C418

Դանիել Ռոզենֆելդ (գերմ.՝ Daniel Rosenfeld,մայիսի 9, 1989(1989-05-09), Խեմնից, Արևելյան Գերմանիա^[1]), գերմանացի երաժիշտ և հնչյունային ռեժիսոր, առավել հայտնի է, որպես Minecraft համակարգչային խաղի կոմպոզիտոր և ձայնային դիզայներ։ Որպես կանոն իր երաժշտությունը հրապարակում է C418 մականվան տակ։

C418
Բնօրինակ անուն	գերմ.՝ Daniel Rosenfeld
Ի ծնե անուն	գերմ.՝ Daniel Rosenfeld
Նաև հայտնի է որպես	C418
Ծնվել է	մայիսի 9, 1989(1989-05-09) (36 տարեկան) Խեմնից, Արևելյան Գերմանիա
Երկիր	Գերմանիա
Ժանրեր	էլեկտրոնային երաժշտություն, էմբիենտ, chiptune?, փորձարարական երաժշտություն, intelligent dance music?, Երաժշտություն Համակարգչային խաղերում և microhouse?
Մասնագիտություն	կոմպոզիտոր և հնչյունային օպերատոր
Գործիքներ	թվային ձայնային աշխատանքային կայան, սինթեզատոր, ստեղնաշարային գործիքներ և դաշնամուր
Լեյբլ	Ghostly International?
Կայք	c418.org
Daniel Rosenfeld Վիքիպահեստում

Վաղ տարիներ

Ռոզենֆելդը ծնվել և մեծացել է Արևելյան Գերմանիայում՝ վերամիավորման ժամանակ։ Տնտեսական խնդիրների պատճառով նա ուներ սահմանափակ ռեսուրսներ, չէր կարողանում երաժշտությունը պատշաճ կերպով սովորել։ Նա ասաց, որ սովորել է Schism Tracker-ի և Ableton Live-ի վաղ տարբերակներից՝ այն ժամանակվա պարզունակ ծրագրերից:

Կյանք և կարիերա

Նման սահմանափակ պայմաններում սովորելը երիտասարդ կոմպոզիտորին օգնեց, երբ նա սկսեց համագործակցել Minecraft-ի ստեղծող Մարկուս Պերսոնի հետ։ Խաղի ձայնային շարժիչն այն ժամանակ բավականաչափ «հզոր» չէր, և Ռոզենֆելդը ստիպված էր ստեղծագործել խաղի համար ձայնային էֆեկտներ և երաժշտություն ստեղծելու համար: Իր կայքում կոմպոզիտորը նշել է. «Minecraft-ը, հավանաբար, իմ կյանքում ամենամեծ փոփոխությունն է արել՝ ինձ ավելի սոցիալական և որոշ առումներով ավելի հայտնի դարձնելով։ Այնքան տարօրինակ է, որ Մարկուս Պերսոնը ժամանակ էր անց կացնում զրուցարանում, որտեղ ես հաճախ էի լինում, և ինձ ասաց, որ իրեն դուր է գալիս իմ երաժշտությունը: Ավազատուփ խաղը, որը նա մշակում էր, ինձ հետաքրքրեց։ Եվ գրողը տանի, հիմա ես աշխատում եմ տարվա ամենահաջող ինդի խաղերից մեկի վրա»:

Որպես անկախ կոմպոզիտոր՝ Ռոզենֆելդը Mojang-ի՝ Minecraft խաղի հիմքում ընկած ընկերության աշխատակից չէ, որը վաճառվել է Microsoft-ին 2014 թվականին: Առաջին ալբոմը՝ Minecraft - Volume Alpha, թողարկվել է 2011 թվականի մարտի 4-ին։ Խաղային բլոգ Kotaku-ն ընտրել է Minecraft-ի երաժշտությունը որպես 2011 թվականի լավագույն տեսախաղերի սաունդթրեքներից մեկը: Երկրորդ ալբոմը՝ Minecraft - Volume Beta, թողարկվել է 2013 թվականի նոյեմբերի 9-ին և պարունակում է երաժշտություն, որն ավելացվել է խաղի հետագա տարբերակներում։ C418 ալբոմը պարունակում է վերը նշված ալբոմների որոշ ստեղծագործությունների ռեմիքսներ:

Minecraft-ի հաջողությունից հետո Պերսսոնը և Ռոզենֆելդը կրկին միավորվեցին 0x10c նախագծի վրա, բայց խաղը այդպես էլ չթողարկվեց: 2014 թվականի սեպտեմբերին Ռոզենֆելդը թողարկեց ալբոմ, որը ցույց էր տալիս իր աշխատանքը նախագծի վրա։ Ալբոմը թողարկվել է թվային տարբերակով և քիչ առաջխաղացում է ստացել, սակայն Ռոզենֆելդը պարզապես թվիթ է տեղադրել՝ նշելով, որ ալբոմն այժմ հասանելի է։

Բացի խաղի սաունդթրեքներից, Ռոզենֆելդը գրում է իր ինքնուրույն երաժշտությունը։ Նա թողարկել է մեծ թվով ալբոմներ իր Bandcamp-ի էջում, սակայն LP -ի պաշտոնական թողարկումները թողարկվել են միայն Minecraft-ի համար՝ Volume Alpha, Minecraft - Volume Beta, 72 Minutes Of Fame, One և Excursions-ի համար: Նա ասում է, որ չի ձգտում փառքի և պայքարում է հանրության ուշադրության հետ, ինչպիսիք են Թվիթթերի իր մեծ խմբի հետևորդների քննադատական ​​մեկնաբանությունները: The Guardian-ը համեմատել է նրա ստեղծագործությունները Բրայան Ինոյի և Էրիկ Սատիի ստեղծագոծությունների հետ՝ պայմանավորված էմբիենտ երաժշտության նմանությամբ։

Սկավառակագրություն

Ալբոմի անվանում	Թողարկման ամսաթիվ	Տևողությունը
circle	2006 թվականի մարտի 22	00:35:54
bps	2007 թվականի դեկտեմբերի 23	00:15:32
the whatever directors cut	2008 թվականի հունվարի 27	00:50:07
Mixes	2008 թվականի մայիսի 23	00:25:35
sine	2008 թվականի սեպտեմբերի 2	00:19:42
zweitonegoismus	2008 թվականի դեկտեմբերի 16	00:41:04
Bushes and Marshmallows	2009 թվականի օգոստոսի 1	01:02:55
A Cobblers Tee Thug	2010 թվականի հունվարի 5	00:41:40
life changing moments seem minor in pictures	2010 թվականի օգոստոսի 12	01:11:53
little things	2011 թվականի հունվարի 16	00:27:38
Minecraft — Volume Alpha	2011 թվականի մարտի 4	00:58:48
I forgot something, didn’t I.	2011 թվականի հուլիսի 18	00:37:17
72 Minutes Of Fame	2011 թվականի հուլիսի 19	01:11:58
Seven Years of Server Data	2011 թվականի նոյեմբերի 3	00:50:45
Catacomb Snatch Original Soundtrack	2012 թվականի մարտի 20	00:22:11
The Driver — Savlonic (C418 Remix)	2012 թվականի ապրիլի 1	00:05:38
one	2012 թվականի դեկտեմբերի 23	01:35:28
Minecraft — Volume Beta	2013 թվականի նոյեմբերի 9	02:20:48
0x10c	2014 թվականի սեպտեմբեր 15	00:03:08
148	2015 թվականի դեկտեմբերի 18	01:58:47
2 years of failure	2016 թվականի սեպտեմբերի 13	01:01:50
Dief	2017 թվականի մարտի 13	00:31:58
Excursions	2018 թվականի սեպտեբերի 7	01:41:41
Cookie Clicker	2021 թվականի սեպտեբերի 1	01:56:40