Անդրեյ Կիրիլենկո (բասկետբոլիստ)

Անդրեյ Գենադևիչ Կիրիլենկո (ռուս.՝ Андрей Геннадьевич Кириленко, փետրվարի 18, 1981(1981-02-18)^[1], Իժևսկ, ՌԽՖՍՀ, ԽՍՀՄ), ռուս նախկին բասկետբոլիստ, թեթև հարձակվող։

Անվան այլ կիրառումների համար տե՛ս՝ Անդրեյ Կիրիլենկո (այլ կիրառումներ)

Անդրեյ Կիրիլենկո Андрей Кириленко
Դիրքը	Թեթև հարձակվող
Համար	№ 47
Ի ծնե տրված անունը	Ալեքսանդր Վլադիմիրովիչ Վարնակով Андрей Геннадьевич Кириленко
Ծննդյան ամսաթիվ	փետրվարի 18, 1981 (44 տարեկան)
Ծննդավայր	Իժևսկ, ՌՍՖՍՀ, ԽՍՀՄ
Ազգություն	Ռուս
Հասակ	206 սմ
Քաշ	102 կգ
Դրաֆթ	1999 / ռաունդ` 1 / ընտր.` 24-րդ
Կարիերայի պատմություն
Սպարտակ (1997-1998) ԲԿՄԱ Մոսկվա (1998-2001) Յութա Ջազ (2001-2011) ԲԿՄԱ Մոսկվա (2011-2012) Մինեսոտա Թիմբերվուլվզ (2012-2013) Բրուքլին Նեթս (2013-2015) ԲԿՄԱ Մոսկվա (2015)
Մրցանակներ
NBA աստղ (2004) NBA All-Defensive առաջին թիմ (2006) 2× NBA All-Defensive երկրորդ թիմ (2004–2005) NBA All-Rookie առաջին թիմ (2002) NBA-ի առաջատար բլոկշոտերի ասպարեզում (2005) ԵվրոԲասկետի MVP (2007) 2× ՖԻԲԱ տարվա բասկետբոլիստ Եվրոպայից (2007, 2012) Euroscar տարվա բասկետբոլիստ (2012) All-Europeans տարվա բասկետբոլիստ (2012) Եվրալիգայի MVP (2012) All-Euroleague առաջին թիմ (2012) Euroleague տարվա պաշտպան (2012) Ռուսաստանի լիգայի MVP (2000) 2× ՎՏԲ Միացյալ լիգայի չեմպիոն (2012, 2015) ՎՏԲ Միացյալ լիգայի MVP (2012) ՎՏԲ Միացյալ լիգայի եզրափակիչ քռայակի MVP (2012) ՖԻԲԱ աշխարհի Մ-19 առաջնության MVP (1999)

Կիրիլենկոն և Ռուսաստանի Դաշնության նախկին նախագահ Դմիտրի Մեդվեդևը (2008 թ.)

Մասնագիտական կարիերան սկսել է 15 տարեկանում^[2]՝ ելույթ ունենալով ռուսական «Սպարտակ» և «ԲԿՄԱ» ակումբներում։ Ավելի ուշ մուտք է գործել Բասկետբոլի ազգային ասոցիացիա (NBA)՝ ընտրվելով «Յութա Ջազի» կողմից՝ 1999 թվականի դրաֆթի առաջին ռաունդի 24-րդ համարով՝ այդ կերպ դառնալով NBA-ի դրաֆթի առաջին ռաունդում ընտրված ռուս մարզիկը։ «Ջազի» կազմում 2004 թվականին մասնակցել է Բոլոր աստղերի հանդիպմանը, ինչպես նաև արժանանում մի շարք անհատական մրցանակների և ընդգրկվել խորհրդանշական հավաքականներում։ 2011 թվականին ստացել է Միացյալ Նահանգների քաղաքացիություն։

Բազմաթիվ առիթներով Կիրիլենոկոյին անվանում են «AK47», ոչ միայն այն փաստի համար, որ նրա անվան և ազգանվան սկզբնատառերն են Ա և Կ, իսկ մարզաշապկի համարը՝ 47, այլ նաև առ այն, որ ծնվել է Իժևսկ քաղաքում, որտեղ առաջին անգամ արտադրվել էին AK47 ինքնաձիգները։

Կենսագրություն

Վաղ տարիներ

Անդրեյ Կիրիլենկոն ծնվել է 1981 թվականի փետրվարի 18-ին Օլգա և Գենադի Կիրիլենկոների ընտանիքում։ Անդրեյի հայրը, ով նախկինում սպերտսմեն էր, «Իսկրա» կանանց ֆուտբոլային ակումբի գլխավոր մարզիչն է^[3]։ Օլգա Կիրիլենկոն զբաղվել է բասկետբոլով և հանդես է եկել կանանց «Բուրևեստնիկ», «Սպարտակ», «Սերպ ի մոլոտ» և «Սկորոխոդ» թիմերում։ Գենադի Կիրիլենկոն Օլգայի հղիության շրջանում ծառայում էր բանակում, և Օլգան մեկնում է մոր մոտ Իժեվսկ՝ ծննդաբերելու^[4][5]։ Ծնվելուց չորս ամիս անց մայրը ապագա բասկետբոլիստին բերում է Սանկտ Պետերբուրգ։

Մանուկ հասակում Անդրեյը զբաղվում էր լողով, ֆուտբոլով, հանդբոլով։ Բասկետբոլով սկսել է զբաղվել Սանկտ Պետերբուրգի Ֆրանսիական շրջանում՝ առաջին դասարանում, առաջին մարզիչը Ալեկսեյ Վլադիմիրովիչ Վասիլեվն էր^[6]։ 1995 թվականին քաղաքային թիմի կազմում դարձել է բասկետբոլի Ռուսաստանի չեմպիոն՝ 1981 թվականին ծնված խաղացողների մեջև^[2][7]։

Կիրլենկոյի տաղանդը երևում էր դեռ վաղ մանկությունից, բացի այդ նա ուներ կամքի ուժ և իր վրա աշխատելու ցանկություն։ - Ալեքսեյ Վլադիմիրովիչ Վասիլև, Անդրեյ Կիրիլենկոյի առաջին մարզիչը[8]