Ջո Մանգանելո

Ջո Մանգանելո (անգլ.՝ Joe Manganiello, դեկտեմբերի 28, 1976(1976-12-28), Փիթսբուրգ, Փենսիլվանիա, ԱՄՆ^[2]), ամերիկացի դերասան։

Ջո Մանգանելո
Ծնվել է	դեկտեմբերի 28, 1976 (48 տարեկան)
Ծննդավայր	Պիտսբուրգ, Փենսիլվանիա, ԱՄՆ
Կրթություն	Mt. Lebanon School District?, Փիթսբուրգի համալսարան, Քարնեգի Մելոն համալսարան (2000) և Լիբանանի լեռան միջնակարգ դպրոց
Քաղաքացիություն	ԱՄՆ և  Իտալիա
Կրոն	քրիստոնեություն
Մասնագիտություն	Դերասան
Ակտիվ շրջան	1999-ից սկսած
Ամուսին(ներ)	Սոֆյա Վերգարա[1]
evolution359.com

Կենսագրություն

Ջո Մանգանելոն ծնվել է 1976 թվականի դեկտեմբերի 28-ին Պիտսբուրգում, Փենսիլվանիա։ Նա մեծացել է քաղաքի հարավում գտնվող Մաունթ Լիբանան արվարձանում։ Նա իր ծնողներ՝ Սյուզանի և Չարլզ Ջոնի երկու երեխաներից ամենամեծն է։ Մանգալենոյի հայրը իտալացի է, իսկ մայրը խորվաթական, ավստրիական և հայկական արմատներ ունի։

Մանգանելոն իր նախնական կրթությունը ստացել է Սանկ Բերնարդի դպրոցում, որից հետո նա հաճախել է Մաունթ Լիբանանի ավագ դպրոց և 1995 թվականին նա այն ավարտում է գերազանցությամբ։

Մանգանելոն իր դերասանական կարիերան սկսել է 1999 թվականին, երբ գրելով սցենար «Խիզախությունից դուրս 2։ Վրեժից դուրս» ֆիլմի համար, հենց այդ ֆիլմում էլ առաջին անգամ նկարահանվում է որպես հեռուստատեսային դերասան։ Նա իր ամենամեծ դերը ստացել է 2010 թվականին «Իսկական արյուն» հեռուստասերիալում՝ մարմնավորելով Էլսիդ Հերվոին, սակայն մինչև այդ հեռուստասերիալը նա արդեն նկարահանվել էր մի շարք ֆիլմերում և հեռուստասերիալներում։

2010 թվականին նա հայտնվեց «People» ամսագրի կազմած ամենասեքսուալ տղամարդկանց 7-րդ հորիզոնականում, իսկ 2011-ին «Men's Health» ամսագիրը նրան տվեց 2011-ի թիվ 1 լավագույն մարմին ունեցող կոչումը։