Գրիգոր Կիրակոսյան

Գրիգոր Եղիշի Կիրակոսյան (փետրվարի 29, 1936(1936-02-29), Աշնակ, Թալինի շրջան, Հայկական ԽՍՀ, ԱԽՖՍՀ, ԽՍՀՄ - հուլիսի 4, 2020(2020-07-04)^[1]), հայ տնտեսագետ։ Տնտեսագիտության դոկտոր (1989), պրոֆեսոր (1991):

Վիքիպեդիայում կան հոդվածներ Կիրակոսյան ազգանունով այլ մարդկանց մասին։

Գրիգոր Կիրակոսյան
Ծնվել է	փետրվարի 29, 1936(1936-02-29)
Ծննդավայր	Աշնակ, Թալինի շրջան, Հայկական ԽՍՀ, ԱԽՖՍՀ, ԽՍՀՄ
Մահացել է	հուլիսի 4, 2020(2020-07-04)[1] (84 տարեկան)
Քաղաքացիություն	ԽՍՀՄ և  Հայաստան
Կրթություն	Երևանի պետական համալսարան
Մասնագիտություն	տնտեսագետ
Պարգևներ և մրցանակներ
Երեխաներ	Եղիշե Կիրակոսյան

Եղիշե Կիրակոսյանի հայրը։

Կրթություն

• 1953 թ. ավարտել է Աշնակի միջնակարգ դպրոցը։
• 1965 թ. ավարտել է Երևանի պետական համալսարանի տնտեսագիտական ֆակուլտետը։
• 1967-1971 թթ. սովորել և ավարտել է Երևանի պետական համալսարանի ասպիրանտուրան։

Աշխատանքային գործունեություն

• 1965-1967 թթ. - աշխատել է Երևանի առևտրատնտեսագիտական տեխնիկումում որպես քաղաքատնտեսության դասատու։
• 1969-1975 թթ. - տեխնիկումի քաղաքատնտեսության ամբիոնի ասիստենտ
• 1975-1989 թթ. - Երևանի ժողովրդական տնտեսության ինստիտուտի քաղաքատնտեսության ամբիոն ավագ դասախոս, ապա՝ դոցենտ
• 1989-1991 թթ. - Երևանի ժողովրդական տնտեսության ինստիտուտի քաղաքատնտեսության ամբիոնի վարիչ
• 1991-1993 թթ. - Երևանի ժողովրդական տնտեսության ինստիտուտի ուսումնական աշխատանքների գծով պրոռեկտոր
• 1993-1999 թթ. - Երևանի ժողովրդական տնտեսության ինստիտուտի ռեկտոր
• 1999-2006 թթ. - Երևանի պետական տնտեսագիտական ինստիտուտի ռեկտոր
• 2006-2012 թթ. - Հայաստանի պետական տնտեսագիտական համալսարանի տնտեսագիտության տեսության ամբիոնի վարիչ
• 2012 թվականից - Հայաստանի պետական տնտեսագիտական համալսարանի ռեկտորի խորհրդական։
• Եղել է ՀՀ տնտեսագետների միության նախագահ
• Ղեկավարել է Երևանի պետական տնտեսագիտական ինստիտուտի ատենախոսությունների պաշտպանության մասնագիտական խորհուրդը։

Գիտական գործունեություն

• 1971 թվականին պաշտպանել է թեկնածուական ատենախոսություն` «Անհրաժեշտ արդյունքը և աշխատուժի վերարտադրությունը» թեմայով։
• 1989 թվականին Թբիլիսիի պետական համալսարանում պաշտպանել է դոկտորական ատենախոսություն՝ «Աշխատուժի վերարտադրության ծախսերը» թեմայով։
• 1991 թվականին շնորհվել է պրոֆեսորի կոչում։

Հեղինակել է ավելի քան 120 հրատարակված գիտական աշխատանք, այդ թվում՝ 18 մենագրություն, համահեղինակությամբ գրքեր, տնտեսագիտական բառարան, ուսումնական ձեռնարկներ։

Պարգևներ

• «Հայրենիքին մատուցած ծառայությունների համար» 1-ին աստիճանի մեդալ (2011)^[2]։
• Անանիա Շիրակացու մեդալ (2000)։
• ՀՀ վարչապետի հուշամեդալ (2010),
• ՀՀ կրթության ու գիտության նախարարության ոսկե մեդալ (2005)։
• ՀՀ ոստիկանության «Համագործակցության ամրապնդման համար» մեդալ (2005)։