Զաք Էֆրոն

Զաքարի Դեյվիդ Ալեքսանդր Էֆրոն (անգլ.՝ Zachary David Alexander Efron, հոկտեմբերի 18, 1987(1987-10-18)^[1], Սան Լուիս Օբիսպո, Սան Լուիս Օբիսպո շրջան, Կալիֆոռնիա, ԱՄՆ), ամերիկացի դերասան, որը հայտնի է դարձել «Ավագ դպրոցի մյուզիքլ» ֆիլմաշարի, «Չարլի Սան-Կլաուդի կրկնակի կյանքը», «Հաջողակը», «Այդ անհարմար պահը», «Սրտի 128 զարկ րոպեում», «Հարևաններ։ Պատերազմի ճանապարհին», «Թեթև վարքով պապիկը» ֆիլմերում, ինչպես նաև «Հավերժական ամառ» հեռուստասերիալում իր կատարած դերերով։

Զաք Էֆրոն
Զաք Էֆրոնը 2012 թվականին
Ի ծնե անուն՝	Զաքարիա Դեյվիդ Ալեքսանդր Էֆրոն
Ծննդյան թիվ՝	հոկտեմբերի 18, 1987(1987-10-18)[1] (37 տարեկան)
Ծննդավայր՝	Սան Լուիս Օբիսպո, Կալիֆոռնիա, ԱՄՆ
Ազգություն՝	աշկենազի, գերմանական ծագումով ամերիկացի, իռլանդական ծագումով ամերիկացի, հոլանդա-ամերիկացի, Belgian Americans? և British Americans?
Քաղաքացիություն՝	ԱՄՆ
Մասնագիտություն՝	դերասան, երգիչ
Կարիերա՝	2002 թվականից մինչ օրս
Ուղղություն՝	Փոփ երաժշտություն
Պարգևներ՝	MTV Movie Award լավագույն դերակատարի համար և Հոլիվուդյան փառքի ծառուղու աստղ
IMDb։	ID 1374980

Կենսագրություն

Զաք Էֆրոնը ծնվել է 1987 թվականի հոկտեմբերի 18-ին էլեկտրակայանում աշխատող ինժեներ Դեյվիդ Էֆրոնի և Սթարլի Բասքեթի ընտանիքում։ Մեծացել է փոքր եղբոր՝ Դիլանի հետ, որը 5 տարով փոքր է Զաքից։ Զաք Էֆրոնը ունի հրեական արմատներ^[2][3]։

4 տարեկանից սկսած արդեն մասնակցել է դպրոցական թատրոնի ներկայացումներին։ 15 տարեկանից սկսած մասնակցություն է ունեցել հեռուստանկարահանումներին։ 2000-2001 թվականներին հաճախել է Ալլան Հենքոքի քոլեջին (անգլ.՝ Allan Hancock College) կից երաժշտական դպրոցը (անգլ.՝ Pacific Conservatory of the Performing Arts) Սանտա-Մոնիկայում^[4]։

2006 թվականին Կալիֆոռնիայի Արրոյո Գրանդե քաղաքում ավարտել է դպրոցը և ընդունվել է Լոս Անջելեսի Հարավային Կալիֆոռնիայի համալսարանը, սակայն հետաձգել է ուսումը նկարահանումների պատճառով։

Կարիերա

2002 թվականին Էֆրոնը՝ որպես հրավիրված դերասան, նկարահանվել է մի քանի հեռուստասերիալներում, այդ թվում՝ «Լուսատիտիկ», «Շտապ օգնություն» և «Պաշտպան»։ Նա կատարել է Քամերոն Բեյլի դերը «Հավերժական ամառ» հեռուստասերիալի մի քանի սերիաներում։ Ամենասկբից պլանավորվել էր, որ նրա կերպարը կլինի ժամանակավոր, բայց Էֆրոնի կերպարը դարձավ պարբերական։ «Հավերժական ամառ» հեռուստասերիալում նկարահանվելու հետ միաժամանակ նա նաև նկարահանվել է «C.S.I.: Հանցագործության վայր Մայամի», «Ջրային ոստիկանություն. Հատուկ ջոկատ», «Ամեն ինչ թիփ-թոփ է, կամ Զաքի ու Կոդիի կյանքի» և The Replacements հեռուստասերիալներում։ Երիտասարդ կատարողների մրցանակաբաշխության ժամանակ ներկայացվել է հեռուստաֆիլմում կատարած լավագույն դերակատարում անվանակարգում Supporting Young Actor մինի-սերիալում կատարած դերի համար^[5]։ 2005 թվականին նա կատարել է գլխավոր հերոսի դերը Hope Partlowի «Sick Inside» երգի տեսահոլովակում։

2005 թվականը դարձավ շրջադարձային Էֆրոնի կյանքում։ Disney Channel ընկերությունը քասթինգ հայտարարեց Քեննի Օրթեգի «Բարձրագույն դպրոցի մյուզիքլ» ֆիլմի գլխավոր դերի համար։ Զաքը կարդացել է երկխոսություն 16-ամյա Վանեսսա Հադջենսի հետ և ստացել է բասկետբոլի աստղ Թրոյ Բոլտոնի դերը։ Նա պետք է պարեր և երգեր, բայց այդ պահին Զաքն ընդամենը 18 տարեկան էր, և նրա ձայնը շարունակում էր փոխվել։ Որոշվեց Զաքի ձայնը համադրել երգիչ և դերասան Դրյու Սիլիի ձայնի հետ։

Զաք Էֆրոնը 2012 թվականին

2006 թվականին «Բարձրագույն դպրոցի մյուզիքլ» ֆիլմը թողարկվեց և մեծ հաջողություն ունեցավ^[2]։ Բնականաբար Դիսնեյ հեռուստաալիքը որոշեց ֆիլմի շարունակության նկարահանումները չհետաձգել, բայց Զաքը պայման դրեց, թե ինքը կնկարահանի շարունակությունում միայն այն դեպքում, եթե իրեն թույլ չտան ինքնուրույն երգել։

Ֆիլմի երկրորդ մասը՝ «Բարձրագույն դպրոցի մյուզիքլ։ Արձակուրդներ» ֆիլմը, ցույց տվեց, որ Զաքը հաջողությամբ է կատարել իր առաջադրանքը։ Ֆիլմի սաունդթրեքը դարձավ 2007 թվականի ամենավաճառվող սկավառակը։ Սայմոն Քոուելի ձայնագրման ընկերությունը առաջարկել է Զաքին ձայնագրել սկավառակ, բայց նա հրաժարվել է՝ ասելով, որ ուզում է կենտրոնանալ դերասանական կարիերայի վրա։

Այդ ժամանակ պրոդյուսերներն անցկացրել են քասթինգ «Մազերի լաք» Բրոդվեյական մյուզիքլի հիման վրա ֆիլմի նկարահանելու համար։ Զաքին հաստատեցին Լինկ Լարքինի դերում։ Այդ ֆիլմը Զաքին ճանաչում բերեց^[6]։

Հետագայում թողարկվել են ոչ պակաս հայտնի ֆիլմեր Զաք Էֆրոնի մասնակցությամբ, որոնցում նա կատարել է գլխավոր դերեր. դրանք են՝ «Ես և Օրսոն Ուելլսը», «Հայրիկը կրկին 17 տարեկան է», «Չարլի Սան-Կլաուդի կրկնակի կայնքը», «Հաջողակը» և այլն։

Անձնական կյանք

2008 թվականին զբաղեցրել է 92-րդ հորիզոնականը (անգլերեն) Forbes ամսագրում 5,8 միլիոն դոլլար աշխատավարձով^[7]։

People ամսագիրը 2007 թվականին հրապարակել է տեղեկություն այն մասին, որ Էֆրոնը և Վանեսա Հադջենսը սկսել են հանդիպել 2005 թվականին՝ High School Musical ֆիլմի նկարահանումների ժամանակ^[8][9][10], զույգը բաժանվել է 2010 թվականի դեկտեմբերին^[11]։

2013 թվականին Զաք Էֆրոնը բուժվել է ալկոհոլիզմից և տոքսիկոմանիայից^[12]։

Ֆիլմագրություն

Տարի		Հայերեն անվանում	Բնօրինակ անվանում	Դեր
2002	ս	Լուսատիտիկ	Firefly	Երիտասարդ Սայմոն Թեմ
2003	ֆ	Կարլ Լեմկեի շատ մեծ աշխարհը	The Big Wide World of Carl Laemke	Փիթ Լեմկե
2003	ս	Շտապ օգնություն	Emergency Room	Բոբբի Նևիլ
2004	ֆ	Եռակի խաղ	Triple Play	Հարրի Ֆուլլեր
2004	ս	Պաշտպան	The Guardian	Լյուկ Տոմելո
2004	ֆ	Հիասքանչ վազք	Miracle Run	Սթիվեն Մորգան
2004-2005	ս	Հավերժական ամառ	Summerland	Քամերոն Բեյլ
2005	ս	C.S.I.:Հանցագործության վայր Մայամի	CSI: Miami	Սեթ Դոուսոն
2005	ֆ	Նժույգ Դերբի	The Derby Stallion	Պատրիկ Մաքարդլ
2006	ֆ	Եթե այստեղ ապրեիր, հիմա տանը կլինեիր	If You Lived Here, You'd Be Home Now	Կոդի
2006	ս	Ծովային ոստիկանություն։ Հատուկ ջոկատ	Navy NCIS: Naval Criminal Investigative Service	Դեննի
2006	ֆ	Ավագ դպրոցի մյուզիքլ	High School Musical	Թրոյ Բոլտոն
2006	ս	Ամեն ինչ թիփ-թոփ է, կամ Զաքի և Կոդիի կյանքը	The Suite Life of Zack and Cody	Թրևոր
2006	ս	Կողոպուտ	Heist	Պիցցա առաքող տղա
2006	մֆ	Դավաճանություն	The Replacements	Դեյվի Հանքերհոֆֆ
2007	ֆ	Մազերի լաք	Hairspray	Լինկ Լարքին
2007	ֆ	Ավագ դպրոցի մյուզիքլ։ Արձակուրդներ	High School Musical 2	Թրոյ Բոլտոն
2008	ֆ	Ես և Օրսոն Ուելլսը	Me and Orson Welles[13]	Ռիչարդ Սեմյուելս
2008	ֆ	Ավագ դպրոցի մյուզիքլ։ Ավարտական երեկո	High School Musical 3: Senior Year	Թրոյ Բոլտոն
2009	ֆ	Հայրիկը կրկին 17 տարեկան է	17 Again	Մայք Օ’Դոննելը 17 տարեկանում
2010	ֆ	Չարլի Սան-Կլաուդի կրկնակի կյանքը	Charlie St. Cloud	Չարլի Սան-Կլաուս
2011	ֆ	Հին Նոր տարի	New Year’s Eve	Փոլ
2011	ֆ	Հաջողակը	The Lucky One	Լոգան Թիբո
2012	ֆ	Լրագրավաճառ	The Paperboy	Ջեք Ջենսեն
2012	մֆ	Լորաքս	Dr. Seuss’ The Lorax	Թեդ
2012	ֆ	Հումանիտար գիտություններ	Liberal Arts	Նեյտ
2012	ֆ	Ամեն գնով	At Any Price	Դին Ուիփլ
2013	ֆ	Փարքլենդ	Parkland	Ջիմ Կարրիկո
2014	ֆ	Հարևանները	Neighbors	Թեդի Սանդերս
2014	ֆ	Այդ անհարմար պահը	That Awkward Moment	Ջեյսոն
2015	ֆ	Րոպեում սրտի 128 զարկ	We Are Your Friends	Կոուլ Քարթեր
2016	ֆ	Թեթև վարքով պապիկը	Dirty Grandpa	Ջեյսոն Քելլի
2016	ֆ	Հարսանեկան խեղդոց	Mike and Dave Need Wedding Dates	Դեյվ Սթանգլ
2016	ֆ	Հարևաններ։ Կռվի ճանապարհին 2	Neighbors 2: Sorority Rising	Թեդի Սանդերս
2017	ֆ	Երկրի ամենալավ շոումենը	The Greatest Showman on Earth	Ֆիլիպ

Սկավառակագրություն

Զաք Էֆրոնի ձայնագրություններից ընդգրկվել են հետևյալ ֆիլմերի սաունդթրեքներում.

• 2007: «Մազերի լաք» — 2 երգ։
• 2007: «Բարձրագույն դպրոցի մյուզիքլ 2» — 8 երգ։
• 2009: «Բարձրագույն դպրոցի մյուզիքլ 3» — 10 երգ։
• 2009: «Ես և Օրսոն Ուելլսը» — 1 երգ։

Մրցանակներ

2006 թվական

• Artios Award: Լավագույն մանկական ֆիլմ («Ավագ դպրոցի մյուզիքլ»)
• Billboard Music Award: Տարվա լավագույն սաունդթրեք («Ավագ դպրոցի մյուզիքլ»)
• Emmy Award: Երևելի ֆիլմ երեխաների համար («Ավագ դպրոցի մյուզիքլ»)
• Teen Choice Award: Տարվա հայտնություն («Զաք Էֆրոն»)
• Teen Choice Award: Էկրանային քիմիա («Վանեսա Հադջենս և Զաք Էֆրոն»)
• Teen Choice Award: Լավագույն կատակերգական/երաժշտական շոու («Ավագ դպրոցի մյուզիքլ»)
• Television Critics Association Award: Երևելի հաջողություններ մանկական ծրագրերի շրջանակում («Ավագ դպրոցի մյուզիքլ։ Արձակուրդներ»)
• Hollywood Film Festival & Hollywood Award: Լավագույն թիմ կատակերգությունից/մյուզիքլից («Մազերի լաք»)
• Nickelodeon’s Australian Kids’ Choice Award: Լավագույն կինոդերասան («Զաք Էֆրոն»)
• Nickelodeon’s Australian Kids’ Choice Award: So Hot Right Now («Ավագ դպրոցի մյուզիքլ։ Արձակուրդներ»)
• Nickelodeon’s UK Kids’ Choice Award: Լավագույն հեռուստադերասան («Զաք Էֆրոն»)
• Teen Choice Award: Ամենակրոքտ տղա («Զաք Էֆրոն»)
• Teen Choice Award: Տարվա լավագույն ֆիլմ («Մազերի լաք»)
• Teen Choice Award: Լավագույն հեռուստաֆիլմ («Ավագ դպրոցի մյուզիքլ։ Արձակուրդներ»)
• Young Hollywood Award: One To Watch («Զաք Էֆրոն և Նիքի Բլոնսկի»)

2008 թվական

• Critics Choice Award: Լավագույն երգ ֆիլմից «Մազերի լաք» («Come So Far»)
• MTV Movie Award: Տարվա հայտնություն («Մազերի լաք»)

2009 թվական

• MTV Movie Award: Լավագույն տղամարդու դեր («Ավագ դպրոցի մյուզիքլ։ Ավարտական երեկո»)
• Teen Choice Awards: Տղամարդու լավագույն դեր երգի/պարի համար («Ավագ դպրոցի մյուզիքլ։ Ավարտական երեկո»)
• Teen Choice Awards: Տղամարդու լավագույն կատակերգական դեր («Հայրիկը կրկին 17 տարեկան է»)
• Teen Choice Awards: Rockstar պահ («Հայրիկը կրկին 17 տարեկան է»)

2011 թվական

• People’s Choice Awards: Սիրված կինոդերասան (մինչ 25 տարեկան) («Զաք Էֆրոն»)

2012 թվական

• Teen Choice Awards: Լավագույն դրամատիկ դերասան («Հաջողակը»)
• Teen Choice Awards: Մելոդրամայի դերասան («Հաջողակը»)
• Teen Choice Awards: Լավագույն դրամա («Հաջողակը»)

2013 թվական

• People’s Choice Awards: Լավագույն դրամատիկ դերասան («Հաջողակը (ֆիլմ, 2012)»)

2014 թվական

• MTV Movie Awards: Լավագույն տեսարան առանց վերնաշապիկի («Այդ անհարմար պահը»)