The Police

The Police (հայերեն՝ Փոլիս ), բրիտանական ռոք խումբ, կազմավորված Լոնդոնում 1977 թվականին։ Տրիոն կազմված է բրիտանացիներ Գորդոն Սամներից (Սթինգ) (վոկալ, բաս կիթառ) և Էնդի Սամներսից (կիթառ, վոկալ) և ամերիկացի Ստյուարդ Քոուփլենդից (հարվածայիններ, վոկալ)։ Խումբը համաշխարհային ճանաչում է ձեռք բերել 1970-ականների վերջում և դիտարկվում էր որպես նոր ալիքի առաջին խմբերից, որը հաջողություն է ձեռք բերել, ստեղծագործելով ռոք ժանրում` ջազի, փանկի և ռեգիի տարրերով։ Խմբի «Synchronicity» ալբոմը 1983 թվականին բրիտանական և ամերիկյան չարթերում առաջին հորիզոնականն է զբաղեցրել և միայն ԱՄՆ-ում վաճառվել է ավելի քան ութ միլիոն օրինակով։

The Police
Ժանրեր	ռոք, նոր ալիք, Պոստ փանկ և reggae rock?
Գործունեություն	1977 - 1986
Լեյբլ	A&M Records և Illegal Records?
Պարգևներ	և Ռոքնռոլի փառքի սրահ
Կայք	thepolice.com
The Police (musical group) Վիքիպահեստում

Չնայած նրան, որ խմբի լուծարման մասին երբեք չի հայտարարվել, խումբը, բացի 1986 թվականի կարճատև վերամիավորումից, համատեղ աշխատանքը դադարեցրել է 1984 թվականի մարտին։ 2007 թվականին նրանք վերամիավորվել են «Roxanne» հիթային սինգլի երեսուն ամյակի կապակցությամբ համաշխարհային շրջագայություն կատարելու համար, որը տևել է մինչև 2008 թվականի օգոստոսը։ Խմբի գործունեության ընթացքում ամբողջ աշխարհում վաճառվել է ավելի քան հիսուն միլիոն ալբոմ, ինչպես նաև իրենց շրջագայության շնորհիվ խումբը դարձել է 2008 թվականի ամենաբարձր վարձատրվող արտիստները^[1]։ Rolling Stone ամսագրի «Բոլոր ժամանակների լավագույն 100 արտիստներ» ցանկում խումբը զբաղեցրել է 70-րդ հորիզոնականը^[2]։ 2003 թվականին The Police խումբը ընդգրկվել է Ռոքնռոլի փառքի սրահում։ Խումբը ունի Գրեմմիի վեց մրցանակ։ Խմբի չորս ալբոմներն ընդգրկվել են Rolling Stone ամսագրի «Բոլոր ժամանակների լավագույն 500 ալբոմներ» ցանկում։

2019 թվականի հունիսի 25-ին The New York Times Magazine-ը The Police խմբին ընդգրկել է հարյուրավոր այն կատարողների մեջ, որոնց նյութերը ոչնչացվել են 2009 թվականի Universal Studios Hollywood ստուդիայի հրդեհի ժամանակ^[3]։

Նախկին անդամներ

• Գորդոն Սամներ (Սթինգ)` վոկալ, բաս կիթառ, կոնտրաբաս, ստեղնաշարեր (ստուդիայում), սաքսոֆոն (ստուդիայում) (1977-1986, 2003, 2007-2008)
• Էնդի Սամներս` կիթառ, բեք վոկալ (համերգների ժամանակ), ստեղնաշարեր (ստուդիայում) (1977-1986, 2003, 2007-2008)
• Ստյուարդ Քոուփլենդ` հարվածայիններ, ստեղնաշարեր (ստուդիայում), բեք վոկալ (ստուդիայում) (1977-1986, 2003, 2007-2008)
• Հենրի Պադովանի` կիթառ (1977)

Սկավառակագրություն

Ստուդիական ալբոմներ

• Outlandos d'Amour (1978)
• Reggatta de Blanc (1979)
• Zenyatta Mondatta (1980)
• Ghost in the Machine (1981)
• Synchronicity (1983)

Համերգային շրջագայություններ

• The Police Around the World Tour (1977-1980)
• Zenyatta Mondatta Tour (1980-1981)
• Ghost in the Machine Tour (1981-1982)
• Synchronicity Tour (1983-1984)
• The Police Reunion Tour (2007-2008)

Մրցանակներ և անվանակարգեր

Brit Awards

• 1982` Լավագույն բրիտանական խումբ
• 1985` Երաժշտության մեջ ակնառու ներդրում

Գրեմմի

• 1980` Լավագուն ռոք գործիքային ելույթ` «Reggatta de Blanc»
• 1981` Լավագույն ռոք վոկալային ելույթ դուոյի կամ խմբի վողմից` «Don't Stand So Close to Me»
• 1981` Լավագուն ռոք գործիքային ելույթ` «Behind My Camel»
• 1983` Տարվա երգ` «Every Breath You Take»
• 1983` Լավագույն փոփ վոկալային ելույթ դուոյի կամ խմբի վողմից` «Every Breath You Take»
• 1983` Լավագույն ռոք վոկալային ելույթ դուոյի կամ խմբի վողմից` «Synchronicity II»

Juno Awards

Տարեթիվ	Առաջադրված	Անվանակարգ	Արդյունք
1984	Synchronicity	Լավագույն միջազգային ալբոմ	Հաղթանակ

People's Choice Awards

Տարեթիվ	Առաջադրված	Անվանակարգ	Աշխատանք
2008	Ինքն իրենց	Սիրելի վերամիավորված շրջագայություն	Հաղթանակ

Ռոքնռոլի փառքի սրահ

• The Police խումբը ընդգրկվել է Ռոքնռոլի փառքի սրահում 2003 թվականի մարտի 10-ին^[4]։

Այլ ցանկեր

• Զբաղեցրել է 70-րդ հորիզոնականն Rolling Stone ամսագրի «Բոլոր ժամանակների լավագույն 100 արտիստներ» ցանկում^[5]։
• Զբաղեցրել է 40-րդ հորիզոնականն VH1-ի «Բոլոր ժամանակների լավագույն 100 արտիստներ» ցանկում^[6]։