Պորոս (կղզի)
From Wikipedia, the free encyclopedia
Պորոս(կղզի) (հուն․՝ Πόρος — «անցում»), Սարոնիկական կղզիներից մեկը, տեղակայված Սարոնիկոս ծոցի հարավ-արևմուտքում, Պելոպոնես թերակղզու ափերի մոտ, նեղ նեղուցով առանձնացված Արգոլիդայի արևելյան ափերից։ Անտիկ ժամանակներում կոչվում էր Կալավրիա (Καλαυρία):
Անվան այլ կիրառումների համար տե՛ս՝ Պորոս (այլ կիրառումներ)
 | |
|---|---|
 | |
| Տեսակ | կղզի |
| Երկիր |  Հունաստան[1] |
| Վարչատարածքային միավոր | Poros Municipality? |
| Մասն է | Saronic Islands? |
| Մակերես | 22,841 |
 | |
 | |
Պորոս կղզու տարածքը կազմում է 22,841 կմ²[2], ափի ձգվածությունը՝ 44 կմ[3]։ Բնակչությունը կազմում է 3993 մարդ՝ ըստ 2011 թվականի[4] մարդահամարի։ Կղզին ջրանցքով բաժանվում է երկու մասի՝ փոքրը Սֆերիան է, այստեղ է գտնվում գլխավոր քաղաքը՝ Պորոսը, իսկ մեծը Կալավրիան է։
Ծոցերից մեկը կոչվում է Ռուսական՝ 19-րդ դարում այստեղ տեղակայվել է ռուսական ռազմածովային հենակետը, օգնելով Հունաստանին իր նավատորմի կազմավորման գործում։
Պորոսը (անտիկ Կալավրիա) համարվում էր ծովի աստված Պոսեյդոնի կղզին։ Դրան վկայում են գրավոր աղբյուրները, ինչպես նաև կղզու մեջտեղում գտնվող Պոսեյդոն տաճարի ավերակները։ Բացառված չէ, որ այս հանգամանքը պատճառ դարձավ Պորոսը միության (ամֆիկտիոնի) կենտրոն ընտրելը, որը ի հայտ եկավ մ.թ.ա․ 7-րդ դարում և ներառեց յոթ հարևան, ինչպես նաև ավելի հեռու քաղաքներ (Էրմիոնի, Էպիդավրոս, Էգինա, Աթենք, Պրասիա (ավելի ուշ՝ Արգիվյանե), Թրիզին և մինիական Օրխոմենոս)։ Պոսեյդոն տաճարը ուներ թաքստոցի իրավունք։ Դեմոսթենեսը թաքնվում է Պոսեյդոն տաճարում՝ փրկվելով Անտիպատրոսի ուղարկած մարդասպաններից, և այնտեղ թույն է ընդունում։ Կալավրիացիները նրան թաղում են սրբատեղում և կանգնեցնում նրա արձանը, որը նույնիսկ տեսել է Պաֆսանիասը։
Պորոսի հետագա պատմությունը ոչնչով չի տարբերվում Սարոնիկոս կղզու մյուս կղզիների պատմությունից։ Նրանց հետ միասին մասնակցել է 1821 և 1830 թվականների հեղափոխություններին և դարձել առաջին ծովային հենակետը Հունաստանում:
Պորոսում է թաղված կապիտան Ֆրենկ Հաստինգսը (1794-1828)՝ Բայրոնից հետո ամենահայտնի անգլիացի ֆիլհելենը (հունացիներին հարող), Հունաստանի ազատագրական պատերազմի հերոս, ղեկավարել է առագաստագոլորշային «Կարտերիա» նավը։ «Կարտերիան» եղել է աշխարհի ամենաառաջին գոլորշային նավը, որ մասնակցություն է ունեցել մարտական գործողություններում։
Պորոս համայնքը (դիմ) գտնվում է Ատտիկայում։ Բնակչությունը՝ 3993 բնակիչ՝ ըստ 2011 թվականի մարդահամարի[4]։ Համայնքի տարածքը՝ 49,582 կմ²[5], խտությունը՝ 80,53 մարդ/ կմ²[4]։
Տեղի բնակիչների ընտրությամբ 2014 թվականին համայնքի դիմարխ է ընտրվել Յոհան Դիմիտրիադիսը (Ιωάννης Δημητριάδης)։ Պորոս համայնքը ձևավորվել է 1941 թվականին, երբ Պորոսի միությունը ընդունված էր համայնք (դիմ)։ Պորոսի համայնքում կա 4 բնակատեղի։
| Բնակատեղի | Բնակչությունը(2011)[6], Մարդ |
|---|---|
| Այոս-Նեկտարյոս | 101 |
| Կիանի-Ակտի | 213 |
| Կալավրիա (Կենարար աղբյուրի վանք) | 28 |
| Պորոս | 3651 |
- Պոսեյդոն տաճարի ավերակներ
- Հնէաբանության թանգարան
- Կիտրոնի անտառ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
