Նորայր Սահակյան

Նորայր Արտաշեսի Սահակյան (հոկտեմբերի 7, 1987(1987-10-07) կամ հուլիսի 9, 1987(1987-07-09)^[1], Երևան, Հայկական ԽՍՀ, ԽՍՀՄ), հայ ֆուտբոլիստ, կիսապաշտպան։ Հանդես է գալիս Հայաստանի Պրեմիեր լիգայի «Ալաշկերտ» ակումբում։

Վիքիպեդիայում կան հոդվածներ Սահակյան ազգանունով այլ մարդկանց մասին։

Նորայր Սահակյան
Անձնական տվյալներ
Քաղաքացիությունը	Հայաստան
Ծննդյան ամսաթիվ	հոկտեմբերի 7, 1987(1987-10-07) (37 տարեկան) կամ հուլիսի 9, 1987(1987-07-09)[1] (38 տարեկան)
Ծննդավայր	Երևան, Հայկական ԽՍՀ, ԽՍՀՄ
Դիրք	ձախ կիսապաշտպան
Ակումբային տեղեկություններ
Ներկա ակումբ	Ալաշկերտ
Մասնագիտական կարիերա*
Տարի	Ակումբ	Խաղ	(Գոլ)
2004-2009 Փյունիկ 86 (5) 2004-2008 Փյունիկ-2 34 (2)[2] 2010-2014 Ուլիս 107 (8) 2014— Ալաշկերտ 10 (0)
Ազգային հավաքական
2005 Հայաստան (մինչև 19) 2 (0) 2006-2008 Հայաստան (մինչև 21) 5 (0) 2008 Հայաստան 3 (0)
* Մասնագիտական կարիերայում ընդգրկված են միայն առաջնության խաղերը և գոլերը  ըստ 1.12.2014:

Ակումբային կարիերա

Նորայր Սահակյանը «Փյունիկ» ֆուտբոլային ակումբի սան է։ 2004 թվականին սկսել է խաղալ ակումբի երիտասարդական թիմում, իսկ հաջորդ մրցաշրջանում Սահակյանը թիմի հիմնական կազմում նշել է իր նորամուտը Պրեմիեր լիգայում։ «Փյունիկում» խաղացել է ընդհուպ մինչև 2009 թվականը։ Հանդես է եկել հաջողությամբ, ինչի մասին վկայում են առաջնությունում նվաճված ոսկե մեդալները, գավաթի ու սուպերգավաթի խաղարկություններում նվաճված տիտղոսները։ Մինչևն 2009 թվականը շատ է խաղացել հիմնական կազմում, իսկ ահա 2009 թվականին իրավիճակը փոխվել է, և Սահակյանը կորցրել է տեղը հիմնական կազմում՝ դուրս գալով փոխարինման։ Արդյունքում առաջնության ավարտից հետո Նորայր Սահակյանը և Արտակ Անդրիկյանը ներկայացվել են տրանսֆերի^[3]։ Մի քանի շաբաթ հետո Երևանի «Ուլիս» ակումբի ղեկավարությունը խաղացողներին առաջարկել է պայմանագիր կնքել, որտեղ երկուսն էլ անցկացնում էին իրենց մարզումները^[4]։ Առաջնության կեսերին՝ «Միկայի» դեմ խաղից հետո, որտեղ Սահակյանը դուրս է եկել խաղադաշտ հանդիպման 46-րդ րոպեին, ճնշման խնդիրների պատճառով Սահակյանը կորցրել է գիտակցությունը։ Հետագայում հայտնի է դարձել, որ Սահակյանն ապաքինվել է և հիվանդանոցից վերադարձել տուն^[5]։ 2010 թվականի մրցաշրջանի ավարտից հետո հերթական անգամ պայմանագիր է կնքել ակումբի հետ^[6]։

Ձեռքբերումներ

• «Փյունիկ»
  • Հայաստանի չեմպիոն – 2005, 2006, 2007, 2008, 2009
  • Հայաստանի գավաթակիր – 2009
  • Հայաստանի գավաթի խաղակության եզրափակչի մասնակից – 2006
  • Հայաստանի Սուպերգավաթի դափնեկիր – 2006, 2007
  • Հայաստանի սուպերգավաթի խաղարկության եզրափակչի մասնակից – 2008, 2009
• «Ուլիս»
  • Հայաստանի չեմպիոն – 2011
  • Հայաստանի առաջնության բրոնզե մեդալակիր – 2010