Սարալանջ (Լոռու մարզ)

'Սարալանջ, գյուղ Հայաստանի Լոռու մարզի Սպիտակ համայնքում^[1]։

Անվան այլ կիրառումների համար տե՛ս՝ Սարալանջ (այլ կիրառումներ)

Գյուղ
Սարալանջ
Երկիր	Հայաստան
Մարզ	Լոռու մարզԼոռու մարզ
Համայնք	Սպիտակ (համայնք) | Սպիտակ համայնք[1]
ԲԾՄ	1800 մ
Պաշտոնական լեզու	հայերեն
Բնակչություն	188[2] մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Սարալանջ (Լոռու մարզ) (Հայաստան) Սարալանջ (Լոռու մարզ) (Լոռու մարզ)

Մարզկենտրոն Վանաձորից հեռու է 31 կմ հյուսիս-արևմուտք։ Գյուղը գտնվում է Փամբակ գետի ձախ կողմում՝ ծովի մակերևույթից 1800 մ բարձրության վրա։ Վերանվանվել է Սարալանջ 1946 թվականի ապրիլի 26-ին^[3]։

Բնակչությունն զբաղվում է հացահատիկի, կերային կուլտուրաների մշակությամբ և անասնապահությամբ։

Գյուղը հիմնադրվել է 1831 թ.։ Գտնվում է ծովի մակարդակից 1750 մ բարձրության վրա։ Սարալանջ գյուղը տեղակայված է Սպիտակ-Գյումրի մայրուղուց 2 կմ դեպի հյուսիս։ Գյուղի առաջին բնակիչները հարևան Մեծ Պարնի գյուղից տեղափոխված ընտանիքներն էին։ Հավանաբար տարածքի գեղատեսիլ բնությունը, ծառախիտ ու մշտադալար անտառը, բարձունքից գահավիժող ջրվեժն է գրավել նրանց։ Սարալանջը նախկինում օտարածին անուն է ունեցել՝ Գյոգյողուշ։

Պետք է ենթադրել, որ տեղափոխված ընտանիքները գոհ են եղել տարածքից, քանզի նրանց են հետևել այլ ընտանիքներ ևս։ 1919 թ. Այս ընտանիքներին են միացել Արևմտյան Հայաստանի տարբեր գավառներից գաղթած ընտանիքներ։ Գյուղը հետագայում անվանափոխվեց՝ դառնալով Սարալանջ։ Գյուղի կլիման ձմռանը ցրտաշունչ է, իսկ ամռանը զով։ Հաճախակի են չոր երաշտի տարիները, որից շատ են տուժում հողագործները։ Ոռոգման ջրի սակավության պատճառով համայնքը հիմնականում զբաղվում է ցորենի, գարու, առվույտի, կորնգանի, կարտոֆիլի մշակմամբ։ Անասնապահությամբ զբաղվողները արտադրում են միս, կաթ, բուրդ, ձու, մեղր։ Գյուղն ունի 8-ամյա դպրոց։

Բնակչություն

Ըստ Հայաստանի 2011 թ. մարդահամարի արդյունքների՝ Սարալանջի մշտական բնակչությունը կազմել է 188, առկա բնակչությունը՝ 139 մարդ^[2], բնակչության փոփոխությունը ժամանակի ընթացքում՝ ստորև^[4].

Տարի	1873	1897	1926	1939	1959	1970	1979	1989	1993	2001	2011
Բնակիչ	240	345	475	585	322	224	137	107	196	215	188[2]

Տես նաև

• Սարալանջի պատմության և մշակույթի անշարժ հուշարձանների ցանկ (Լոռու մարզ)

Ծանոթագրություններ

1. Տեղեկություններ Սպիտակ համայնքի մասին Լոռու մարզի մարզպետարանի կայքում, (արխիվացված 02․07․2023 թվական)։
2. 2011 թ Հայաստանի մարդահամարի արդյունքները
3. «Հայաստանի և հարակից շրջանների տեղանունների բառարան», հտ. 4, էջ 513
4. «Հայաստանի հանրապետության բնակավայրերի բառարան, էջ 175» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2013 Հոկտեմբերի 27-ին.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 211)։