Լիբերիոս (Հռոմի պապ)

Լիբերիոս (լատին․՝ Liberius, մոտ 310, Հռոմ, Հռոմեական կայսրություն^[1] - սեպտեմբերի 24, 366, Հռոմ, Հռոմեական կայսրություն), Հռոմի պապ 352 թ. մայիսի 17-ից մինչև 366 թվականի սեպտեմբերի 24-ը։

Լիբերիոս
Մասնագիտություն	կաթոլիկ քահանա և գրող
Ծնունդ	մոտ 310 Հռոմ, Հռոմեական կայսրություն[1]
Մահ	սեպտեմբերի 24, 366 Հռոմ, Հռոմեական կայսրություն

Հարաբերությունները արիոսականների հետ

Մազոլինո:Լիբերիոս պապը հիմնում է Սանտա Մարիա Մաջորե բազիլիկան

Սուրբ Լիբերիոսը (ըստ ռուսական ավանդույթի՝ Լիբերիոս Խոստովանահայր) հայտնի է դարձել որպես արիոսականության դեմ պայքարող մարտիկ։ Նա գահընկեց է արվել կայսր Կոստանդիոս II–ի կողմից, քանի որ հրաժարվել է ստորագրել Միլանի եկեղեցաժողովի՝ Աթանաս Ալեքսանդրացուն դատապարտող որոշումը, աքսորվել է Թրակիա, իսկ նրա փոխարեն նշանակվել է ավելի ուշ հակապապ հռչակված Փելիքս II-ը։ Արդյունքում՝ Լիբերիոսը համաձայնել է դատապարտել Աթանաս Մեծին, ստորագրել է իմաստային առումով արիոսականությանը մոտ հավատո հանգանակը^[2]։ Նա նաև դարձել է Փելիքսի իշխանակիցը^[3]։ Հռոմ վերադառնալուց հետո Լիբերիոսը շարունակել է պայքարը։ Ավելի ուշ Աթանասը հաշտվեց Լիբերիոսի հետ։ Հետագայում սրբադասվել է ուղղափառ Արևելքում, բայց երբեք փառքի չի արժանացել կաթոլիկների կողմից։

Մշակույթ

Լիբերիոսի օրոք կազմվել է հռոմեական եպիսկոպոսների առաջին ռեեստրը և քրիստոնեական նահատակների պաշտոնական ցուցակը։ 352 թվականին կառուցվել է Սանտա Մարիա Մաջորեն։ Լեգենդի համաձայն՝ Լիբերիոս պապը ամռանը երազ է տեսնում, որում Աստվածամայրը հրամայել է իրեն շենքը կառուցել այնտեղ, ուր առավոտյան ձյուն դրած լինի։