Մեծ Ռոստով

Ռոստով ( ռուս.՝ Росто́в, հին նորվ.՝ Rostofa ) , քաղաք Ռուսաստանի Դաշնության եվրոպական մասում՝ Յարոսլավլի մարզում, որի կազմի մեջ մտնող նույնանուն շրջանի վարչական կենտրոնն է։ Ընկած է Ներո լճի ափին, երկրի մայրաքաղաք Մոսկվայից մոտավորապես 190 կիլոմետր դեպի հյուսիս-արևելք։ Զբաղեցնում է 32 քառակուսի կիլոմետր տարածք^[3]։ Մարզային նշանակության քաղաք է^[4]։ Ռուսաստանի հնագույն քաղաքներից է և կարևոր կենտրոն ռուսաստանյան հանրահայտ Ոսկե օղակ զբոսաշրջային շղթայում։ 2010 թվականի մարդահամարի տվյալներով Ռոստովում բնակվում էր 31.792 մարդ։

Բնակավայր
Մեծ Ռոստով
ռուս.՝ Ростов Великий[1]
Դրոշ Զինանշան
Երկիր	Ռուսաստան
Համայնք	Urban settlement Rostov?
Հիմնադրված է	անհայտ թ.
Առաջին հիշատակում	862
Մակերես	31 կմ²
ԲԾՄ	100±1 մետր
Բնակչություն	▼27 298 մարդ (հունվարի 1, 2024)[2]
Ժամային գոտի	UTC+3
Հեռախոսային կոդ	48536
Փոստային դասիչ	152150, 152151, 152153, 152155 և 152159
Պաշտոնական կայք	grad-rostov.ru​(ռուս.)
Մեծ Ռոստով (Ռուսաստան)
Մեծ Ռոստով Վիքիպահեստում

 

Չնայած քաղաքի պաշտոնական անվանումը Ռոստով է, այն Դոնի Ռոստովից տարբերելու համար Ռուսաստանում հաճախ անվանվում է Մեծ Ռոստով ( ռուս.՝ Росто́в-Вели́кий) կամ «Ռոստով Յարոսլավսկի» ( ռուս.՝ Ростов-Ярославский), որը նաև նրա երկաթուղային կայարանի պաշտոնական անվանումն է։

Պատմություն

Ռոստովի Կրեմլը 1911 թվականի ամռանը.

Ռոստովը առաջին անգամ հիշատակվել է 862 թ . որպես կարևոր բնակավայր^[5]։ 13-րդ դարում այն դարձել է ռուսական ամենահայտնի իշխանություններից մեկի՝ Վլադիմիր-Սուզդալյան իշխանության մայրաքաղաքը։ 1474 թ . մտել է Մոսկվայի իշխանության կազմի մեջ ։ Ու թեև կորցրել է անկախությունը, սակայն շարունակել է պահպանել իր կարևորությունը որպես եկեղեցական կենտրոն։ 988 թվականից. եղել է ռուսական առաջին եպիսկոպոսություններից մեկի նստավայրը ։

14-րդ դարում Ռոստովի եպիսկոպոսները դարձել են արքեպիսկոպոսներ, իսկ 16-րդ դարի վերջում՝ մետրոպոլիտներ ։ Մետրոպոլիտ Յոնա Սիսոևիչը (մոտ 1607 - 1690 թթ .) նախաձեռնել է Ռոստովի գլխավոր տեսարժան վայրի` Կրեմլի կառուցման աշխատանքները։ 13-14 -րդ դարերում քաղաքն ավերվել է մոնղոլների, իսկ 1608 թ .՝ լեհերի կողմից։ Մետրոպոլիտական աթոռը 18-րդ դարի վերջին Ռոստովից Յարոսլավլ է տեղափոխվել։

Իր հարուստ պատմության հետ մեկտեղ՝ Ռոստովը հռչակված է ապակե էմալի արտադրությամբ։

Տեսարժանություն

1970 թվականին Ռոստովն ընդգրկվել է Ռուսաստանի պատմական քաղաքների ցանկում։ Նրա տարածքում հաշվառված են մշակութային 386 հուշարձաններ, որոնց մեկ երրորդն ունի դաշնային նշանակության հուշարձանի կարգավիճակ։ Ռոստովի կենտրոնական հրապարակում է գտնվում քաղաքի գլխավոր տեսարժան վայրերից մեկը՝ Մարիամի Վերափոխման մեծ տաճարը։ Ենթադրվում է, որ այն կառուցվել է 16-րդ դարի կեսերին։ Տաճարի պարիսպների ստորին հատվածները թվագրվում են 12 -- րդ դարով։ Զանգակատունը հիմնականում կառուցվել է 17-րդ դարում ։ Նրա զանգերը ամենախոշորներից են, և դրանցից յուրաքանչյուրն ունի իր անունը։ Սիսոյ անունով ամենամեծ զանգը ձուլվել է 1688 թ . և կշռում է 32 տոննա։

Պատկերասրահ

• 
  Քաղաքի համայնապատկերը
• 
  Վառնիցկի վանական համալիրը
• 
  Քրիստոսի հարության եկեղեցին
• 
  Սպասա-Յակովլևյան վանական համալիրը
• 
  Տաճարը
• 
  Իշնյա եկեղեցին
• 
• 
  Միջնաբերդի տեսքը Ներո լճից
• 
  Կրեմլի բակը
• 
  Ներո լիճը

Բնակչություն

Մարդահամարի տվյալների համաձայն՝ 2010 թվականին քաղաքում բնակվում էր 31.792 մարդ՝ 2349-ով (7,38%) պակաս, քան 2002 թվականին։

Տարին	Բնակչ.
1897	13.715
1939	29.808
1959	29.230
1970	30.815
1979	31.538
1989	35.707
2002	34.141
2010	31.792

Anmerkung: Volkszählungsdaten

Գործընկեր քաղաքներ

• Սթիվենս Փոյնթ (ԱՄՆ, Վիսկոնսին նահանգ)]]^[6]
• Էլեկտրոստալ (Ռուսաստանի Դաշնություն, Մոսկվայի մարզ)]]
• Յամսյա, Ֆինլանդիա^[7]
• Արզամաս, Ռուսաստան (2008);
• Նիմ, Ֆրանսիա.
• Բեռնբուրգ, Գերմանիա (2019)^[8][9];
• Իվանիցա, Սերբիա^[10];
• Սակի, Ուկրաինա (2021)^[11].

Տես նաև

• Ռուսաստանի քաղաքների ցանկ