Լինդա Փերրի

Լինդա Փերրի (անգլ. Linda Perry, ապրիլի 15, 1965(1965-04-15), Սփրինգֆիլդ, Մասաչուսեթս, ԱՄՆ), ամերիկացի ռոք կատարող, երգահան և երաժշտական պրոդյուսեր, ով իր առաջին հաջողություններին հասել է 4 Non Blondes խմբում։ Խմբից հեռանալուց հետո Փերրին ձևավորել է երկու ձայնագրող լեյբլ և գրել է մի քանի հայտնի հիթեր, մասնավորապես Գվեն Ստեֆանիի («What Are You Waiting For»), Փինքի («Get the Party Started»), Քրիստինա Ագիլերայի («Beautiful») համար։

Լինդա Փերրի
Հիմնական տվյալներ
Բնօրինակ անուն	անգլ.՝ Linda Perry
Ծնվել է	ապրիլի 15, 1965(1965-04-15) (60 տարեկան) Սփրինգֆիլդ, Մասաչուսեթս, ԱՄՆ
Երկիր	ԱՄՆ
Ժանրեր	ռոք և ալտերնատիվ ռոք
Մասնագիտություն	երգչուհի, կոմպոզիտոր, երգերի հեղինակ, երաժշտական պրոդյուսեր, կիթառահար և հեղինակ-կատարող
Երգչաձայն	կոնտրալտո
Գործիքներ	կիթառ և վոկալ
Լեյբլ	Custard Records?, Interscope Records, Kill Rock Stars?, Rockstar Records? և Atlantic Records
Անդամակցություն	Deep Dark Robot?
Կապված	4 Non Blondes
Ամուսին	Սառա Գիլբերտ
Linda Perry Վիքիպահեստում

Կենսագրություն

Երիտասարդ տարիներ

Ծնվել է 1965 թվականի ապրիլի 15-ին Մասաչուսեթս նահանգի Սփրինգֆիլդ քաղաքում։

21 տարեկանում նա Սան Դիեգոյից տեղափոխվել է Սան Ֆրանցիսկո, որտեղ անցկացրել է իր մանկությունը, և սկսել իր երաժշտական կարիերան։

4 Non Blondes

Հիմնական հոդված՝ 4 Non Blondes

1989 թվականին ձևավորվել է 4 Non Blondes խումբը, որի կազմում էին՝ Փերրին, բաս կիթառահար Քրիստա Հիլհաուսը (Christa Hillhouse), Շոննա Հոլը (Shauna Hall) Վանդա Դեյը (Wanda Day)։

1992 թվականին թողարկվել է դեբյուտային՝ Bigger, Better, Faster, More! ալբոմը, որը իր մեջ ներառում է «What’s Up?» հիթը։ Երկու տարի անց Փերրին լքել է խումբը։

Անձնական կյանք

Փերրին բացահայտ լեսբուհի է։

2014 թվականի մարտի 30-ից ամուսնացել է դերասանուհի Սառա Գիլբերտի հետ, ում հետ նա մինչ ամուսնությունը երկու տարի հանդիպել է^[1]։ Ամուսինները որդի ունեն՝ Ռոդս Էմիլիո Գիլբերտ Փերրի (ծնվ. փետրվարի 28, 2015, ի ծնե՝ Գիլբերտ)։ 2019 թվականի դեկտեմբերի 27-ին Գիլբերտը հայցել է Փերիի հետ իրավական հարաբերությունների դադարեցման մասին հինգ տարվա ամուսնությունից հետո՝ նշելով նույն տարվա օգոստոսի 13-ին բաժանման ամսաթիվը, իսկ բաժանման պատճառը «անհաշտ անհամաձայնություններն» են^[2]։

Սկավառակագրություն

4 Non Blondes

• Bigger, Better, Faster, More! (1992)
• Dear Mr. President (Live in Italy) (1993-1994)

Deep Dark Robot

• 8 Songs About a Girl (2011)

Սոլո աշխատանքներ

Ալբոմներ

• In Flight (1996)
• After Hours (1999)
• In Flight (2005, վերաթողարկում)

Սաունդթրեքեր

«Ագռավը։ Հրեշտակների քաղաք» (1996), Hollywood Records (Օգոստոսի 30, 1996)

• «Knock Me Out», Լինդա Փերրի