Ջեյմս Հեդլի Չեյզ

Ջեյմս Հեդլի Չեյզ (անգլ.՝ James Hadley Chase, իսկական անունը՝ Ռենե Բրաբազոն Ռեյմոնդ (անգլ.՝ René Lodge Brabazon Raymond), գործածել է գրական այլ կեղծանուններ ևս, ներառյալ՝ James L. Docherty, Raymond Marshall, R. Raymond, Ambrose Grant դեկտեմբերի 24, 1906(1906-12-24)^{[1][2][3][…]}, Լոնդոն, Մեծ Բրիտանիայի և Իռլանդիայի միացյալ թագավորություն^[4] - փետրվարի 6, 1985(1985-02-06)^[1][2][3] կամ հունվարի 6, 1985(1985-01-06)^[5], Կորսո, Ռիվիերա-Պեյս-դ'Էնհաուտ շրջան, Վո, Շվեյցարիա^[7]), դետեկտիվ ժանրի անգլիացի գրող։ Ստեղծագործական ողջ կյանքի ընթացքում գրել է 78 վեպ, բազմաթիվ պատմվածքներ։ Հռչակվել է առաջին հերթին որպես բոլոր ժամանակների թրիլլերների լավագույն հեղինակներից մեկը, թրիլլերների եվրոպացի հեղինակների արքա^[8]։ Չեյզը նաև այն հեղինակն է, ում գրքերը ամենաշատ վաճառվողների թվում են ամբողջ աշխարհում։ Բացի այդ, արդեն իսկ ֆիլմեր են նկարահանվել նրա երկերից առնվազն հիսունի հիման վրա^[9]։

Ջեյմս Հեդլի Չեյզ անգլ.՝ James Hadley Chase
Ծնվել է	դեկտեմբերի 24, 1906(1906-12-24)[1][2][3][…]
Ծննդավայր	Լոնդոն, Մեծ Բրիտանիայի և Իռլանդիայի միացյալ թագավորություն[4]
Վախճանվել է	փետրվարի 6, 1985(1985-02-06)[1][2][3] (78 տարեկան) կամ հունվարի 6, 1985(1985-01-06)[5] (78 տարեկան)
Վախճանի վայր	Կորսո, Ռիվիերա-Պեյս-դ'Էնհաուտ շրջան, Վո, Շվեյցարիա
Գերեզման	Վևե
Գրական անուն	Ambrose Grant
Մասնագիտություն	գրող, վիպասան և սցենարիստ
Լեզու	անգլերեն
Քաղաքացիություն	Միացյալ Թագավորություն
Ժանրեր	դետեկտիվ
Աշխատավայր	University of Tasmania Launceston Campus?[6]
James Hadley Chase Վիքիպահեստում

Կենսագրություն

Ջեյմս Հադլեյ Չեյզը 18 տարեկանում թողնում է հայրական տունը և ինքնուրույն կյանք սկսում։ Շատ մասնագիտություններ փոխելով, ձեռք է բերում գրողի համար ամենակարևորը՝ հարուստ կենսափորձ։ Հերթական՝ գրախանութի վաճառողի աշխատանքը նրան թույլ է տալիս հիանալի կերպով ուսումնասիրել ընթերցողների ճաշակը և գրքի շուկայի պահանջարկը։ Այդ ժամանակ՝ 32 տարեկանում, հանգստյան տասներկու օրերի ընթացքում նա գրում է առաջին վեպը՝ «Միսս Բլենդիշի համար խոլորձներ չկան», և միանգամից մեծ հռչակ ձեռք բերում։ Գիրքը թարգմանվեց տարբեր լեզուններով և ունեցավ մի քանի միլիոն տպաքանակ։ Դրանից հետո նա կանոնավորապես գրում էր տարեկան երկու վեպ։ Սարսափազդու և արյունալի սյուժեներն էին պատճառը, որ քննադատները նրան անվանեցին «Սև վեպերի արքա»։

Քրեական վեպերից զատ, Չեյզը հրատարակել է նաև երգիծական պատմվածքներ, սակայն Ռենե Ռայմոնդ ստորագրությամբ^[10]։

Հայերեն թարգմանված երկեր

• Եթե կյանքը թանկ է, Երևան, 1991, 144 էջ։
• Ահա և ծաղկեպսակ գերեզմանի համար, լեդի, Երևան, 1995, 236 էջ։
• Դագաղը Հոնկոնգից, Երևան, 1996, 160 էջ։

Աղբյուրներ

1. Bibliothèque nationale de France data.bnf.fr (ֆր.): տվյալների բաց շտեմարան — 2011.
2. Internet Speculative Fiction Database — 1995.
3. NooSFere (ֆր.) — 1999.
4. Չեխիայի ազգային գրադարանի կատալոգ
5. Կերպարվեստի արխիվ — 2003.
6. Montenegro A. ORCID Public Data File 2023 — 2023. — doi:10.23640/07243.24204912.V1
7. Obituary Variety 13 February 1985
8. Frank Northen Magill (1988). Critical survey of mystery and detective fiction. Salem Press. էջ 319. ISBN 0-89356-486-9.
9. Publishers' Association, Booksellers Association of Great Britain and Ireland (1982). The Bookseller. J. Whitaker. էջ 46.
10. Ջեյմս Հադլեյ Չեյզ (1995). Ահա և ծաղկեպսակ գերեզմանի համար, լեդի. Երևան: «Գարուն» ամսագրի հրատարակչություն. էջ 233-234.

Արտաքին հղումներ

• Джеймс Хэдли Чейз (полная библиография 1 и 2) Крутой детектив կայքում (Hard-Boiled)
• Գրողի կենսագրությունն ու մատենագրությունը «Клуб любителей детективов» կայքում
• Джеймс Хедли Чейз (անգլ.) Internet Movie Database կայքում
• Русскоязычный сайт, посвященный творчеству Джеймса Хедли Чейза

Վիքիպահեստն ունի նյութեր, որոնք վերաբերում են «Ջեյմս Հեդլի Չեյզ» հոդվածին։