300 սպարտացիներ։ Կայսրության ծաղկումը

300 սպարտացիներ. կայսրության ծաղկումը (անգլ.՝ 300: Rise of an Empire), Նոամա Մուրրոյի 3D և IMAX 3D պեպլում ժանրի ֆիլմ, որի գործողությունները տեղի են ունենում 2006 թվականին թողարկված «300 սպարտացիներ» ֆիլմի իրադարձություններից առաջ, ընթացքում և հետո^[19][20]։ Գլխավոր դերերում նկարահանվել են Եվա Գրինը, Սալլիվան Ստեպլտոնը և Ռոդրիգո Սանտորոն։ Ֆիլմի շնորհանդեսը ԱՄՆ-ում կայացել է 2014 թվականի մարտի 7-ին^[21][22][23]։ Ֆիլմին տրվել է PG-16 վարկանիշ բազմաթիվ բռնության և սեռական բնույթի տեսարանների պատճառով։

300 սպարտացիներ. կայսրության ծաղկումը անգլ.՝ 300: Rise of an Empire
Երկիր	ԱՄՆ
Ժանր	ռազմական ֆիլմ[1][2][3], մարտաֆիլմ[4][5][6][…], դրամա և Պեպլում
Թեմա	Արտեմիսիայի ճակատամարտ և Սալամինի ճակատամարտ
Հիմք	Քսերքսես
Թվական	մարտի 4, 2014, մարտի 6, 2014[7][8][9], մարտի 7, 2014[10] և մարտի 7, 2014[11]
Լեզու	անգլերեն
Ռեժիսոր	Նոամ Մուրրո[5][6][12][…]
Պրոդյուսեր	Մարկ Քենթոն, Զակ Սնայդեր[13], Դեբորիա Սնայդեր, Ջանի Նունարի, Թոմաս Թուլ և Բեռնի Գոլդման
Սցենարի հեղինակ	Զակ Սնայդեր, Ֆրենկ Միլլեր և Կուրտ Յոնսթադ
Դերակատարներ	Սալիվան Ստեպլտոն[6][2][14][…], Հանս Մեթիսոն[6][2][14][…], Լենա Հիդի[6][2][14][…], Ռոդրիգո Սանտորո[2][15][16], Էնդրյու Փլևին[16], Էնդրյու Թիրնան[2][16], Աշրաֆ Բարհոմ[16], Բեն Թուրներ[16], Քալեն Մուլվեյ[2][16], Դևիդ Ուենհեմ[2][16], Ջեկ Օ'Քոնել[2][15][16][…], Փիթեր Մենսա[16], Լյուկ Ռոբերտս[16], Մարկ Կիլին[16], Քեյթլին Քարմայքլ[16], Քրիստոֆեր Մալեկի[16], Ջուլիան Ստոուն[16], Դևիդ Սթերն[16], Փիթեր Ֆերդինանդո[16], Յիգալ Նաոր[2], Ստեֆան Ինանով, Ուեյն Դալգլիշ[16], Աթանաս Սրեբրև[16], Եվա Գրին[6][2][14][…], Ջորջ Ջորջիու[17], Ջերարդ Բաթլեր, Ջեյդ Չայնովեթ, Քրիստոֆեր Շուերեֆ և Մայքլ Ֆասբենդեր
Օպերատոր	Սայմոն Դագան
Երաժշտություն	Junkie XL
Մոնտաժ	Դևիդ Բրեններ և Ուայաթ Սմիթ
Պատմվածքի վայր	Հին Հունաստան
Նկարահանման վայր	Բուլղարիա
Կինոընկերություն	Legendary Pictures, Cruel and Unusual Films, Virtual Studios և Warner Bros. Pictures
Տևողություն	102 րոպե
Բյուջե	110 000 000 $[18]
Շահույթ	337 580 051 $[18]
Նախորդ	300 սպարտացիները
Պաշտոնական կայքէջ

Ֆիլմում ցուցադրվում է հույն հրամանատար Թեմիստոկլեսի մտացածին պատմությունը, ով մ. թ. ա. 480 թվականին ղեկավարում էր հունական նավատորմը։ Արտեմիսի և Սալամինի պատմական ճակատամարտերում հունական նավատորմը բախվում է պարսիկների կայսր Քսերքսեսի բանակի հետ։

Սյուժե

Ֆիլմի սկզբում Սպարտայի թագուհի Գորոն պատմում է իր զինվորներին Մարաթոնի ճակատամարտի մասին, որտեղ աթենացի զորավար Թեմիստոկլեսը հանկարծակի հարձակմամբ ջախջախեց ափում տեղակայված պարսկական զորքերը Դարեհի գլխավորությամբ։ Կռվի ժամանակ Թեմիստոկլեսը սպանեց Դարեհին պատանի Քսերքսեսի առաջ։ 10 տարի անց վերջինս ցանկանում է վրեժ լուծել աթենացիներից և արշավանք է կազմակերպում դեպի հունական պոլիսներ։ Պարսիկների դեմ դուրս եկան Լեոնիդասը և 300 սպարտացիները Թերմոպիլյան նեղուցում և Թեմիստոկլեսը հունական նավատորմով Սալամինի ծովախորշում։ Չնայած երկօրյա հերոսական մարտերին՝ սապատավոր Էֆիալդի դավաճանության պատճառով Լեոնիդասը և 300 սպարտացիները ընկան և դեպի Աթենք ճանապարհը ազատվեց...

Պատմական վրիպակներ

Քեմբրիջի համալսարանի պրոֆեսոր-հնագետ Փոլ-Փարթլեջ նշել է, որ ֆիլմը պարունակում է պատմական սխալներ։ Օրինակ Մարաթոնի ճակատամարտում ո՛չ Քսերքսը, և ոչ էլ Դարեհը ներկա չեն եղել։ Հակառակ ֆիլմի սյուժեի՝ Արտեմիսիան դեմ է արտահայտվել հույների դեմ նեղուցում ծովամարտ վարելու մտքին և չի մահացել հույն-պարսկական պատերազմներում։ Սպարտացիները ընդամենը օգնության են ուղարկել 16 նավ 400-ից, և ոչ թե մի ամբողջ նավատորմ^[24]։

Հետաքրքիր փաստեր

• Ռեժիսորի պարտականությունները կատարելու համար մտածվում էր ընտրել Ժաումե Կոլյետ Սերատին։
• Թեմիստոկլեսի դերը առաջարկվում էր Ջոել Հետկիրթոնին, բայց նա հրաժարվել է։
• Ի սկզբանե ֆիլմի շնորհանդեսը նախատեսվում էր կազմակերպել 2013 թվականի օգոստոսի 2-ին։