Վահան Ամատունի (զորավար)

Վահան Ամատունի (3-րդ դար - 4-րդ դար), հայ նախարար և զորավար Մեծ Հայքում, Վասպուրական աշխարհի Արտազ, Ճվաշռոտ (Ամատունիքի) գավառների և Այրարատ աշխարհի Արագածոտն գավառի Օշական բերդ-ամրոցի տերը, Օտա Ամատունու որդին, Կարեն Ամատունու հայրը, Ամատունիների նախարարական տոհմից^[1]։

Վահան Ամատունի
Արտազի և Ճվաշռոտի (Ամատունիքի) տեր
մոտ 320 - 330-ականներ
Նախորդող	Օտա Ամատունի
Հաջորդող	Կարեն Ամատունի
Մասնագիտություն՝	զորավար
Ծննդյան օր	3-րդ դար
Վախճանի օր	4-րդ դար
Դինաստիա	Ամատունիներ
Քաղաքացիություն	Մեծ Հայք
Հայր	Օտա Ամատունի
Զավակներ	Կարեն Ամատունի

Կենսագրություն

Վահան Ամատունին եղել է Ամատունյաց տոհմի տանուտերը։ Մեծ Հայքի արքա Տրդատ Գ Մեծի (287-330) գահակալման ժամանակ եղել է նրա չորս զորավարներից մեկը, իսկ Խոսրով Գ Կոտակի (330-338) ժամանակ՝ արևելյան բանակի զորավար։ 335-336 թվականներին մասնակցել է հայոց սպարապետ Վաչե Մամիկոնյանի կողմից Աղվանքի Արշակունի մազքութների թագավոր Սանեսանի՝ Մեծ Հայք կատարած արշավանքի ճնշմանը, որի համար, որպես պարգև ստացել է՝ Օշականը^[1]։