Ռինգո Սթար

Ռինգո Սթար (անգլ.՝ Ringo Starr, հուլիսի 7, 1940(1940-07-07)^{[2][3][4][…]}, Dingle, Լիվերպուլ, Լանքաշիր, Անգլիա, Միացյալ Թագավորություն^[5]), անգլիացի երաժիշտ, երգիչ, երգերի հեղինակ և դերասան, առանձնապես հայտնի որպես The Beatles-ի հարվածող։ Խմբի լուծարումից հետո վարում է հաջող սոլո-կարիերա։

Ռինգո Սթար
Հիմնական տվյալներ
Բնօրինակ անուն	անգլ.՝ Sir Richard Starkey
Ի ծնե անուն	անգլ.՝ Richard Starkey[1]
Նաև հայտնի է որպես	Ringo Starr
Ծնվել է	հուլիսի 7, 1940(1940-07-07)[2][3][4][…] (85 տարեկան) Dingle, Լիվերպուլ, Լանքաշիր, Անգլիա, Միացյալ Թագավորություն[5]
Երկիր	Միացյալ Թագավորություն
Ժանրեր	ռոք, փոփ ռոք և փոփ[6]
Մասնագիտություն	թմբկահար
Երգչաձայն	բարիտոն
Գործիքներ	թմբուկ, հարվածային գործիք, հարվածային համակարգ[6], վոկալ[6] և կիթառ
Լեյբլ	Apple Records, United Artists Records, Capitol Records, Swan?, Vee-Jay Records, Atlantic Records, Entertainment One Music, Parlophone, Polydor, RCA և Մերկուրի Ռեքորդս
Անդամակցություն	The Beatles և Ringo Starr & His All-Starr Band?
Ամուսին	Maureen Starkey Tigrett? և Բարբարա Բախ
Պարգևներ	[7] [8][9] [10] Ռոքնռոլի փառքի սրահ Հոլիվուդյան փառքի ծառուղու աստղ և honorary doctor of the Berklee College of Music? [11]
Կայք	ringostarr.com
Ստորագրություն
Ringo Starr Վիքիպահեստում

Վաղ տարիներ

1940 թվականի հուլիսի 7-ին հացթուխ Ռիչարդ Ստարկի և նրա կին՝ Էլսիի ընտանիքում որդի է ծնվում, որը հոր հետ շարունակում է հոր ավանդական աշխատանքը։ Ռինգոն հիվանդոտ երեխա է մեծանում․ տարրական դպրոցն ավարտելուց հետո նա մի ամբողջ տարի հիվանդանոցում է անց կացնում՝ որովայնամզի բորբոքման պատճառով, իսկ հետո երկու տարի բացակայում է դասերից թոքամզի բորբոքման պատճառով։ Այդ պատճառով Ռինգոն դպրոցը չի ավարտում^[12]։ 15 տարեկանում նա դառնում է երկաթգծային կայարանի կառավարիչ՝ Լիվերպուլի և Ուելսի միջև։ Ինչպես իր բոլոր հասակակիցները՝ նա ևս ամերիկյան նոր երգերի սիրահար էր, բայց սկզբում չէր երազում բեմական փառքի մասին։

The Beatles-ի կազմում

1962 թվականի օգոստոսի 18-ին Ռինգոն պաշտոնապես մտնում է The Beatles-ի կազմի մեջ։ Սկզբում նա երգում էր Rory Storm and the Hurricanes բիթ-խմբում, որը այդ ժամանակ Լիվերպուլում համարվում էր The Beatles-ի գլխավոր մրցակիցը։

Ռինգոն կատարել է թմբուկ և հարվածային գործիքներ The Beatles-ի բոլոր երգերում բացառությամբ՝ «Within You Without You» (հնդկական հարվածողներ), «Back in the U.S.S.R.» (Փոլ Մաքքարթնի), Dear Prudence (Փոլ Մաքքարթնի), «The Ballad Of John And Yoko» (Փոլ Մաքքարթնի)։ Ռինգոն լիդ-վոկալ է կատարել բոլոր ալբոմներում, բացառությամբ՝ A Hard Day’s Night, Magical Mystery Tour և Let It Be^[13]։ Նա եղել է երկու երգերի հեղինակ, որոնք կատարվել են The Beatles ալբոմում («Octopus’s Garden» և «Don’t Pass Me By») և եղել է «What Goes On» երգի համահեղինակը։ Ռինգոյի ձայնը շատ անգամներ լսվել է ընդհանուր երգչախմբում և «Helter Skelter» երգի վերջնամասում, որտեղ նա գոռում էր․ «I’ve got blisters on my fingers» («Իմ ձեռքերին բշտիկներ կան»)։

Չնայած նրան, որ Ռինգոյի ձայնը The Beatles-ի ձայնագրություններում հազվադեպ է լսվում, նա խաղացել է The Beatles-ի ֆիլմերի գլխավոր դերերը։ Ենթադրվում է, որ Ռինգո Սթարը բոլոր չորս «բիթլներից» ունեցել է ամենաբարձր դերասանական տաղանդը։ The Beatles-ի քայքայումից հետո Ռինգո Սթարը խաղացել է ևս մի քանի ֆիլմերում։

1968 թվականին (այն ժամանակ, երբ խմբի անդամների փոխհարաբերությունները վատթար էին)՝ «Սպիտակ ալբոմի» թողարկման ժամանակ Փոլ Մաքքարթնին չի ցանկանում վիճաբանել Սթարի հետ և նրան անվանում է «պրիմիտիվ թմբկահար»։ Խմբի քայքայման ժամանակ նա նկարահանվում է ֆիլմերում և գովազդներում^[12]։

Սոլո կարիերա

Ռինգո Սթարի աստղը՝ Հոլիվուդյան փառքի ծառուղում

Խմբի պաշտոնական լուծարումից հետո, ինչպես բոլոր բիթլերը, այնպես էլ Ռինգո Սթարը՝ սկսում են պատրաստել սոլո նյութ, որը 20-50-ական թվականներին թողարկվում է «Sentimental Journey» քավեր ժողովածուի տեսքով։ 70-ականների վերջում՝ Ջոնի, Փոլի և Ջորջի դեբյուտից հետո, Ռինգոյի դեբյուտը քննարկվում է, որպես անհաջող դեբյուտ։ 70-ականներին նա մի քանի երաժիշտների օգնությամբ (ավելի շատ Ջորջ Հարրիսոնի) նա կարողանում է թողարկել շատ հաջող ալբոմներ։

1971 թվականին Ռինգոն ընդունում է «Բանգլադեշի համար համերգի» հրավերը և երգում է այնպիսի հայտնի երգիչների հետ, ինչխպիսիք են՝ Բոբ Դիլանը, Էրիկ Կլեպտոնը, Ջորջ Հարրիսոնը, Բիլլի Պրեստոնը, Լեոն Ռասսելը և Badfinger-ը։

1983 թվականին անգլիական և ամերիկական ձայնագրման կենտրոնները նրան մերժում են, երբ ուզում էր թողարկել իր Old Wave ալբոմը։ Նա հաջորդը սկավառակ է թողարկում Կանադայում, Բրազիլիայում և Գերմանիայում։ Այնուհետև նրան դադարում են զանգահարել հայտնի լրագրողները և ռեկորդային ընկերությունների ներկայացուցիչները։ Ամեն ինչ ավարտվեց այն ժամանակ, երբ Ռինգոն և նրա երկրորդ կինը՝ Բարբարա Բախը, դարձան քրոնիկական ալկոհոլիկներ։ Ճիշտ է, հետո նրանք կարողանում են ազատվել ալկոհոլային կախվածությունից և վերադառնում են ակտիվ կյանքի^[14]։ 1989 թվականին թողարկվում է նրա լավ երգերի ժողովածուն՝ «Starr Struck»-ը, և հավաքում է աստղային անսամբլ՝ Բիլլի Պրեստոն, Դոկտոր Ջոն, Levon Helm, Ջո Ուոլշ, Nils Lofgren, Rick Danko, Clarence Clemons, Ջիմ Քելտներ, և մեկնում է շրջագայության Ամերիկայում, իսկ Ճապոնիայից հետո թողարկում է կենդանի ալբոմ և տեսաֆիլմ։ Անսամբլի կազմը մշտապես փոխվում էր, որ լինի ավանդական։

1998 թվականի օգոստոսին իր՝ All-Starr Band խմբի հետ, նա երկու համերգ է տալիս Ռուսաստանում՝ Մոսկվայում (Ռուսաստանի պետական կենտրոնական համերգասրահ) և Սանկտ Պետերբուրգում («Հոկտեմբերյան» համերգային սրահ)։ Դա պատմության մեջ առաջին անգամն էր, երբ «բիթլերից» ինչ-որ մեկը ոտք է դնում նախկին ԽՍՀՄ-ի տարածք։ 2011 թվականին Ռինգո Սթարը և All-Starr Band-ի հաջորդ տարբերակը եվրոպական ամառային շրջագայության ընթացքում համերգ են ունենում Մոսկվայում, Սանկտ Պերտերբուրգում, Կիևում և Ռիգայում^[15]։

2012 թվականի օգոստոսի 28-ին Celebritynetworth.com կայքը Ռինգո Սթարին հռչակում է աշխարհի ամենահարուստ հարվածող։ Նրա կարողությունը գնահատվում էր 300 միլիոն դոլար^[16]։

Ընտանիք

• Հայր՝ Ռիչարդ Սթարկը (1913-?), եղել է հացթուխ^[17]։
• Մայր՝ Էլսի Սթարկի (1914-1987)^[17]։

Հայրը և մայրը ամուսնացել են 1936 թվականին, բաժանվել են՝ 1943 թվականին։

• Խորթ հայրը Հարրի Գրեյվզն էր՝ 1953 թվականի ապրիլի 17-ից^[17]։

Անձնական կյանք

• Առաջին կնոջ՝ Մորին Սթարկիի (1946 օգոստոսի 4, Լիվերպուլ - 1994 դեկտեմբերի 30 Սիեթլ, Վաշինգտոն)^[18] հետ ամուսնացել է 1965 թվականի հուլիսի 17-ին և նրանից ունեցել է երեք երեխա․
  • որդին՝ Զակ Սթարկին (Zachary Richard Starkey) (ծնվ․ 1965 թվականի սեպտեմբերի 13)^[19] եղել է թմբկահար։ 1996 թվականին դարձել է The Who խմբի անդամը, եղել է Oasis խմբի անդամը, ամուսնացել է 1985 թվականին հունվարի 22-ին՝ Սառա Մենիկայդսի հետ (Sarah Menikides)^[20],
    • թոռնուհի՝ Տատիա Սթարկի (Tatia Jayne Starkey) (ծնվ․ 1985 թվականի սեպտեմբերի 7-ին)^[20],
  • որդին՝ Ջեյսոն Սթարկին (ծնվ․ 1967 թվականի օգոստոսի 19)^[19] ամուսնացել է 1998 թվականին՝ Ֆլորայի հետ (Flora)^[21],
    • թոռնիկ՝ Լուի Սթարկի (Louie) (ծնվ․ 1999 թվականի հունիսին)^[21],
  • դուստր՝ Լի Սթարկի (Lee Parkin Starkey) (ծնվ․ 1970 թվականի նոյեմբերի 11)^[19],
• Երկրորդ կին՝ Բարբարա Բախ, ամուսնացել է 1981 թվականի ապրիլի 27-ին^[18]։

Սկավառակագրություն

Ստուդիական ալբոմներ

1. 1970 - Sentimental Journey
2. 1970 - Beaucoups of Blues
3. 1973 - Ringo
4. 1974 - Goodnight Vienna
5. 1976 - Ringo’s Rotogravure
6. 1977 - Ringo the 4th
7. 1978 - Bad Boy
8. 1981 - Stop and Smell the Roses
9. 1983 - Old Wave
10. 1992 - Time Takes Time
11. 1998 - Vertical Man
12. 1999 - I Wanna Be Santa Claus
13. 2003 - Ringo Rama
14. 2005 - Choose Love
15. 2008 - Liverpool 8
16. 2010 - Y Not
17. 2012 - Ringo 2012
18. 2015 - Postcards from Paradise^[22]

Ժողովածուներ

1. 1975 - Blast From Your Past
2. 1989 - Starr Struck։ Best of Ringo Starr, Vol. 2
3. 2001 - The Anthology... So Far
4. 2007 - Photograph։ The Very Best of Ringo Starr

Համերգային ալբոմներ

1. 1989 - Ringo Starr and His All-Starr Band
2. 1993 - Ringo Starr and His All Starr Band Volume 2։ Live From Montreux
3. 1995 - Ringo Starr and His Third All-Starr Band-Volume 1
4. 1998 - VH1 Storytellers
5. 2002 - King Biscuit Flower Hour Presents Ringo & His New All-Starr Band
6. 2003 - Extended Versions
7. 2004 - Tour 2003
8. 2006 - Ringo Starr and Friends
9. 2007 - Live at the Soundstage

Մանկական ալբոմներ

• 1977 - Scouse the Mouse

Ֆիլմագրություն

• 1964 - Դժվար օրվա գիշերը
• 1965 - Օգնություն
• 1967 - Շրջագայության կախարդակամն առեղծվածը
• 1968 - Դեղին սուզանավ (մուլտֆիլմ)
• 1968 - Քաղցր ատամներ
• 1969 - Հրաշագործը
• 1970 - Пусть будет так (վավերագրական)
• 1971 - Կույրը
• 1972 - Համերգ Բանգլադեշի համար (վավերագրական)
• 1973 - Ziggy Stardust and the Spiders from Mars (վավերագրական)
• 1975 - Տերևամանիա
• 1978 -
• 1981 - Քարայրի մարդը
• 1983 - Արքայադուստր Դեյզին
• 1984 - Բարև տվեք Բրոդ-սթրիթին
• 1985 - Ջուր (1985)
• 1985 - Ալիսան հրաշքների աշխարհում
• 1986 - To the North of Katmandu
• 2003 - Concert for George (վավերագրական)
• 2009 - Oh My God (վավերագրական)
• 2011 - Ջորջ Հարրիսոն․ կյանքը նյութական աշխարհում (վավերագրական)