Visual Studio Code

Visual Studio Code-ը աղբյուրային կոդի խմբագրիչ է, մշակված Microsoft-ի կողմից Windows-ի, Linux-ի և macOS-ի համար^[6]։ Այն ներառում է վրիպազերծման, Git-ի համար նախատեսված կառավարների, GitHub-ի, շարահյուսության գունանշման, IntelliSense-ի, սնիփետների, և կոդի ռեֆակտորինգի աջակցություն։ Այն ունի հարմարեցման լայն հնարավորություններ, թույլատրելով օգտագործողներին փոխել ոճը, ստեղնաշարային կարճուղիները, նախընտրանքները, և տեղադրել կցորդներ հավելյալ ֆուկցիոնալության համար։ Աղբյուրային կոդը ազատ և բաց աղբյուրով է և թողարկված է MIT License-ի թույլտվության տակ^[7]։

Visual Studio Code

Տեսակ	Աղբյուրային կոդի խմբագրիչ, վրիպազերծիչ
Ենթադաս	զարգացման ինտեգրված միջավայր
Հեղինակ	Մայքրոսոֆթ
Նախագծումը՝	Մայքրոսոֆթ
Գրված է՝	TypeScript, JavaScript, CSS
ՕՀ	Լինուքս, Windows և մաքՕՍ
Առկա է	Անգլերեն (ԱՄՆ), Պարզեցված Չինարեն, Ավանդական Չինարեն, Ֆրանսերեն, Գերմաներեն, Իտալերեն, Պորտուգալերեն (Բրազիլիա), Ճապոներեն, Կորեերեն, Ռուսերեն, Իսպաներեն[1]
Լույս տեսավ՝	2015-04-29 (10 տարի առաջ)
Պլատֆորմ	IA-32, x86-64
Չափ	Windows: 40.8–68.3 ՄԲ Linux: 46.5–66.6 ՄԲ macOS: 67.5 ՄԲ
Զարգացման կարգավիճակ	Ակտիվ
Արտոնագիր	ելակոդը՝ MIT License[2] Դարանները՝ անվճար[3][4]
Հիմք են ծառայել	Electron
Կայք	code.visualstudio.com
Ելակոդ	github.com/microsoft/vscode
Visual Studio Code[5] Վիքիպահեստում

Stack Overflow-ի 2019 թվականի մշակողների հարցմանը, Visual Studio Code-ը դասվեց ամենատարածված մշակման միջավայրային գործիք, 87,317 հարցվածների 50.7%-ը պնդում է, որ օգտագործել է այն^[8]։

Պատմություն

Visual Studio Code-ը հայտարարվեց 2015 թվականի, ապրիլի 29-ին, Microsoft-ի կողմից 2015 Build կոնֆերանսում։ Նախադիտման հավաքումը թողարկվեց դրանից կարճ ժամանակ անց^[9]։

2015 թվականի նոյեմբերի 18-ին, Visual Studio Code-ը թողարկվեց MIT License-ի տակ և նրա աղբյուրային կոդը փակցվեց GitHub-ում։ Կցորդների աջակցությունը նույնպես հայտարարվեց^[10]։

2016 թվականի ապրիլի 14-ին, Visual Studio Code-ը ավարտեց հանրային նախադիտման փուլը և թողարկվեց վեբում^[11]։