Թհիմփհու

Թհիմփհու կամ Թիմփու (ձոնգքհա լեզվով՝ ཐིམ་ཕུ, տիբեթերեն՝ ཐིམ་ཕུག་), Բութանի մայրաքաղաք և խոշորագույն քաղաք^[2][3]։ Հնագույն ժամանակներից համարվում էր Թհիմփհու պատմական նահանգի մայրաքաղաք։

Քաղաք
Թհիմփհու
ཐིམ་ཕུ་
Երկիր	Բութան
Ենթարկում	Մայրաքաղաք
Համայնք	Thimphu District?
Հիմնադրված է	1955 թ.
Մակերես	27 կմ²
ԲԾՄ	2400 մ
Բնակչություն	▲114 551 մարդ (2017)[1]
Ժամային գոտի	UTC+6
Հեռախոսային կոդ	232, 233 և 234
Պաշտոնական կայք	thimphucity.bt
Թհիմփհու (Բութան)
Թհիմփհու Վիքիպահեստում

Քաղաքի բնակչությունը 2005 թվականի մարդահամարի տվյալներով կազմել է 79 185 մարդ, իսկ 2012 թվականի տվյալներով՝ 99 021 մարդ^[4]։ Գտնվում է Արևելյան Հիմալայներում, Չինչու գետի (Բրահմապուտրայի ավազան) ափին, ծովի մակարդակից 2400 մ բարձրության վրա։

Պետության կենտրոն

Թհիմփհու քաղաքի տեսարանը տիեզերքից

Տաշիչո ամրոցը կառուցվել է XIII դարում որպես մենաստան, վերակառուցվել է 1960-ական թվականներին, 1952 թվականից այստեղ գտնվում է երկրի կառավարությունը։ Ամռանը այստեղ նաև գտնվում է երկրի կրոնական առաջնորդ Ջե Քհենպոն։ Թագավորը՝ Ջիգմե Սինգյե Վանգչուկը այստեղ նույնպես աշխատասենյակ ունի։

Դեչենչոլինգ պալատը, որը համարվում է թագավորի պաշտոնական նստավայրը, գտնվում է Թհիմփհուից դեպի հյուսիս, քաղաքից ոչ հեռու գտնվում են նաև Տանգո, Չերի մենաստանները։

Թհիմփհուն համարվում է կառավարության, խորհրդարանի և գործադիր իշխանությունների մարմինների գտնվելու վայրը։ Այստեղ են գտնվում նաև դիվանագիտական ներկայացուցչությունները, ՄԱԿ-ի կազմակերպությունները և այլ ոչ կառավարական կազմակերպություններ։

Տուրիզմ

Թհիմփհու քաղաքում կենտրոնացված են երկրի հյուրանոցների մեծ մասը։ Զբոսաշրջիկները քաղաք հիմնականում այցելում են աշնանը՝ Ցեչու փառատոնի ժամանակ։

Ազգային հագուստ (Բութան)

Քաղաքի և դրա արվարձանների տեսարժան վայրեր

Թհիմփհուի Տանգո մենաստանը

• Թհիմփհու-չորթեն՝ Երրորդ Թագավոր Ջիգմե Դորջի Վանգչուկի հուշային չորթենը
• Ավանդական թղթի արտադրության մանուֆակտուրա
• Բութանի տեքստիլի թանգարան
• Բութանի Ազգային գրադարան
• Կանանց բուդդայական մենաստան
• Կիրառական արվեստի կենտրոն
• Ձոնգ Տաշիչո (ամրոց և կառավարության նստավայր)
• Շաբաթական շուկա
• Ձոնգ Սիմտոկխա՝ այժմ բուդդայական համալսարան։ Կառուցվել է Շամբդրունգի կողմից, որպես XVII դարի ամրոց։

Կլիմա

Կլիման մերձարևադարձային մուսոնային է։ Ձմռանը մայրցամաքի կողմից փչում է չոր քամի, ընդ որում սառը զանգվածների տեղափոխությանը կանխում են լեռները։ Արդյունքում ձմռանը դիտվում են օրական ջերմաստիճանի մեծ տատանումներ (գիշերները լինում են սառնամանիքներ, սակայն ցերեկը ջերմաստիճանը կարող է լինել +15 °C և ավելի), իսկ տեղումները քիչ են լինում։ Ամռանը Հնդկական օվկիանոսի կողմից քամի է փչում՝ իր հետ բերելով առատ տեղումներ։

Թհիմփհու, Բութանի կլիմայական տվյալները
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	Տարի
Ռեկորդային բարձր °C (°F)	20.6 (69.1)	21.8 (71.2)	23.1 (73.6)	26.2 (79.2)	28.2 (82.8)	29.5 (85.1)	30.0 (86)	29.8 (85.6)	27.4 (81.3)	26.1 (79)	24.3 (75.7)	20.0 (68)	30 (86)
Միջին բարձր °C (°F)	12.3 (54.1)	14.4 (57.9)	16.4 (61.5)	20.0 (68)	22.5 (72.5)	24.4 (75.9)	24.9 (76.8)	25.0 (77)	23.1 (73.6)	21.9 (71.4)	17.9 (64.2)	14.5 (58.1)	19.78 (67.58)
Միջին օրական °C (°F)	4.9 (40.8)	7.5 (45.5)	10.2 (50.4)	13.6 (56.5)	17.8 (64)	19.8 (67.6)	20.2 (68.4)	20.4 (68.7)	19.1 (66.4)	16.2 (61.2)	11.5 (52.7)	6.7 (44.1)	13.6 (56.5)
Միջին ցածր °C (°F)	−2.6 (27.3)	0.6 (33.1)	3.9 (39)	7.1 (44.8)	13.1 (55.6)	15.2 (59.4)	15.4 (59.7)	15.8 (60.4)	15.0 (59)	10.4 (50.7)	5.0 (41)	−1.1 (30)	8.0 (46.4)
Ռեկորդային ցածր °C (°F)	−21.0 (−5.8)	−19.6 (−3.3)	−12.8 (9)	−5.4 (22.3)	0.6 (33.1)	4.5 (40.1)	7.0 (44.6)	6.1 (43)	2.4 (36.3)	−3.2 (26.2)	−9.1 (15.6)	−14.5 (5.9)	−21 (−5.8)
Տեղումներ մմ (դյույմ)	25 (0.98)	33 (1.3)	31 (1.22)	58 (2.28)	122 (4.8)	246 (9.69)	373 (14.69)	345 (13.58)	155 (6.1)	38 (1.5)	8 (0.31)	13 (0.51)	1427 (56,18)
աղբյուր: {{{աղբյուր 1}}}

Քաղաքում ծնվել են

Բութանի թագավոր Ջիգմե Սինգյե Վանգչուկը ծնվել է Թհիմփհու քաղաքում։

Թհիմփհու քաղաքի համայնապատկերը