Ֆորտունա (հեռուստաընկերություն)

Ֆորտունա, Լոռու մարզային հեռուստաընկերություն։ Հեռարձակվում է Լոռու մարզի 6 քաղաքներում (Վանաձոր, Ալավերդի, Սպիտակ, Տաշիր Ստեփանավան, Ախթալա) և նրանց հարակից գյուղերում։ Ալիքի հիմնադիր և ներկայիս գլխավոր տնօրենն է Կարեն Արշակյանը։ Եթեր է հեռարձակվում 1993 թվականից։ 2011 թ.-ի հունվարի 10-ից Լոռու մարզում 29, 35, 39, 40, 41, 43 դեցիմետրային ալիքներով։ Հեռուստաալիքը ներկայացնում է լրատվական, հասարակական, քաղաքական, մշակութային, կրոնական, սպորտային, երիտասարդական, ժամանցային հաղորդումներ։ 1999 թվականին «IFES» ընտրական համակարգերի միջազգային հաստատության կողմից արժանացել է շնորհակալագրի՝ Հայաստանի Ազգային ժողովի ընտրությունները լավագույնս լուսաբանելու համար։ 2005 թ. սեպտեմբերին Յալթայում կայացած 6-րդ միջազգային հեռուստակինո «Միասին» փառատոնում արժանացել է գլխավոր մրցանակի՝ «Տեղական ժամանակ» անվանակարգում^[փա՞ստ]։ Հեռուստաընկերությունը 2010 թվականին մասնակցելով հեռուստատեսության և ռադիոյի ազգային հանձնաժողովի կողմից հայտարարված թվային հեռարձակման ցանցի միջոցով տարածքային սփռման ընդհանուր ուղվածության և տվյալ տարածքի բնակչության հետաքրքրությունները բավարարող հեռուստածրագրերի եթերային հեռարձակումն իրականացնելու թիվ 17 մրցույթին, 16.12.2010 թվականին ճանաչվել է հաղթող և 19.07.2011-ից սկսել է հեռարձակվել Լոռու մարզում^[1]։ Պոտենցիալ հեռուստադիտողների թիվը շուրջ 230.000 է^[փա՞ստ]։

Անվան այլ կիրառումների համար տե՛ս՝ Ֆորտունա (այլ կիրառումներ)

«Ֆորտունա» Լոռու մարզային Հեռուսաընկերություն
Հիմնադիր	Կարեն Արշակյան
Երկիր	Հայաստան, Լոռու մարզ
Հեռարձակման գոտի	Հայաստան, Լոռու մարզ
Հեռարձակման լեզու	հայերեն
Հեռարձակման սկսման թվական	1993
Հիմնադիր	Կարեն Արշակյան

Հաղորդումներ

Անվանումը	Բովանդակություն
«Մոլորակ»	Լրատվական ծրագիր
«Մոլորակ հավելված»	Պատվիրված, գովազդային տեսանյութ
«Տեսադաշտ»	Տեղեկատվական, հասարակական հաղորդում
«Ժողովրդավարություն եւ մարդու իրավունքներ»	Տեղեկատվական, վերլուծական հաղորդում
«Իրավունքի տեղեկատու»	Իրավաբանական, տեղեկատվական հաղորդում
«Մարզպետարանի ժամ»	Նորություններ Լոռու մարզպետարանից
«Վանաձորյան օրեր»	Տեղեկատվական, վերլուծական հաղորդում
«Ինտերֆուտբոլ»	Ֆուտբոլային լուրեր
«Մուսաների ծառաները»	Տեղեկատվություն հայտնի մարդկանց մասին
«Լոռվա Արվեստագետներ»	Հայտնի արվեստագետների մասին հաղորդում
«Գրական ստուդիա»	Գրականության և գրականագետների մասին, Զրույց նրանց հետ
«Անցյալի անհատները»	Պատմությունում դեր ունեցող անհատների մասին հաղորդում
«Ֆորտmusic»	Երաժշտական բազմաժանր հաղորդում
«Պանդաboo»	Հումորային հաղորդում
«Աշխարհի շուրջ»	Պատմություններ և իրողություններ
«Կիսաբաց լուսամուտներ»	Թոկ-շոու՝ համագորածկցության կարգով ATV Երևանյան հեռուստաալիքի հետ

Արտաքին հղումներ

• Վիդեոալիքը ՅուԹյուբ կայքում.