Դեյմոս

Դեյմոս (հին հունարեն՝ Δείμος «սարսափ»), Մարսի երկու արբանյակներից մեկը^[1][2]։ Հայտնաբերվել է ամերիկյան աստղագետ Ասաֆ Հոլլի կողմից 1877 թվականին և անվանվել է հին հունական աստված Դեյմոսի անունով, պատերազմի աստված Արեսի որդի^[3][4]։

Անվան այլ կիրառումների համար տե՛ս՝ Դեյմոս (այլ կիրառումներ)

Դեյմոս (Deimos) Δείμος
Դեյմոսի լուսանկար կատարված Մարս Ռեքոնաիսանս Օրբիթեր ԱՄԿ-ից
Հիմնական տվյալներ
Հայտնաբերվել է	12 օգոստոս 1877 թ. (Ասաֆ Հոլլի կողմից)
Հեռավորությունը Մարսից	23 458 կմ
Ուղեծրային տվյալներ
Մեծ կիսաառանցք	23 458 կմ
Էքսցենտրիսիտետ	0,0002
Սիդերիկ պարբերություն	1,26244 օր
Ուղեծրային արագություն	1,35 կմ/վ
Թեքվածություն	0,93° (Մարսի հասարակածի նկատմամբ)
Ֆիզիկական հատկանիշներ
Շառավիղ	6,2 կմ
Զանգված	1,48 × 1015 կգ
Միջին խտություն	1,471 գ/սմ³
Հասարակածային մակերևութային ձգողություն	0,0039 մ/վ²
2-րդ տիեզերական արագություն	5,6 մ/վ
Պտույտի պարբերություն	սինքրոն
Առանցքի թեքում	0°
Ալբեդո	0,068
Մթնոլորտային տվյալներ

Նկարագրություն

Դեյմոսը պտտվում է Մարսի կենտրոնից 6,96 շառավղի հեռավորության վրա, և կատարում է մեկ պտույտ մոլորակի շուրջ 30 ժամ 17 րոպե 55 վայրկյանում^[5][6]։ Այն պտտվում է սեփական առանցքի շուրջ նույն արագությամբ ինչպես և Մարսի շուրջ, այդ պատճառով միշտ շրջված է դեպի Մարսը նույն կողմով^[7][8]։ Դեյմոսի ուղեծիրը աստիճանաբար մեծանում է և նա հեռանում է Մարսից։ Դեյմոսը, ինչպես և Երկրի Լուսինը գտնվում է սինքրոն ուղեծրից բարձր, որը և բերում է նրա աստիճանաբար հեռանալուն մոլորակից։ Ֆոբոսը ի հակառակ դրան գտնվում է այդ ուղեծրից ներքև^[9], և աստիճանաբար մոտենում է Մարսին^[10][11][12]։