Ջեյն Ատկինսոն

Ջեյն Ատկինսոն (անգլ.՝ Jayne Atkinson, փետրվարի 18, 1959(1959-02-18)^[1][2][3], Բորնմութ, Bournemouth, Christchurch and Poole, Դորսետ, Անգլիա, Միացյալ Թագավորություն), անգլո-ամերիկացի դերասանուհի։ Առավել հայտնի է «24 ժամ» հեռուստասերիալում խաղացած Կարեն Հեյես դերով, ինչպես նաև «Անձրև վաճառողը» և «Կախարդական ապրիլ» պիեսներում խաղացած դերերով, ինչի համար առաջադրվել է «Թոնի» մրցանակին։ «Մտածել ինչպես հանցագործ» հեռուստասերիալում խաղացել Է Շտրաուսի, իսկ «Քարտե տնակ» հեռուստասերիալում՝ Քեթրին Դյուրանի դերը^[4][5][6][7]։

Ջեյն Ատկինսոն անգլ.՝ Jayne Atkinson
Ծնվել է	փետրվարի 18, 1959(1959-02-18)[1][2][3] (65 տարեկան)
Ծննդավայր	Բորնմութ, Bournemouth, Christchurch and Poole, Դորսետ, Անգլիա, Միացյալ Թագավորություն
Կրթություն	Եյլի դրամայի դպրոց, Հյուսիսարևմտյան համալսարան, Հյուսիսարևմտյան համալսարանի հաղորդակցության դպրոց և Pine Crest School?
Քաղաքացիություն	ԱՄՆ և  Միացյալ Թագավորություն
Մասնագիտություն	հեռուստատեսային դերասանուհի, կինոդերասանուհի, դերասանուհի և թատրոնի դերասանուհի
Ամուսին(ներ)	Michel Gill?
jayne-atkinson.com

Վաղ կյանք և կրթություն

Ջեյն Ատկինսոնը ծնվել է Անգլիայի Դորսետ կոմսության Բորնմուտ քաղաքում, սակայն 1868 թվականին, երբ Ջեյնը ինը տարեկան էր, նրա ընտանիքը տեղափոխվել է ԱՄՆ։ Մեծացել է Ֆլորիդա նահանգի Հոլիվուդ քաղաքում, ավարտել է «Փայն Քրեստ» դպրոցը, որտեղ 1977 թվականին ընտրվել է ավարտական երեկույթի թագուհի։ Սովորել է Հյուսիսարևմտյան համալսարանում (հաղորդակցության գծով բակալավրի աստիճան, 1981 թվական), որտեղ եղել է Alpha Chi Omega և Լորա Իննես «քույր» կանանց ընկերությունների անդամ։ Սովորել է նաև Եյլի դրամայի դպրոցում^[4]։

Կարիերա

Թատրոն

Տարածաշրջանային թատրոններում աշխատելուց հետո Ատկինսոնը 1987 թվականին հայտնվել է Մանհեթենի թատերական ակումբի «Արյունոտ պոեզիաներ» օֆֆ-բրոդվեյան բեմադրությունում։ Նույն թվականին առաջնաելույթ է ունեցել Բրոդվեյում Արթուր Միլլերի «Իմ բոլոր որդիները» վերածնված պիեսի հիման վրա բեմադրված ներկայացման մեջ, որի արդյունքում բազմաթիվ գլխավոր դերեր է ստացել թատերական բեմադրություններում՝ ներառյալ «Հենրի VIII», «Ճշմարտություն» և «Հաջողության արվեստը»։ «Սկրայքեր» ներկայացումում լավագույն կանացի դերի համար ստացել է «Դրամա Դեսկ» մրցանակը։ Ատկինսոնի աշխատանքը Թատերական ընկերության «Անձրև վաճառողը» պիեսի ներկայացումում 1999 թվականին նրան բերել է «Թոնի» մրցանակի անվանակարգ, իսկ «Կախարդական ապրիլ» ներկայացման մեջ նրա ելույթը 2003 թվականին բերել է երկրորդ «Թոնի» մրցանակի և «Դրամա Դրեսկ» մրցանակի անվանակարգ։ 2009 թվականին Նոել Կաուարդայի պիեսի հիման վրա բեմադրված «Անհանգիստ ոգին» բրոդվեյան վերածնված ներկայացման մեջ^[4], որտեղ ներգրավված են եղել նաև Ռուպերտ Էվերետը, Քրիստին Էբերսոուլը և Անջելա Լենսբերին, կատարել է Ռութ Քոնդոմայնի դերը։

Ֆիլմ

Ատկինսոնը նկարահանվել է «Ազատեցե՛ք Վիլիին», «Ազատեցե՛ք Վիլիին։ Նոր արկածներ», «Բաց չեկ», «Անտառը» և «Սիրիանա» ֆիլմերում։

Հեռուստատեսություն

Ատկինսոնի անունը հայտնվել է «Տարին կյանքում», «Ծնողներ», «Գաղտնի նյութեր» («Սարսափելի համաչափություն», 1995 թվական), «Օրենք և կարգ», «Փորձաշրջան», «Մտածել ինչպես հանցագործ», «24 ժամ», «Բամբասկոտը» և «Քարտե տնակ» (Քևին Սփեյսիի և նրա ամուսին Մայքլ Գիլի հետ) հեռուստասերիալների տիտրերում։ «Մեր քաղաքը» հեռուստաֆիլմում աշխատանքի համար դերասանուհին երկրորդ պլանի դերի համար ստացել է «Ուղեկից» մրցանակի անվանակարգ։

Անձնական կյանք

1998 թվականից Ջեյն Ատկինսոնը ամուսնացած է դերասան Մայքլ Գիլի հետ, որից ունի մեկ որդի։ Նրանք ծանոթացել են 1989 թվականին Կոնեկտիկուտ նահանգի Նյու Հեյվեն քաղաքի «Long Wharf» թատրոնում «Ժառանգորդուհին» պիեսի բեմականացման աշխատանքների ժամանակ։ Ատկինսոնն ամուսնու հետ նկարահանվել է «Քարտե տնակ» հեռուստասերիալում, չնայած ոչ զույգի դերում. Գիլը խաղում էր ԱՄՆ-ի 45-րդ նախագահ Գարեթ Ուոքերի դերը, իսկ Ատկինսոնը՝ ԱՄՆ-ի պետական քարտուղար Քեթրին Դյուրանի դերը։

Ֆիլմագրություն

Տարի		Անվանում	Բնօրինակ անվանում	Դեր
1986-1988	ս	Տարին կյանքում	A Year in the Life	Լինդլի Գարդներ Այզենբերգ
1990-1991	ս	Ծնողներ	Parenthood	Կարեն Բաքման
1993	ֆ	Ազատեցե՛ք Վիլիին	Free Willy	Էնի Գրինվուդ
1994	ֆ	Բաց չեկ	Blank Check	Սանդա Ուոթերս
1995	ս	Գաղտնի նյութեր	The X-Files	Ուիլա Ամբրոուզ
1995	ֆ	Ազատեցե՛ք Վիլիին։ Նոր արկածներ	Free Willy 2: The Adventure Home	Էնի Գրինվուդ
1997	ս	Փորձաշրջան	The Practice	Ռութ Գիբսոն
2000-2001	ս	Մաքս Բիկֆորդի կրթությունը	The Education of Max Bickford	Լիլա Օրթից
2002	ս	Օրենք և կարգ	Law & Order	բժիշկ Քլեր Սնայդեր
2003	ֆ	Մեր քաղաքը	Our Town	տիկին Գիբս
2004	ֆ	Գյուղը	The Village	Թաբիթա
2005	ֆ	Սիրիանա	Syriana	մասնաճյուղի ղեկավար
2006-2007	ս	24 ժամ	24	Կարեն Հեյս
2007-2014	ս	Մտածել ինչպես հանցագործ	Criminal Minds	Էրին Շտրաուս
2008	ս	Օրենք և կարգ։ Հատուկ ստորաբաժանում	Law & Order: Special Victims Unit	Մարիոն Սփրինգեր
2008	ս	Օրենք և կարգ	Law & Order	Սենատոր Մելանի Քարվեր
2008	ֆ	Վերահաշվարկ	Recount	Թերեզա Լեփոր
2010	ս	Բամբասկոտը	Gossip Girl	Դին Րեյթեր
2011	ս	Սպիտակ օձիք	White Collar	Հելեն Անդերսոն
2012	ս	Կապույտ արյուն	Blue Bloods	Շերոն Հարիս
2013	ս	Հետևորդները	The Following	Ջեյկոբի մայրը
2013-2017	ս	Քարտե տնակ	House of Cards	ԱՄՆ պետքարտուղար Քեթրին Դյուրան
2016	ս	Լավ կինը	The Good Wife	Նորա Վելենտայն

Ծանոթագրություններ

1. Internet Movie Database — 1990.
2. Internet Broadway Database — 2000.
3. Discogs — 2000.
4. «Jayne Atkinson». tv.com. Արխիվացված է օրիգինալից 2011 թ․ փետրվարի 24-ին. Վերցված է 2010 թ․ օգոստոսի 14-ին.
5. «Noel Coward's 'BLITHE SPIRIT' Goes On Sale 12/20/08». broadwayworld.com. Վերցված է 2010 թ․ օգոստոսի 14-ին.
6. «'I became obsessed with Beethoven's obsession'». The San Diego Union-Tribune. Վերցված է 2010 թ․ օգոստոսի 14-ին.
7. «A getaway that takes us nowhere near their souls - The Record (Bergen County, NJ)». Արխիվացված է օրիգինալից 2012 թ․ նոյեմբերի 4-ին. Վերցված է 2010 թ․ օգոստոսի 14-ին – via HighBeam Research.

Վիքիպահեստն ունի նյութեր, որոնք վերաբերում են «Ջեյն Ատկինսոն» հոդվածին։