ ձեռք է բերել տաղանդավոր ջազային կատարողի համբավ։ 1989 թվականին ռեժիսոր Ռոբ Ռայներն Հարրի Քոնիքին առաջարկել Է երաժշտություն գրել իր նոր ֆիլմի («Երբ Հարրին հանդիպեց Սալիին») համար։ Պատկերը դարձել է բեսթսելլեր, ալբոմը սաունդթրեքի հետ միասին երկու անգամ ճանաչվել է «պլատինե», իսկ Հարրին լավագույն տղամարդկային ջազային վոկալի համար ստացել է «Գրեմմի» հեղինակավոր երաժշտական մրցանակ։

Դա արդեն իսկական հաջողություն էր, բայց Քոնիքը չի սահմանափակվում «տաղանդավոր ջազ կատարողի» շրջանակներում և որոշում է իրեն փորձել ֆիլմում։ Հեռուստատեսությամբ նա առաջնաելույթ է ունեցել 1900 թվականի «Մեմֆիսյան գեղեցկուհին» ֆիլմում խաղացած դաշնակահարի գրեթե էպիզոտիկ դերով։ Ապա հաջորդել են ավելի լուրջ աշխատանքներ․ 1995 թվականի Սուգուրնի Ուիվերի հետ խաղացել է «Նմանակող» դետեկտիվում, իսկ 1996 թվականին՝ «Անկախության օրը» բարձր բյուջետային ֆանտաստիկ բեմադրությունում։

Ջազի շատ սիրահարներ Հարրի Քոնիքին համեմատում են Նաթ Քինգ Քոլի հետ, քանի որ երաժիշտը կատարելապես տիրապետում է թե՛ գործիքին, թե՛ ձայնին։ Մյուսները վիճում են՝ ապացուցելով, որ Հարրին շարունակում է Թոնի Բենեթի երաժշտական ավանդույթները, որոշները նրան անվանում են «երկրորդ Ֆրենկ Սինատրա»։

Ինչևէ, երաժշտական շրջանակներում գնահատել են կատարողի տաղանդը. 2004-ին «Only you» ալբոմի համար Հարրին ստացել է «Էմմի» մրցանակը և անվանվել «Ամերիկայի ամենահայտնի ջազային երաժիշտը»։

Վերջերս արևմտյան ԶԼՄ-ները լուրեր են տարածել այն մասին, որ երաժշտի և դերասանի կարիերայում նոր փուլ է նախատեսվում. Հարրին գլխավոր դեր է կատարելու Բրոդվեյի «The Pajama Game» մյուզիքլում։

Անձնական կյանք

1994 թվականի ապրիլի 16-ին Հարրի Քոնիք կրտսերը Սուրբ Լյուդովիկոս մայր տաճարում (Նոր Օռլեան) ամուսնացել է Victoria's Secret-ի նախկին մոդել Ջիլ Գուդեյսրի հետ, որը ծնունդով Տեխասից է։ Ջիլը քանդակագործ Գլենա Գուդեյսրի դուստրն է, որը ծնունդով Լաբբոկից է (Տեխաս) և ապրում է Նյու Մեքսիկոյի Սանտա Ֆեում։ Blue Light, Red Light (1991) ալբոմի «Jill» երգը նրա մասին է։ Նրանք ունեն երեք աղջիկ՝ Ջորջիա Թաթում (ծնված 1996 թվականի ապրիլի 17-ին), Սառա Քեյթ (1997 թվականի սեպտեմբերի 12) և Շարլոտա (ծնված 2006 թվականի հունիսի 26-ին)։ Քոննիկը կաթոլիկ է։ Ներկայումս երաժիշտը ընտանիքի հետ ապրում է ԱՄՆ-ի Կոնեկտիկուտ նահանգում՝ Նյու Քանանում։

Ֆիլմագրություն

Տարի		Անվանում	Բնօրինակ անվանում	Դեր
1990	ֆ	Մեմֆիսյան գեղեցկուհի	Memphis Belle	սերժանտ Քլեյ Բեսբի
1991	ֆ	Փոքրիկ Թեյթը	Little Man Tate	Էդդի
1992	ս	Ուրախ ընկերախումբ	Cheers	Ռասել Բոյդ
1995	ֆ	Նմանակող	Copycat	Դերիլ Լի Կալեմ
1996	ֆ	Անկախության օրը	Independence Day	կապիտան Ջիմի Ուայլդեր
1997	ֆ	Ավելորդ ուղղեբեռ	Excess Baggage	Գրեգ
1999	ֆ	Երկաթե հսկան	The Iron Giant	Դին ՄակՔոպին
1999	ֆ	Քմահաճ որդին	Wayward Son	Ջեսսի
2001	հֆ	Խաղաղօվկիանոսյան պատմություն	South Pacific	լեյտենանտ Ջոզեֆ Քեյբլ
2002-2006	ս	Վիլ և Գրեյս	Will & Grace	Լեո Մարկուս
2004	ֆ	Միկի	Mickey	Գլեն Ռայան
2005	մֆ	Երջանիկ էլֆը	The Happy Elf	Լիլ Ֆարլի
2008	ֆ	Հ.Գ. Ես սիրում եմ քեզ	P.S. I Love You	Դենիել Քոնելի
2008	հֆ	Կենդանի ապացույց	Living Proof (film)	բժիշկ Դենիս Սլեմոն
2008	ֆ	Ցրտահարվածը Մայամիից	New in Town	Թեդ Միթչել
2011	ֆ	Դելֆինի պատմությունը	Dolphin Tale	բժիշկ Քլեի Հասկեթ
2012	ս	Օրենք և կարգ։ Հատուկ մարմին	Law & Order: Special Victims Unit	Դեյվիդ Հեյդեն
2013	ֆ	Հրեշտակները երգում են	Angels Sing	Մայքլ Ուոլքեր
2014	ֆ	Դելֆինի պատմությունը 2	Dolphin Tale 2	բժիշկ Քլեի Հասկեթ

Ծանոթագրություններ

1. Internet Broadway Database — 2000.
2. Hibler J. Encyclopædia Britannica
3. GeneaStar
4. Theatre World Award Recipients — Theatre World Award.

Վիքիպահեստն ունի նյութեր, որոնք վերաբերում են «Հարրի Քոնիք Կրտսեր» հոդվածին։