Գեորգի Շենգելայա

Գեորգի Շենգելայա (վրաց.՝ გიორგი შენგელაია , մայիսի 11, 1937(1937-05-11)^{[1][2][3][…]}, Մոսկվա, ՌԽՖՍՀ, ԽՍՀՄ^[3] - փետրվարի 17, 2020(2020-02-17)^[4][5], Թբիլիսի, Վրաստան^[6]), վրացի դերասան և կինոռեժիսոր։ Վրացական ԽՍՀ ժողովրդական արտիստ (1985)։

Գեորգի Շենգելայա վրաց.՝ გიორგი შენგელაია
Ծնվել է	մայիսի 11, 1937(1937-05-11)[1][2][3][…]
Ծննդավայր	Մոսկվա, ՌԽՖՍՀ, ԽՍՀՄ[3]
Մահացել է	փետրվարի 17, 2020(2020-02-17)[4][5] (82 տարեկան)
Մահվան վայր	Թբիլիսի, Վրաստան
Գերեզման	Դիդուբեի պանթեոն
Կրթություն	Մոսկվայի Գերասիմովի անվան կինեմատոգրաֆիայի ինստիտուտ (1961)
Քաղաքացիություն	ԽՍՀՄ և  Վրաստան
Մասնագիտություն	կինոռեժիսոր, սցենարիստ, դերասան, կինոպրոդյուսեր և կինեմատոգրաֆ
Աշխատավայր	Վրացֆիլմ և Թբիլիսիի Շոթա Ռուսթավելու անվան թատերական ինստիտուտ
Ծնողներ	հայր՝ Նիկոլայ Շենգելայա, մայր՝ Նատո Վաչնաձե
Ամուսին(ներ)	Սոֆիկո Ճիաուրելի
Պարգևներ և մրցանակներ	Վրացական ԽՍՀ ժողովրդական արտիստ Սաթերլենդ Թրոֆի և Արծաթե արջ մրցանակ լավագույն բեմադրության համար

Կենսագրություն

Գեորգի Շենգելայան ծնվել է 1937 թվականի մայիսի 11-ին Մոսկվայում, ռեժիսոր Նիկոլայ Շենգելայայի ու Նատո Վաչնաձեի ընտանիքում։

1961 թվականին ավարտել է Ս. Գերասիմովի անվան կինեմատոգրաֆիայի համառուսաստանյան պետական համալսարանի ռեժիսորական ֆակուլտետը (Ալեքսանդր Դովժենկոյի ու Միխայիլ Ճիաուրելիի արվեստանոց), դիպլոմայինը պաշտպանել է 1963 թվականին։

1961 թվականից որպես ռեժիսոր աշխատել է «Վրացֆիլմ» կինոստուդիայում։ Ռեժիսորական արվեստանոց է վարում Թբիլիսիի Շոթա Ռուսթավելու անվան կինոյի ու թատրոնի ինստիտուտում։ 1986 թվականին դարձել է Բեռլինի կինոփառատոնի մրցանակակիր «Ռեժիսոր» անվանակարգում^[7]։ 1985 թվականին Գեորգի Շենգելայային շնորհվել է Վրացական ԽՍՀ ժողովրդական արտիստի կոչում։ 1991-1992 թվականներին եղել է Վրաստանի Պետխորհրդի անդամ։ 2001 թվականի մարտին Գեորգի Շենգելայան հիմնադրել է «Վազի վրացական կուսակցություն։ Ռուսաստանի հետ միասին» քաղաքական կազմակերպությունը, որի ղեկավարն է։

Գեորգի Շենգելայան ամուսնացած է եղել դերասանուհի Սոֆիկո Ճիաուրելիի (1937-2008) հետ։ Նրանք ունեցել են երկու որդի՝ Նիկոն, ով նկարիչ է, և Սանդրոն, ով դերասան է։

Ֆիլմագրություն

Ռեժիսոր

• 1962 - Ալավերդոբա (նովել «Երկու պատմվածք» կինոժողովածուում)
• 1965 - Մրցանակ (նովել «Անցյալի էջեր» կինոալմանախում)
• 1966 - Մացի Խվատիա
• 1969 - Փիրոսմանի
• 1973 - Վերա թաղամասի մեղեդիները
• 1971 - Արի խաղողի դաշտը
• 1980 - Սերը պետք է բոլորին
• 1985 - Երիտասարդ կոմպոզիտորի ճանապարհորդությունը
• 1987 - Խարեբա և Գոգի
• 1996 - Օրֆեյի մահը
• 1999 - Վրացական խաղող
• 2005 - Եվ գնում է գնացքը

Սցենարիստ

• 1962 - Ալավերդոբա (նովել «Երկու պատմվածք» կինոժողովածուում)
• 1965 - Մրցանակ (նովել «Անցյալի էջեր» կինոալմանախում)
• 1966 - Մացի Խվատիա
• 1969 - Փիրոսմանի
• 1973 - Վերա թաղամասի մեղեդիները
• 1985 - Երիտասարդ կոմպոզիտորի ճանապարհորդությունը
• 1987 - Խարեբա և Գոգի
• 1996 - Օրֆեյի մահը
• 1999 - Վրացական խաղող
• 2005 - Եվ գնում է գնացքը

Դերասան

• 1957 - Մեր բակը
• 1957 - Օթարի այրին - Գեորգի, այրու որդին
• 1960 - Ասք մի աղջկա մասին
• 1965 - Հիմա ժամանակներն ուրիշ են - Գոգիա
• 1976 - Արի խաղողի դաշտ

Մրցանակներ

• 1974 - Չիկագոյի միջազգային կինոփառատոնի «Ոսկե Հյուգո» մրցանակ («Փիրոսմանի» ֆիլմի համար)
• 1986 - Բեռլինի 36-րդ կինոփառատոնում արժանացել է Արծաթե արջ մրցանակի լավագույն ռեժիսուրայի համար («Երիտասարդ կոմպոզիտորի ճանապարհորդությունը» ֆիլմի համար)