Ֆայյումյան դիմանկար

Ֆայյումյան դիմանկար, հոգեհանգստյան գեղանկարչական դիմանկարներ, հայտնաբերվել են 1887 թվականին Լիբիական անապատի Ֆայյում օազիսում։ Դիմանկարները ստեղծվել են Հին Եգիպտոսում (հելլենիստական, հռոմեական շրջան, 1-3-րդ դարեր)^[1] մոմանկարչության տեխնիկայով։ Պահպանվել է ավելի քան 900 դիմանկար^[2]։

Երիտասարդի դիմանկար
II դար ՄԹԱ

Կատարման տեխնիկան

Ֆայյումյան դիմանկարները ստեղծված են մոմանկարչության տեխնիկայով (էնկաուստիկա- հուն. վառում եմ)։ Նկարել են հալած ներկերով։ Այս տեխնիկայով կատարված ստեղծագործությունները երկար ժամանակ պահպանում են գույների պայծառությունը և թարմությունը։ Քիչ դեր չի կատարել նաև Եգիպտոսի չոր եղանակը։ Օգտագործվել է ոսկու բարակ թերթ, մեծ մասամբ նկարի ֆոնը ծածկվել է դրանով, ուրիշ դեպքերում ոսկեզօծվել են պսակները, գլխակապերը և զարդերը։ Նկարել են տախտակների վրա, որը տեղադրվել է մումիայի փաթաթանների մեջ դեմքի վրա^[3]։ Հին շրջանում նկարել են նաև կտավի վրա^[4]։

Պատկերասրահ

• 
  Երիտասարդ տղամարդու դիմանկար
• 
  Տղայի դիմանկար
• 
  Կնոջ դիմանկար
• 
  Տղամարդու դիմանկար
• 
  Կահիրեի թանգարանից տղամարդու ֆայումյան դիմանկար