From Wikipedia, the free encyclopedia
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Սուրբ Խաչի կանգնեցման եկեղեցի (բելառուս․՝ Касцёл Узвіжання Святога Крыжа), կաթոլիկ տաճար Բելառուսի Բրեստի մարզի Բարանովիչի քաղաքում։ Վերաբերում է Պինսկի դիոցեզի Արևմտաբարանովիչյան դեկանատին։ Ճարտարապետության հուշարձան է, կառուցվել է փայտից 1924 թվականին։
| Սուրբ Խաչի կանգնեցման եկեղեցի | |
|---|---|
.jpg) | |
| Հիմնական տվյալներ | |
| Տեսակ | կաստյոլ |
| Երկիր |  Բելառուս |
| Տեղագրություն | Բարանովիչի |
| Դավանանք | Հռոմի Կաթոլիկ եկեղեցի և կաթոլիկություն |
| Թեմ | Roman Catholic Diocese of Pinsk? |
| Ժառանգության կարգավիճակ | Բելառուսի մշակութային ժառանգություն |
| Ճարտարապետական ոճ | Գոթիկա և էկլեկտիկ ճարտարապետություն |
 | |
 | |
 Church of the Exaltation of the Holy Cross, Baranavičy Վիքիպահեստում | |
20-րդ դարի սկզբին Բարանովիչիի կաթոլիկները խնդրագիր են ներկայացրել կաթոլիկ եկեղեցու կառուցման թույլտվություն ստանալու համար, սակայն Ռուսական կայսրության իշխանությունները նման թույլտվություն չեն տվել։ Կաթոլիկական գերեզմանտանը՝ Յան Ռոզվադովսկու կնոջ՝ Ալժբետա Ռոզվադովսկայայի գերեզմանի մոտ կառուցվել է ոչ մեծ փայտե մատուռ, որտեղ պարբերաբար ժամերգություններ է անցկացրել Նոր Միշից եկած հոգևորականը[1]։
Բարանովիչիի՝ Լեհաստանի տիրապետության տակ անցնելուց հետո որոշվել է վերադառնալ կաթոլիկ տաճարի կառուցման հարցին։ Փայտե եկեղեցին կառուցվել է 1924 թվականին, իսկ 1925 թվականի հոկտեմբերի 18-ին այն օծվել է ի պատիվ Տիրոջ խաչի կանգնեցման։
Տաճարը կառուցվել է էկլեկտիկ ոճով, կոմպոզիցիայում օգտագործվել են գոթիկայի, բարոկկոյի և կլասիցիզմի տարրեր[2]։ Տաճարի շենքը հիմքում ուղղանկյուն է, առանց տրանսեպտի։ Ներքին տարածքը բաժանված է երեք նավերի, կենտրոնական նավը վերածվում է պրեսվիտերիումի և հնգանկյուն աբսիդի։ Գլխավոր նավը ծածկված է երկթեք տանիքով, դեպի որը ձգվում է գլխավոր ճակատից վեր գտնվող ութանկյուն թմբուկ՝ ձևավոր աշտարակով։ Հարավից խորանի հատվածին կից կառուցված է ոչ բարձր ավանդատուն, որը խախտում է շենքի համաչափությունը։ Գլխավոր մուտքը զարդարված է սյունասրահով, որն ունի եռանկյունի բարձր ճակտոն[2]։ Տաճարն ընդգրկվել է Բելառուսի Հանրապետության պատմամշակութային արժեքների պետական ցուցակում[3]։
