Dr. Dre

Անդրե Ռոմել Յանգ (անգլ.՝ Andre Romell Young, փետրվարի 18, 1965(1965-02-18)^[1], Քոմփթոն, Լոս Անջելես շրջան, Կալիֆոռնիա, ԱՄՆ^[2]), ամերիկացի ռեփեր և երաժշտական պրոդյուսեր. ռեփ երաժշտության լավագույն բիթմեյքերներից մեկն է։ Առավել հայտնի է Dr. Dre կեղծանվամբ։ Համարվում է 1990-ական թվականների սկզբներին Լոս Անջելեսում ծնունդ առած ջի-ֆանք հիփհոփային ոճի հիմնադիրներից և առավել եռանդուն տարածողներից մեկը^[3]։

Dr. Dre Andre Romelle Young
Ծնվել է	փետրվարի 18, 1965(1965-02-18)[1] (60 տարեկան)
Ծննդավայր	Քոմփթոն, Լոս Անջելես շրջան, Կալիֆոռնիա, ԱՄՆ[2]
Քաղաքացիություն	ԱՄՆ
Մայրենի լեզու	անգլերեն
Կրթություն	Ջոն Ֆրեմոնտի բարձրագույն գպրոց և Centennial High School?
Մասնագիտություն	ռեփեր, երգերի հեղինակ, երաժշտական պրոդյուսեր, ձեռնարկատեր, երաժշտական մենեջեր, դերասան, կինոդերասան, կոմպոզիտոր, հեռուստատեսային դերասան, կինոռեժիսոր, դիջեյ և հնչյունային օպերատոր
Աշխատատու	Էփլ
Պարգևներ և մրցանակներ	Ստացել է 7 գրեմմի
Անդամություն	World Class Wreckin' Cru?
Երեխաներ	Հուդ Սերջըն, La Tanya Danielle Young? և Truice Young?
🌐	drdre.com
Ստորագրություն
Dr. Dre Վիքիպահեստում

Dr. Dre-ն հանդիսացել է այնպիսի ռեփերների պրոդյուսեր, ինչպիսիք են Սնուփ Դոգը, Էմինեմը, 50 Cent-ը, Xzibit-ը, 2Pac-ը և այլք։ Ընդ որում՝ վերջիններիս բազմաթիվ ալբոմներ դարձել են մուլտիպլատինե^[4]։

Դոկտոր Դրեն երաժշտական իր կարիերան սկսել է որպես World Class Wreckin’ Cru խմբի անդամ։ Լայն ճանաչում է ձեռք բերել 1980-1990-ական թվականների սահմանագծին՝ լինելով գանգստ-ռեփի ակունքներում տեղ գտած N.W.A ռեփ խմբի անդամ^[4]։ Այդ երաժշտախմբի լուծարվելուց հետո մենակատարային կարիերա է սկսել, 1992 թվականին թողարկել իր առաջին ալբոմը՝ The Chronic-ը, որը բեսթսելլեր է դարձել, և, բացի այդ, Դոկտոր Դրեն «Գրեմմի» մրցանակի է արժանացել ալբոմում ընդգրկված «Let Me Ride» սինգլի համար։ 1996 թվականին նա հեռացել է Death Row Records-ից և հիմնել սեփական լեյբլը՝ Aftermath Entertainment-ը։ 1999 թվականին թողարկել է իր երկրորդ ալբոմը՝ 2001 խորագրով։ Այդ ալբոմի համար ևս «Գրեմմի» մրցանակ է ստացել, այս անգամ արդեն «Տարվա լավագույն պրոդյուսեր» անվանակարգում^[4]։

2000-ական թվականներին Դոկտոր Դրեն հիմնականում զբաղվել է պրոդյուսերական աշխատանքով, երբեմն էլ մեկ այլ կատարողի հետ զուգերգ ձայնագրել։ 2001 թվականին^[5] և 2004-ին^[6] Rolling Stone ամսագիրը նրան ներառել է շոու բիզնեսի առավել բարձր վարձատրվող ներկայացուցիչների ցանկում (նրա կարողությունը գնահատվում է ավելի քան 800 միլիոն ամերիկյան դոլար)։

Երաժշտական գործունեության հետ մեկտեղ՝ Դոկտոր Դրեն նկարահանվել է մի շարք ֆիլմերում («Կանչ», «Ավտոլվացարան», «Վարժանքի օր»)։

Սկավառակագրություն

Տարին	Վերնագիրը	Դիրքը չարթերում				Հավաստագրեր
		US	US R&B	CAN	UK
1992	The Chronic Թողարկման օրը . 15 դեկտեմբերի 1992 Լեյբլը. Death Row Records	3	1	—	43	RIAA: 3× Platinum[7] BPI: Gold
1995	Keep Their Heads Ringin' (feat. Nanci Fletcher) (սինգլ՝ «Ուրբաթ» կինոնկարի սաունդթրեքից) Թողարկման օրը. 7 մարտի 1995 Լեյբլը. Death Row	10	10	—	25
1996	The Aftermath Թողարկման օրը. 1996 Լեյբլը. Aftermath Ent.	6	3
1999	2001 Թողարկման օրը. 16 նոյեմբերի 1999 Լեյբլը. Aftermath Ent.	2	1	3	4	RIAA: 6× Platinum[8] ARIA: 2× Platinum BPI: 3× Platinum BVMI: Gold IFPI SWI: Gold MC: 5× Platinum RMNZ: 2× Platinum SNEP: Gold
2011	I Need a Doctor (feat. Eminem & Skylar Grey) (сингл) Թողարկման օրը. 1 փետրվարի 2011 Լեյբլը. Aftermath Ent.	4		8	15
2015	Compton Թողարկման օրը. 7 օգոստոսի 2015 Լեյբլը. Aftermath Ent.	2	1	1	1	BPI: Silver

Ֆիլմագրություն

Տարին	Ֆիլմի վերնագիրը	Դերը	Նշումներ
1992	Niggaz4Life: The Only Home Video	Մարմնավորել է հենց իրեն։	Փաստագրական
1996	Կանչ (1996)]] (Set It Off)	Սև Սեմ
2000	Up in Smoke Tour	Մարմնավորել է հենց իրեն։	Փաստագրական
2001	Վարժանքի օր (Training Day)	Պոլ
	Ավտոլվացարան (The Wash)	Շյոն
2012	Something from Nothing: The Art of Rap	Մարմնավորել է հենց իրեն։	Փաստագրական
2015	Փողոցների ձայնը (Straight Outta Compton)	Մարմնավորել է հենց իրեն։