Ալեքսանդր Բենուա

Ալեքսանդր Նիկոլայի Բենուա (ռուս.՝ Александр Николаевич Бенуа, ապրիլի 21 (մայիսի 3), 1870^{[1][2][3][…]}, Սանկտ Պետերբուրգ, Ռուսական կայսրություն^[4] - փետրվարի 9, 1960(1960-02-09)^{[4][2][5][…]}, Փարիզ^[4][6]), ռուս նկարիչ, արվեստաբան, արվեստի քննադատ, «Արվեստի աշխարհ» միության հիմնադիր և գլխավոր գաղափարախոս։

Ալեքսանդր Բենուա ռուս.՝ Александр Николаевич Бенуа
Ի ծնե	ռուս.՝ Александр Николаевич Бенуа
Ծնվել է	ապրիլի 21 (մայիսի 3), 1870[1][2][3][…]
Ծննդավայր	Սանկտ Պետերբուրգ, Ռուսական կայսրություն[4]
Վախճանվել է	փետրվարի 9, 1960(1960-02-09)[4][2][5][…] (89 տարեկան)
Մահվան վայր	Փարիզ[4][6]
Քաղաքացիություն	Ռուսական կայսրություն և  Ֆրանսիա
Կրթություն	Սանկտ Պետերբուրգի կայսերական համալսարան (1894) և Սանկտ Պետերբուրգի երկրորդ գիմնազիա
Մասնագիտություն	նկարիչ, գրող, պարուսույց, արվեստագետ, լիբրետիստ, գծանկարիչ, բեմանկարիչ, exlibrist, արվեստի քննադատ, դիզայներ, դեկորատոր, ռեժիսոր և հագուստ ձևագծող
Թեմաներ	գեղանկարչություն[6], scenic design?, դիզայն[6], art society?[6], արվեստի քննադատություն[6] և արվեստագիտություն[6]
Հայր	Նիկոլայ Բենուա[7]
Մայր	Camilla Cavos?
Ամուսին	Anna Karlovna Benois?
Զավակներ	Nikolaï Alexandrovitch Benois? և Hélène Clément-Benois?
Alexandre Benois Վիքիպահեստում

Սերում է Բենուա ճարտարապետների հայտնի ընտանիքից՝ որդին Նիկոլայ Բենուան է, եղբայրը՝ Լ. Ն. Բենուա և Ա. Ն. Բենուան և զարմիկը Յ. Յ. Բենուան։

Կենսագրություն

Ալեքսանդր Բենուան ծնվել է 1870 թ. ապրիլի 21-ին (մայիսի 3) Սանկտ-Պետերբուրգում, ռուս ճարտարապետ Նիկոլայ Լեոնտիյի Բենուայի և Կամիլլա Ալբերտի Բենուայի (ճարտարապետ Ա. Կ. Քավոսի դուստրը) ընտանիքում։ Ավարտել է հեղինակավոր Սանկտ-Պետերբուրգի 2-րդ բարձրագույն վարժարանը^[8]։ Որոշ ժամանակ սովորել է Գեղարվեստի ակադեմիայում։ 1894 թ. ավարտել է Սանկտ Պետերբուրգի համալսարանի իրավագիտության ֆակուլտետը^[9]։

1894 թվականին սկսում է իր կարիերան որպես տեսաբան և արվեստի պատմաբան՝ գրելով ռուս նկարիչների մասին մի գլուխ գերմանական «XIX դարի գեղանկարչության պատմության» դասագրքի համար։ 1896-1898 և 1905-1907 թթ. աշխատել է Ֆրանսիայում։

Դարձել է «Արվեստի աշխարհ» գեղարվեստական ասոցացիայի հիմնադիրներից և գաղափարախոսներից մեկը, հիմնադրել է նույնանուն ամսագիրը։

1916-1918 թթ. նրա կողմից են ստեղծվել Ա. Ս. Պուշկինի «Պղնձե հեծյալ» պոեմի նկարազարդումները։ 1918 թ. ղեկավարել է Էրմիտաժը, ստեղծել է նրա նոր տեղեկատուն։ Շարունակում է աշխատել որպես գրքի և թատրոնի նկարիչ և ռեժիսոր, մասնավորապես աշխատում էր Ռուսաստանի Գ. Ա. Տովստնովովի անվան պետական դրամատիկական Մեծ թատրոնում ներկայացումների ստեղծման և բեմադրման վրա։ 1925 թ. Փարիզում մասնակցում է Ժամանակակից դեկորատիվ և արդյունաբերական արվեստների միջազգային ցուցահանդեսին^[10]։

1926 թվականին Բենուան լքում է Խորհրդային Միությունը ՝ չվերադառնալով արտասահմանյան գործուղումներից։ Ապրել է Փարիզում, հիմնականում աշխատել է թատերական դեկորացիաների և հագուստների էսքիզների վրա։ Ալեքսանդր Բենուան մահացել է 1960 թ. փետրվարի 9 Փարիզում։

«Ալեքսանդր Բենուան եզակի վարպետ է նկարչության և թատերական բեմադրությունների մեջ։ Բենուան արվեստի հազվագյուտ գիտակ է, որը դաստիարակել է երիտասարդների մի ամբողջ սերունդ իր համոզիչ գեղարվեստական գրություններով։

Աշխատություններ

• Ռուս պատմության նկարները՝ պատկերազարդ