Վիկտոր Կովալենկո
From Wikipedia, the free encyclopedia
From Wikipedia, the free encyclopedia
Վիկտոր Անտոնովիչ Կովալենկո (բելառուս․՝ Вiктар Антонавіч Каваленка, 21 հուլիսի, 1929, Սոկովշչինա, Վոլոժինի շրջան, Մինսկի մարզ, Բելառուսական ԽՍՀ — 17 օգոստոսի, 2001, Մինսկ, Բելառուս), բելառուս գրականագետ, քննադատ, արձակագիր, բանասիրական գիտությունների դոկտոր (1978), պրոֆեսոր (1971)։ Բելառուսի գիտությունների ազգային ակադեմիայի ակադեմիկոս (1994)։ Բելառուսական ԽՍՀ Յակուբ Կոլասի անվան պետական մրցանակի դափնեկիր (1980)։ Բելառուսական ԽՍՀ գիտության վաստակավոր գործիչ (1981)։ ԽՍՀՄ Գրողների միության անդամ (1962)։
Վիկտոր Կովալենկո բելառուս․՝ Вiктар Каваленка | |
|---|---|
 | |
| Ծնվել է | հուլիսի 21, 1929 Սոկովշչինա, Վոլոժինի շրջան, Մինսկի մարզ, Բելառուսական ԽՍՀ, ԽՍՀՄ |
| Մահացել է | օգոստոսի 17, 2001 (72 տարեկան) Մինսկ, Բելառուս |
| Քաղաքացիություն | .svg){kind=small} Լեհաստանի Երկրորդ Հանրապետություն, .svg){kind=small} Բելառուսական ԽՍՀ և .svg){kind=small} Բելառուս |
| Ազգություն | բելառուս |
| Մասնագիտություն | գրականագետ, գրող, գրական քննադատ, քննադատ և արձակագիր |
| Հաստատություն(ներ) | Բելառուսական ԽՍՀ Գիտությունների ակադեմիայի Յանկա Կուպալայի գրականության ինստիտուտ |
| Գործունեության ոլորտ | գրականագիտություն |
| Անդամակցություն | ԽՍՀՄ Գրողների միություն |
| Ալմա մատեր | Մինսկի Մ. Գորկու անվան մանկավարժական ինստիտուտ |
| Գիտական աստիճան | բանասիրական գիտությունների դոկտոր (1978) և academician of the National Academy of Sciences of Belarus? (1994) |
| Պարգևներ | ԽՍՀՄ Գրողների միության մրցանակ (1976) Բելառուսական ԽՍՀ Յոկուբ Կոլասի անվան պետական մրցանակ (1980) |
Վիկտոր Կովալենկոն ծնվել է 1929 թվականի հուլիսի 21-ին Բելառուսական ԽՍՀ Մինսկի մարզի Վոլոժինի շրջանի Սոկովշչինա գյուղում, գյուղացու ընտանիքում։
1948 թվականին ավարտել է Լիդսկի մանկավարժական ուսումնարանը։ Դասավանդել է Գրոդնոյի մարզի Դոբրովոլսկի յոթնամյա դպրոցում։ Ավարտել է Մինսկի Մ. Գորկու անվան մանկավարժական ինստիտուտը (1953)։ Սվիրսկի շրջանում լեզու ու գրականություն է դասավանդել Սիրմեշի միջնակարգ դպրոցում, եղել է Կեմելիշի միջնակարգ դպրոցի տնօրեն։
1959 թվականին պաշտպանել է ատենախոսություն «Дакастрычніцкая творчасць Змітрака Бядулі» թեմայով և ստացել բանասիրական գիտությունների թեկնածուի աստիճան։
Ասպիրանտուրան ավարտելուց հետո (1958) եղել է Բելառուսական ԽՍՀ Գիտությունների ակադեմիայի Յանկա Կուպալայի գրականության ինստիտուտի գիտաշխատող, 1982-1997 թվականներին՝ նույն ինստիտուտի տնօրեն։ Եղել է Բելառուսական ԽՍՀ Գիտությունների ակադեմիայի թղթակից անդամ, ակադեմիկոս[1]։
Վիկտոր Կովալենկոն ուսումնասիրել է բելառուսական գրականության զարգացման արագացման գործընթացը, հանդես է եկել որպես գրական քննադատ։
Վիկտոր Կովալենկոյի անունն է կրում Սովոկշչինայի միջնակարգ դպրոցը։
Վիկտոր Կովալենկոյի քննադատական ու գրականագիտական աշխատությունները տպագրվել սկսել են 1952 թվականին։ Հեղինակել է ավելի քան 200 գիտական հրատարակություններ, այդ թվում՝ 11 մենագրություններ, ինչպես նաև «Падвышанае неба» վեպը (Мінск ։ Мастацкая літаратура, 1978)։
Հանդիսանում է «Гісторыі беларускай савецкай літаратуры» (1964), «Гісторыі беларускай дакастрычніцкай літаратуры» (1969), «Истории советской многонациональной литературы» (1974), «Истории белорусской советской литературы» (1974) դասագրքերի ու մենագրություների հեղինակներից ու խմբագիրներից մեկը։ «Шляхі развіцця беларускай савецкай прозы» մենագրության համահեղինակ է (Մ. Մուշինսկու, Ալեքսանդր Յասկևիչի հետ համատեղ, 1972)։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
