Կամո Նիգարյան

Կամո Նիգարյան (1950, Գյոյգյոլ, Ադրբեջանական ԽՍՀ, ԽՍՀՄ - դեկտեմբերի 23, 2011(2011-12-23), Երևան, Հայաստան), նկարիչ, դիզայներ, լուսանկարիչ։

Կամո Նիգարյան
Ի ծնե	Կամո Նիգարյան
Ծնվել է	1950
Ծննդավայր	Գյոյգյոլ, Ադրբեջանական ԽՍՀ, ԽՍՀՄ
Վախճանվել է	դեկտեմբերի 23, 2011(2011-12-23)
Մահվան վայր	Երևան, Հայաստան
Ազգություն	հայ
Քաղաքացիություն	ԽՍՀՄ և  Հայաստան
Կրթություն	Երևանի պետական գեղարվեստա-թատերական ինստիտուտ (1973)
Մասնագիտություն	նկարիչ

Կենսագրություն

Կամո Նիգարյանը ծնվել է 1950 թվականին Ադրբեջանի Խանլար (Ելենենդորֆ) քաղաքում^[1]։ 1973 թվականին ավարտել է Երևանի գեղարվեստա-թատերական ինստիտուտը։ Երաժշտությունը եղել է նրա ինքնարտահայտման և որոնման ձևերից մեկը և 1970-ականներին Նիգարյանը հիմնել է «Սարդեր» ռոք խումբը։

Ձևավորել է Գյումրու Մերկուրովի թանգարանը, «Ձիթողցենց տունը», Երևանի «Մոնումենտի», «Հեղափոխության», Եղիշե Չարենցի թանգարանները^[2]։

Ստեղծագործական ուղի

Կամո Նիգարյանը համարվում է ֆիգուրատիվ արվեստի կամ տրանս-ավանգարդիա շարժման հայաստանյան ներկայացուցիչ։ Շարժումը ներառում է բոլոր այն արվեստի գործերը, որոնք պահպանում են իրականության հետ նմանությունը։

Անհատական ցուցահանդեսներ

• 1967 թվականին Պուշկինի անվան դպրոց, Երևան, Հայաստան
• 2001 թվականին Հայաստանի նկարիչների միություն
• 2010 թվականին Երևանի ժամանակակից արվեստի թանգարան^[3]
• 2012 թվականին «Նախակերպեր», Երևանի ժամանակակից արվեստի թանգարան^[4]
• 2015 թվականին «Կամո Նիգարյան. Շիզոպոլիս», Գաֆեսճյան արվեստի կենտրոն, Երևան^[5][6]

Մեջբերումների Կամո Նիգարյանից

Մեր հիշողությունների վերահսկմանը ենթակա է միայն ու միայն անցյալը … Գիտակցությամբ է սրբագրվում հիշողությունը…Եվ գիտակցության ուրվագծերն են որոշարկում մեր ճամփորդության երթուղին … Ճամփորդեք ձեր հիշողության ալիքներով։ Շուռ բերեք ձեր ներսը։ Հակառակ դեպքում չեք կարողանա ինքներդ ձեզ հակադրել իրականությանը։ Հնարավոր է, որ սա տխուր իրողություն է, բայց՝ փաստ։

Արվեստը պիտի վրդովմունք առաջացնի, դա է սկիզբների սկիզբը։