Շահեն Խաչատրյան

Շահեն Գևորգի Խաչատրյան (սեպտեմբերի 28, 1934(1934-09-28), Հալեպ, Սիրիա - հոկտեմբերի 22, 2021(2021-10-22)^[1]), հայ արվեստաբան, ՀԽՍՀ արվեստի վաստակավոր գործիչ (1984)։

Վիքիպեդիայում կան հոդվածներ Խաչատրյան ազգանունով այլ մարդկանց մասին։

Շահեն Գևորգի Խաչատրյան
Ծնվել է	1934, սեպտեմբերի 28
Ծննդավայր	Հալեպ
Մահացել է	հոկտեմբերի 22, 2021(2021-10-22)[1] (87 տարեկան)
Քաղաքացիություն	Հայաստան
Կրթություն	Սանկտ Պետերբուրգի գեղարվեստի ակադեմիա
Մասնագիտություն	արվեստագետ և gallerist
Զբաղեցրած պաշտոններ	թանգարանի տնօրեն
Պարգևներ և մրցանակներ	և
Shahen Khachatryan Վիքիպահեստում

Կենսագրություն

Շահեն Խաչատրյանը ծնվել է 1934 թվականին Հալեպում։ 1946 թվականին հայրենադարձել է։ 1965 թվականին ավարտել է Լենինգրադի գեղանկարչության, քանդակագործության և ճարտարապետության ինստիտուտը։ 1959 թվականից աշխատել է Հայաստանի ազգային պատկերասրահում, 1991-2003 թվականներին՝ տնօրեն, 1967-2004 թվականներին միաժամանակ՝ Մարտիրոս Սարյանի տուն-թանգարանի տնօրեն, 2004 թվականից՝ փոխտնօրեն, 1987 թվականից՝ Մշակույթի հայկական ֆոնդի փոխնախագահ։

Աշխատություններ

Գրքեր

• «Պետրոս Կոնտուրաճյան», 1965:
• «Մարդը բնություն է, բնությունը՝ մարդ», 1970:
• «Ֆրանսահայ կերպարվեստ», 1991^[2]:
• «Մինաս Ավետիսյան», 1990, ռուսերեն։
• Այվազովսկի, ԱՄՆ, Ռոս Ավետիսյան, 2013, 120 էջ^[3]։
• Մարտիրոս Սարեան, Վրձնի հայ վարպետներ^[4]։
• Թանգարանի զինվորը։ Նկարահավաքի պատմություններ։ Պրինտ ինֆո, 2014, 287 էջ^[5]։
• Вардгес Суренянц, 2014, 111 էջ^[6]։
• Акоп Овнатанян, Պրինտ ինֆո, 2015, 91 էջ^[7]։

Շահեն Խաչատրյանը Ասիլվայի ցուցահանդեսին, Երևանի ժամանակակից արվեստի թանգարան

Ալբոմներ

• «Մարտիրոս Սարյան» (1980, ֆրանսերեն, 1987, ռուսերեն, 2000, անգլերեն)
• «Սարյան. ծաղիկներ» (1987, ռուսերեն)
• «Հովհաննես Այվազովսկի» (1989, ռուսերեն)
• «XIX- XX դարերի հայ նկարիչներ» (1993, հայերեն, ֆրանսերեն, անգլերեն)
• «Մինաս Ավետիսյան» (1996, անգլերեն)
• «Հակոբ Հակոբյան» (1998, անգլերեն)
• «Ծովի երգը» («Հայ ծովանկարիչներ», 1996, ֆրանսերեն)
• «Ռաֆայել Աթոյան» (1999, անգլերեն),
• «Հովհաննես Այվազովսկի. ծանոթ և անծանոթ» (2000, ռուսերեն, անգլերեն)
• «Պետրոս Կոնտուրաջյան» (2004)

Կազմակերպել է հայ կերպարվեստի ցուցահանդեսներ տարբեր երկրներում։ Խաչատրյանի ջանքերով հայ մշակույթի բազմաթիվ արժեքներ հանգրվանել են հայրենիքում։

Մրցանակներ

1996 թվականին պարգևատրվել է ՀՀ Մովսես Խորենացու մեդալով^[8], հետագայում՝ Հայ Առաքելական Եկեղեցու «Սուրբ Սահակ-Սուրբ Մեսրոպ» շքանշանով^[9]։ 1999 թվականին արժանացել է Գյումրու պատվավոր քաղաքացի կոչմանը^[10]։